Aımaqtar • 13 Qańtar, 2020

Túrkistan: Májilis depýtattary Saryaǵashtaǵy kásiporyndardy aralady

82 retkórsetildi

Búgin Parlament Májilisiniń depýtattary, «Nur Otan» partııasy fraksııasynyń músheleri Saryaǵash aýdanyna issaparmen keldi. Bul týraly Túrkistan oblysy ákimdiginiń baspasóz qyzmeti habarlady.

Parlament Májilisiniń depýtattary Qudaıbergen Erjan, Ýálıhan Qaınazarov jáne Muhtar Erman Saryaǵash aýdany, Jibek joly aýylyndaǵy «Agrotýr» sharýa qojalyǵynda boldy. 2018 jyly qurylǵan sharýa qojalyǵynda túrkııalyq tehnologııa qoldanylady. Munda túrli kókónisterdiń kóshetteri ósiriledi. Dán sebý jumysy avtomattandyrylǵan. Sharýa qojalyǵynyń basshysy Tursyn Tashodjaevtyń aıtýynsha, óńirdegi jylyjaılar osynda kókóniske aldyn-ala tapsyrys beredi. 10 adam jumyspen qamtylǵan bul jylyjaıda qyzanaq ta ósiriledi.

Sharýa qojalyǵynyń jumysyn joǵary baǵalaǵan depýtattar Túrkistan oblysynda aýyl sharýashylyǵyn damytýǵa múmkindik mol ekenin aıtty. Osynda kásipkerlermen júzdesken zań shyǵarýshy organ ókilderi jýyrda qoldanysqa engizilgen zańdar elimizdiń damýyna oń serpin beretinin jetkizdi. Ustazdardyń mártebesin kóterý, kópbalaly otbasylarǵa jańa formatta turaqty járdemaqy berý, az qamtylǵan otbasylarǵa ataýly áleýmettik kómek berý erejeleri jaqsara túskenin, Prezıdent Qasym-Jomart Toqaevtyń saılaýaldy baǵdarlamasyndaǵy mindetter naqty júzege asa bastaǵanyn málimdedi. 2020 jyldyń 1 qańtarynan bastap mindetti medısınalyq saqtandyrýdy engizý jumysy bastalǵany, partııanyń «Aýyl – el besigi» jobasynyń mańyzdylyǵy da aıtyldy.

Jumys oryndaryn ashý, kásipkerlikti damytý, aýyl sharýashylyǵyn jandandyrý, qoldanysqa engizilgen jańa zań baptary Saryaǵash aýdany, Darbaza aýylyndaǵy «Fırma Saken» JShS aýmaǵyndaǵy kezdesýde de sóz boldy. Osynda aýyl turǵyndarymen júzdesken depýtattar Baıdildá Jylqyshıev, Sáken Qanybekov jáne Mansurhan Mahambetov memleket tarapynan qolǵa alynǵan bastamalar jóninde pikir almasty. Kásipkerlikti, aýyl sharýashylyǵyn jandandyrýǵa baǵyttalǵan jeńildikter men sýbsıdııalar jaıy da áńgime arqaýyna aınaldy.

Búginde 600-ge jýyq iri qara mal, 2 myńnan astam ýaq mal asyrap otyrǵan «Fırma Saken» JShS 20 adamdy jumyspen qamtyǵan. Jylyna 700 tonnadan astam ónim óndiredi. Oblys turǵyndaryn sút jáne sút ónimderimen qamtýǵa úles qosyp otyrǵan kásiporynnyń aýdan ekonomıkasynda orny bar. Depýtattar Saryaǵash qalasyndaǵy 5 qabatty 13 turǵyn úıdiń qurylys barysymen tanysty. "Nurly jer" baǵdarlamasy aıasynda qurylysy 2018 jyly bastalǵan úıler bıyl paıdalanýǵa beriledi. Sonymen birge depýtattar "Jibek joly" keden beketiniń jumysymen tanysty.

Osylaısha, Parlament Májilisindegi «Nur Otan» partııasy fraksııasynyń músheleri Túrkistan oblysy aýmaǵyn túgel aralap, jańa zań baptaryn túsindirýmen qatar óńirdegi ózekti problemalarmen tanysty. Osy issaparlar barysynda anyqtalǵan máseleler Parlament Májilisinde talqylanady degen jospar bar.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar