Aımaqtar • 13 Qańtar, 2020

Ushaq apatynda qaza tapqan azamatty aýyldastary eske aldy

998 retkórsetildi

О́tken jyldyń sońynda qalyń qazaqtyń qabyrǵasyn qaıystyrǵan oqıǵa bolyp, «Bek Air» kompanııasynyń ushaǵy apatqa ushyraǵany belgili. Apat saldarynan 12 adam qaza taýyp, 47 adam aýyr jaǵdaıda aýrýhanaǵa jetkizilgen-di. Osy ushaqta Qostanaı oblysy Jangeldın aýdany Qyzbel aýylynyń týmasy Abaı Nurbekovtiń de otbasy boldy. О́kinishke qaraı, otaǵasy týǵan kúnine bir apta qalǵanda aıtyp kelmeıtin apattan qaza tapty.  

Kúni keshe Qyzbel aýylynyń azamattary bas qosyp, apat kezinde qaza tapqan Abaı Nurbekovke quran baǵyshtap, jerlesterin eske aldy. Báıgereı Balǵauly bastaǵan jergilikti jigitter Arqalyq qalasynda arnaıy as berdi. Mundaǵy maqsat – bútin bir áýlettiń arystaı azamaty tótennen kelgen apatta qaza tapqanda el bolyp birge ekendigin jetkizý, bir-birine jan jylýyn syılaý. Bul is – qaıǵyny bólisseń azaıady deıtin qazaqtyń taǵylymdy turmysyn ańǵartsa kerek. Sondyqtan bolar, jınalǵan adam sany kóp boldy. Aýyl, aýdan ákimderi bastaǵan top boı kórsetti. Arqalyq qalalyq keńesiniń tóraǵasy Jánibek Ǵapbasulynyń sózi kópshilikti oılandyrdy.

duǵa

– El arasynda «Basy aýyrmaǵannyń qudaımen isi joq» degen sóz bar. Muny aıtyp otyrǵan sebebim, bul jolǵy qaza – Jaratýshy ıeni esimizge salyp, táýbege kel degendi bildirip otyr. Aýyr qaza. Degenmen azamattyń artynda izin jalǵaıtyn 4 balasy men jary qaldy, - dedi aqsaqal.

Sońǵy jyldary Almatydaǵy «Almatyelektromontaj» kompanııasynda tehnıkalyq dırektor qyzmetin atqaryp júrgen Abaı jańa jyldy aýyldaǵy otbasymen birge qarsy alýdy ádetke aınaldyrǵan eken. Kezekti sapary osylaısha qaıǵyly oqıǵamen aıaqtalyp otyr.

Marqumnyń tórt balasy taıaýda aýrýhanadan shyqty. Jubaıy áli de emdelýde.

Apattan zardap shekkenderdiń jaqyndaryna kóńil aıtyp, qoldaý bildirip jatqan jurtta esep joq.

sáken           

Kóptiń tilegi bireý – el aman, jurt tynysh bolsa deıdi. Kenetten keletin keselden saq bolsaq eken dep otyr. Halyq qaıǵyly oqıǵadan zardap shekkenderdiń tezirek ońalyp, qatarǵa qosylyp ketýin tileıdi.

Uqsas jańalyqtar