Qazaqstan • 13 Qańtar, 2020

Qatar Airways Qazaqstanǵa áýe reısterin ashady

33 retkórsetildi

2020 jyldyń 30 naýryzynda Qatar Airways áýe kompanııasynyń Doha men Nur-Cultan qalalary arasyndaǵy alǵashqy reısti oryndaý rásimi ótedi. Bul týraly Indýstrııa jáne ıfraqurylymdyq damý mınıstrligi Azamattyq avıasııa komıtetiniń Facebook paraqshasynda jarııalandy.

Azamattyq avıasııa komıtetiniń málimetinshe, 2020 jyldyń 30 naýryzynda Qatar Airways áýe kompanııasy Doha men Nur-Cultan qalalary, al 1 sáýirde Doha jáne Almaty qalalary arasynda alǵashqy reısti oryndaıdy.

Atalǵan reıster Boıng-787 (Dreamliner) úlgisindegi áýe kemesimen oryndalady. Qatar Airways áýe kompanııasy Doha qalasynan Nur-Sultan qalasyna aptasyna 2 ret jáne Almaty qalasyna aptasyna 4 ret jıilikpen Airbus -320 úlgisindegi áýe kemesimen turaqty jolaýshylar reısterin oryndaıdy. Jalpy, Qatar Airways áýe kompanııasy Qazaqstanǵa aptasyna 6 ret turaqty túrde ushatyn bolady. Eki el arasyndaǵy reısterge bıletterdiń satylymyn bastaý 16 qańtarǵa josparlanǵan.

Reıstiń ashylýy qazaqstandyq jolaýshylarǵa Qatar Airways áýe kompanııasynyń 160 baǵytyna sapar shegýge múmkindik beredi.

Aıta keteıik, Qatar Airways - Katardyń ulttyq áýe kompanııasy, álemdegi eń iri áýe kompanııalardyń biri. Áýe kemeleriniń parki 233 ushaqtan turady. Basty tranzıttik haby - Doha qalasyndaǵy Hamad halyqaralyq áýejaıy. 2018 jyldyń qorytyndysy boıynsha áýe kompanııasy 29 mln jýyq jolaýshy tasymaldady.

 

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar