Saıasat • 14 Qańtar, 2020

О́zara is-qımyldyń bes baǵyty

19 retkórsetildi

Nur-Sultan qalasynda «Qa­zaq­stannyń Azamattyq alıansy» ZTB-nyń konferen­sııasy ótti. Onda atalǵan qury­lymnyń ótken jylǵy jumysy qorytyndylanyp, aldaǵy maqsattary aıqyn­daldy.

Konferensııa jumysyna Pre­zıdent Ákimshiligi Basshysynyń birinshi orynbasary Máýlen Áshim­baev pen Aqparat jáne qoǵamdyq damý mınıstri Dáýren Abaev qa­tysty.

– Azamattyq alıans – ýaqyt synynan ótken, el damýynyń jaýapty kezeńderinde óziniń syndarly ustanymyn tanytqan memlekettiń konstrýktıvti seriktesi retinde úl­ken is-sharalardyń basynda júr­gen qoǵamdyq uıym. El damýyna, qoǵam men bıliktiń arasynda ashyq dıa­logtyń ornyǵýyna, ártúrli áleý­mettik máselelerdiń sheshilýine Aza­mattyq alıans jáne osy uıymǵa kirip otyrǵan memlekettik emes qury­lymdar úlken úlesin qosýda. Sońǵy birneshe jyldyń ishinde Azamattyq alıanstyń jumysynda tyń úrdister bar ekenin kórip otyrmyz. Ári qaraı da biz Azamattyq alıanspen, oǵan kiretin uıymdarmen konstrýktıvti túrde jumys isteýge, birigip úlken jobalardy júzege asyrýǵa daıynbyz, – dedi M.Áshimbaev.

Onyń aıtýynsha, el damýynda jańa kezeń bastaldy. Prezıdent Qasym-Jomart Toqaev úlken maq­­sattar qoıyp otyr. Elbasy saıa­satynyń sabaqtastyǵyn qamtamasyz etip, memleketti jańa belesterge kóterýge arnalǵan jumystar júr­gizi­lip jatyr. Bul jumystar aza­mat­t­yq qoǵamnyń qatysýynsyz du­rys júzege asyrylmaıdy. Son­dyqtan Prezıdent Ákimshiligi qoǵam­dyq, memlekettik emes uıymdar­men qa­ty­nastardy ári qaraı jan­dan­­dyrýǵa, jańa satyǵa shyǵarýǵa múddeli.

Memleket basshysynyń saı­laýaldy baǵdarlamasy, tyń bastamalaryn júzege asyrý jumys­tary qarqyndy júrýde. Júzege asyp jat­qan baǵdarlamalardyń kópshiligi oń baǵalanyp, qazaqstandyqtardyń qoldaýyna ıe bolyp otyr. Júr­gi­zilip jatqan jumystardyń basym baǵyttarynyń biri – qoǵamdyq dıalogty jandandyrý jáne «Halyq únine qulaq asatyn memleket» tu­jy­rymdamasyn iske asyrý. Bul baǵyt­tar boıynsha aýqymdy jumystar at­qarylýda. Máselen Prezıdent Ult­tyq qoǵamdyq senim keńesiniń ekin­shi otyrysynda atalǵan keńes múshe­leriniń usynystary negizinde ázirlen­gen reformalardy elge jarııalady.

– Memlekettik organdar ju­mysynyń úkimettik emes uıym­dar­men baılanysyndaǵy ashyqtyqty qamtamasyz etý baǵytynda da ju­mys júrgizilýde. Bılik qoǵamnyń su­ra­nysyna, qandaı da bir mańyzdy máseleniń sheshimin tabýǵa qatys­ty jedel áreket etýde. Iаǵnı buǵan de­ıin aıtyp ótkenimizdeı, elimiz damý­­dyń mańyzdy satysynda tur. Eko­­no­mıkany, kásipkerlikti tıimdi dam­y­tý, aýyl sharýashylyǵyn aıaqqa nyq tur­ǵyzý, memleket ómiriniń barlyq sal­asyna ınnovasııa ıgiligin, ataýly áleý­mettik kómektiń jańa forma­tyn en­gizý, mindetti álýemettik saq­­tan­dy­rýdy engizýge baılanys­ty jańa baǵdar­lama ázirleý tur­ǵy­syn­da jumys­tar júrgizilýde. Saıası salada da bir­qatar ózgeris bar, – dedi M.Áshimbaev.

M.Áshimbaev atalǵan jumystardy atqarý barysynda Azamattyq alıans pen oǵan kiretin uıymdar tarapynan ózara árekettestik jáne qoldaý bolaryna senim bildirip, osy ózara is-qımyldyń basym 5 baǵytyn alǵa tartty. О́zara is-qımyl bir ja­ǵy­nan Prezıdent Ákimshiligi, mem­le­ket­tik organdar, Aqparat jáne qoǵam­dyq damý mınıstrligi jáne kelesi jaǵynan úkimettik emes uıym­dar arasynda júrgiziletin bolady.

«Birinshiden, Memleket basshy­sy­nyń tapsyrmasy negizinde qoǵam­dyq suranysqa jaýap retinde túrli qylmystarǵa qatysty jaýap­ker­shilikti kúsheıtýge, qoǵamdaǵy qan­daı da bir mańyzdy máselelerdi she­shýge baǵyttalǵan birneshe zań qa­byl­dandy. Osyndaı jumystar aldaǵy ýaqytta da jalǵasyn tabady. Azamattyq alıans osy jáne ózge de zań jobalaryn ázirleý kezinde belsendilik tanytqany mańyzdy. Búginde osy zańnamalyq ózgeristerdi, onyń memleketke, ha­lyq­qa berer paıdasyn turǵyndarǵa túsindirý jumysy da mańyzdy bolyp otyr. Iаǵnı, durys jolǵa qoıylǵan aqparattandyrý jumysy qajet. Búginde bul jumysty Aqparat jáne qoǵamdyq damý mınıstrligi ózge de memlekettik organdarmen, ákim­dik­termen birlese otyryp júzege asy­rýda. Sondyqtan Azamattyq alıans­tyń halyqqa túsindirý, aqpa­ra­ttandyrý jumystaryna bel­sen­di aralasqany mańyzdy.

Ekinshiden, Memleket basshysy usynǵan «Halyq únine qulaq asatyn memleket» tujyrymdamasyn iske asyrý barysynda ózara áriptestikti nyǵaıtý kózdelýde. Bul rette qoǵam­dyq dıalog ornatý mańyzdy bolmaq. Bılik pen qoǵam arasynda turaqty, júıeli qatynas ornatý kózdelýde. Sondyqtan bul jumysty iske asyrý kezinde azamattyq qoǵam da qarap qalmaýy tıis.

Úshinshiden, osy kúngi ózekti másele – otandastarymyz arasynda azamattyq-quqyqtyq mádenıetti qalyp­tastyrý. Quqyqtyq memleketti qalyptastyrýda barlyq qatynas zań arqyly rettelgeni jón. Premer-Mınıstr de, mınıstr de, ákim de, memlekettik qyzmetker de, sheneýnik te, azamattyq belsendiler de, saıa­sı partııalar da, úkimettik emes uıym­dar da zań aıasynda jumys is­teıdi. Eshkim de zańnan joǵary tur­ǵan joq. Sondyqtan osyndaı qu­qyq­tyq mádenıetti turǵyndar ara­synda qalyptastyrý mańyzdy. Azamattyq alıanstyń bul baǵyttaǵy áleýeti joǵary. Tıisti mem­lekettik organdardyń kómegine júgi­ne otyryp, osy jumysty Aza­mat­tyq alıanstyń qolǵa alýyna bolady.

Tórtinshiden, Memleket basshysy 2020 jyldy – Volonter jyly dep jarııalady. Sondyqtan úki­met­tik emes uıymdar, qoǵamdyq uıymdar bıylǵa belgilengen is-sharalarda belsendilik tanytqany mańyzdy. Volonter jyly – Batysta qalyptasqan úrdiske ún qosý emes. Ulttyq dástúrimizde, ulttyq kodymyzda et-jaqyndarymyzǵa, basyna qıyn is túsken azamattarǵa qol ushyn sozý, qaıyrymdylyq tanytý qaǵıdasy bar. Halqymyzdyń dúnıetanymy, ulttyq kózqarasy osyǵan negizdelgen. Jańa júıelik qundylyqtar qataryna volonter isin de qosyp, ony ıgi ádetke aınaldyrýǵa bolar edi. Volonter isine qatysty memlekettik organdar tarapynan da mańyzdy bastamalar kóteriledi. Bul is-sharalardy júzege asyrýda Aza­mattyq alıans memlekettik organdar úshin negizgi seriktes bola alady.

Besinshiden, bılikke qashan da jaqsy usynystar, ıdeıalar qajet. Bul rette Azamattyq alıans ekonomıka, áleýmet, saıasat salalaryna qatysty tyń bastamalardyń, ıdeıalardyń ortalyǵy bola alady. Qoǵamdyq pikirlerdi, utymdy usynystardy saraptap, Prezıdent Ákim­shiligine, memlekettik organ­darǵa joldaýyna bolady. Bul usy­nys­tardy júzege asyrý boıynsha jumystar júrgiziledi» dep atap kórsetti Prezıdent Ákimshiligi Bas­shysynyń birinshi orynbasary.

О́z kezeginde, kon­fe­­ren­sııaǵa qa­tysýshylar da M.Áshim­­baevqa bir­­qatar saýal jol­dady. Túsin­geni­­mizdeı, elimiz­diń túk­pir-túk­pirinen bas qosqan qatysý­shy­lar­dy alańdatyp otyrǵan – Azamat­tyq alıanstyń fılıaldaryna ǵı­marat, bas qosatyn, turǵyn­dardy qa­byl­­daıtyn orynnyń bolmaýy. Olar túrli nysandardy jalǵa alýǵa máj­búr. Úkimet tarapynan bóli­netin qara­jattyń bir bóligi de soǵan jum­sa­la­dy eken. Olar Aza­mattyq alıans­tyń fı­lıaldaryn elimizdegi Dostyq úı­lerine ornalastyrýdy usynyp otyr.

– Aldaǵy jyl – azamattyq qo­ǵam­nyń damý jyly bolady. Men ony Prezıdent Qasym-Jomart To­qaev­tyń Qazaqstan halqyna Jol­daýy­men Ulttyq qoǵamdyq senim keńesiniń ekinshi otyrysynda kóteril­gen máse­lelerge qarap aıtyp otyr­myn. Sondyqtan azamattyq qoǵam­nyń damý barysy barynsha jedel júrýi­ne barymyzdy salýǵa tyrysa­myz. Ol óz kezeginde turǵyndar úshin de, azamattyq qoǵam úshin de, tutas elge de paıdaly, – dedi «Qazaqstannyń Azamattyq alıansy» zańdy tulǵalar birlestiginiń prezıdenti Asylbek Qojahmetov.

 

Sońǵy jańalyqtar

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Synaqtan saǵy synbaǵan

Aımaqtar • Búgin, 08:11

Býllıng qurbany – jasóspirimder

Qoǵam • Búgin, 08:10

Birneshe sıfrly joba iske qosyldy

Aımaqtar • Búgin, 08:08

Ýaqyty kelgen ıgilik

Tehnologııa • Búgin, 08:05

Sálemde bereke bar

Rýhanııat • Búgin, 08:03

Mysty qalada myltyq nege atyldy?

Aımaqtar • Búgin, 08:02

Uqsas jańalyqtar