Qoǵam • 13 Qańtar, 2020

Bul ne degen masqara?!

43 retkórsetildi

Keńes Odaǵynyń kezinde qıyrdaǵy aýyl-aýyldarda zańsyzdyqtyń mysaly retinde bir qaǵytpa sóz jıi aıtylatyn-dy. Qysqasha mazmuny mynadaı. «Zań Máskeýde qabyldanady. Onyń oryndalýy el astanasynda birshama táýir. Al zań odaqtyq respýblıkalarda jartylaı ǵana oryndalady. Oblys ortalyǵynda shala-jansar kúıinde qabyldanady. Odan aýdanǵa, shalǵaı aýylǵa jetem degenshe Máskeýde qabyldanǵan zańnyń pármeni dińkelep qalady»...

Qudaıǵa shúkir, búginde ózimiz aýyz toltyryp aıta beretin táýelsiz elmiz. Eldiń naq ortasyndaǵy qabyldanǵan sheshimniń saǵyzsha sozylyp, kúshin álsiretetin de jóni joq. Oǵan qosa astanada qabyldanǵan qaýlynyń ınternet ataýlydan maqurym deıtin shalǵaıdaǵy aýyldarǵa keshigip jetkenine túsinikpen qaraýǵa bolar. Al elordanyń irgesindegi Aqmola oblysy, Ereımentaý aýdany ákimdiginiń qyzmetkerleri Qazaqstan Prezıdentiniń 28 jeltoqsandy Jalpyulttyq aza tutý kúni dep jarııalap, elimizdegi memlekettik týlardy tómen túsirýge jáne barlyq oıyn-saýyq sharalaryn toqtatýǵa tapsyrma bergeninen beıhabar bolǵany ma?

Olaı deıtinimiz qalyń jurt qabyrǵasy qaıysyp, Almatyda ushaq apatynan qazaq bolǵan jandardy aza tutyp jatqanda, Ereımentaý aýdanynyń atqaminerleri aldyna ala tapsyrys berip qoıǵan jańajyldyq keshti dýmandatyp ótkizipti. Qysqasy, Memleket basshysynyń tapsyrmasy men halyqtyń basyna túsken qaıǵyny ereımentaýlyq sheneýnikter osylaısha «toılatypty».

Ereımentaý aýdanynyń ákimi Abaı Áljanov bolsa sol keshte áıelimen birge «týǵan kúnde» bolǵanyn aıtady. «Bir týystardyń týǵan kúninde boldyq. Men kirdim de, shyqtym, bir týysymnyń... nesine... joldasymmen. Beretinimdi berip, quttyqtap shyqtym», – dedi Abaı Áljanov.

Qalaı bolǵanda da, aýdan ákiminiń «quttyqtap shyqqany» aza tutý kúni oıyn-saýyq keshtiń bolǵanyn aıǵaqtaıdy. Sonda búkil toǵyzynshy terrıtorııa aýmaǵynda, Qazaqstannyń sheteldegi elshilikterinde memlekettik týlar tómen túsirilip, barlyq oıyn-saýyq sharalary toqtatylyp jatqanda, Ereımentaý aýdanyndaǵy «quttyqtaýdy» qalaı baǵalaýǵa bolady?

Sońǵy jańalyqtar

Satıralyq shyǵarmalar baıqaýy bastaldy

Rýhanııat • Búgin, 18:43

Áskerge barý da keıinge qaldyrylǵan

Aımaqtar • Búgin, 18:33

iPhone 12 Pro renderi shyqty

Tehnologııa • Búgin, 18:31

Petropavlda eki ury qolǵa tústi

Aımaqtar • Búgin, 18:07

Epıdemııa jeńipmazy – bulttyq esepteýler

Tehnologııa • Búgin, 17:22

Shymkentte barlyq avtobeketter jabyldy

Aımaqtar • Búgin, 17:17

Búgin: Almatyda 22 indet oshaǵy bar

Aımaqtar • Búgin, 17:05

Almatyda urlyq-qarlyq eki ese azaıdy

Aımaqtar • Búgin, 15:55

Batys Qazaqstanda qozǵalys shekteledi

Aımaqtar • Búgin, 15:34

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Jekpe-jek: Qaırat Ahmetovtiń qarsylasy anyqtaldy

Kásipqoı boks • Búgin, 13:38

Uqsas jańalyqtar