Aımaqtar • 13 Qańtar, 2020

Senatorlar Mańǵystaýda kásipkerliktiń damýyn talqylady

32 retkórsetildi

Mańǵystaý oblysy kásipkerler palatasyna jumys saparymen Parlament Senatynyń depýtattary Mıhaıl Bortnık pen Baqtybaı Shelpekov keldi. Kezdesý barysynda senatorlar elimizdiń áleýmettik-ekonomıkalyq damýy jóninde sóz qozǵap, osy salalarda bolyp jatqan jańalyqtar men ózgerister týraly aıtyp ótti. Bul týraly О́ńirlik kásipkerler palatasy baspasóz qyzmeti habarlady.

Bıznes - el damýynyń negizgi baǵyty, qozǵaýshy kúshi. Sondyqtan da kásipkerler palatasynyń qatysýymen shaǵyn kásipkerlikti nesıelendirý joldaryn ońtaılandyrý máselesi kóterildi. «Atameken» mıkro qarjy uıymy qurylǵan 3,5 jyl ishinde 2,2 mlrd tg sommada shaǵyn kásipkerlik sýbektilerine nesıe bergen. Sonyń kómegimen oblysta 405 bıznes nysany ashylyp, kásibin dóńgeletip otyr. Statıstıkaǵa júginsek, ekinshi deńgeıli bankterden nesıe alyp is bastaǵandardan góri, «Atameken» mıkroqarjy uıymynan nesıe alǵandar, shaǵyn qarjyǵa kóp adamdy jumyspen qamtý jaǵynan erekshelenedi. Sondyqtan da shaǵyn bıznesti nesıelendirýdiń jańa joly usynyldy.

- «Atameken» mıkroqarjy uıymymen berilgen nesıeniń 97%-yn kásipkerler ótedi. Artylǵan úmit aqtaldy, nesıeni eshqandaı qıyndyqsyz rásimdep, ony óndirýde tájirıbe bar. Sondyqtan da «Atamekenge» qarjy ınstıtýttary, operatorlarmen teń dárejede jaǵdaı jasalsa ıgi.   О́ıtkeni, iskerler men kásipkerler palatasy ortasyndaǵy deldalǵa ýaqyt ta, artyq qarajat ta jumsalyp otyr. Shaǵyn bıznesti nesıelendirý sharttaryn, ádisterin ońtaılandyrý qajet, dedi О́ńirlik kásipkerler palatasy dırektory Nurbek Qarasaev.

О́z kezeginde Senat depýtaty Mıhaıl Bortnık: «Bıznesti nesıelendirýdi odan ári jetildirý, kásipkerler palatasynyń osy joldaǵy ornyn aıqyndaý máselesin respýblıkalyq deńgeıde kóteremiz. О́ıtkeni, bul másele elimizdiń barlyq óńirine ortaq. Kásipkerlikke halyqty tartý, jumyssyzdyqty azaıtý mańyzdy sharalardyń biri dep bilemiz»,- dep naqtylady.

Kezdesý sońynda MO kásipkerler palatasy janyndaǵy О́ńirlik keńes tóraǵasy Bekmurat Júsipov Mańǵystaýdyń senimi men úmitin arqalap júrgen senatorlarǵa sáttilik tiledi. Paıymdy pikirler aıtylǵan keleli kezdesýler aldaǵy ýaqytta da jalǵasyn tabýyna tilektestik bildirdi.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar