Rýhanııat • 14 Qańtar, 2020

«Júregimniń túbine tereń boıla...» atty respýblıkalyq Abaı músháırasyna shaqyramyz

390 retkórsetildi

Bıyl qazaqtyń uly aqyny, qa­zaq jazba ádebıetiniń negizin qalaý­shy, fılosof, kompozıtor Abaı Qu­nan­­baıulynyń 175 jyldyq mereıtoıy. Jaqynda ǵana Prezıdent Qasym-Jomart Toqaev «Abaı já­ne XXI ǵasyrdaǵy Qazaqstan» atty ma­qalasynda: «Abaıdy qalaı dáriptesek te jarasady. Onyń ǵıbratty ǵumyry men shynaıy shyǵarmashylyǵy – qazaq halqyna ǵana emes, jahan jurtyna da úlgi-ónege. Abaıdyń adam men qoǵam, bilim men ǵylym, din men dástúr, tabıǵat pen qorshaǵan orta, memleket pen bılik, til men qarym-qatynas týraly aıtqan oı-tujy­rymdary ǵasyrlar ótse de ma­ńyzyn joǵaltpaıdy. О́ıtkeni aqyn­nyń murasy – búkil adamzat ba­la­synyń rýhanı azyǵy», degen bolatyn.

Abaı – adamzat rýhanııat kóginde jarqyraǵan erekshe jaryq juldyz. Abaıdyń óshpes jyrlary men ǵa­jaıyp ánderi, Abaıdyń ilimi, Abaı­dyń aqyly, Abaıdyń kemeldigi, Abaıdyń kisiligi, Abaıdyń «Birińdi qazaq biriń dos, kórmeseń istiń bári bos» degen birlikshildigi, Abaıdyń adamzattyq oılary, Abaıdyń gýma­nızimi osynyń barlyǵy uly oıshyldan qalǵan asyl muralar. Biz onyń qadirine jetip, máńgilik áspetteı biliýimiz kerek.

Uly aqynnyń 175 jyldyq mereı­toıyna oraı Nur-Sultan qa­la­sy ákimdiginiń qoldaýymen Sáken Seıfýllın mýzeıi dástúrli Respýb­lıkalyq aqyndar músháı­rasyn jarııalaıdy. Músháıra taqyryby – «Júregimniń túbine tereń boıla...». Elimizdiń arqaly aqyndaryn alaman jyr báıgesine qatysyp, óz baqtaryn synaýǵa sha­qyrady.

О́leń – sózdiń patshasy, sóz sarasy,

Qıynnan qıystyrar er danasy.

Tilge jeńil, júrekke jyly tıip,

Tep-tegis, jumyr kelsin aınalasy,

– dep asyl jyrdyń qasıetin bir aýyz sózben túıindegen Hákim Abaıǵa aıtar alǵys, arnalar jyr eshqashan tolastamaıtyny anyq.

 Taqyrypqa shekteý joq. Uly Abaı­dyń segiz qyrly, bir syrly da­nalyǵy men danyshpandyǵyn bú­gingi Táýelsiz eldiń muratymen ush­tastyra jyrlaý aqyndardyń óz shabytyna baılanysty.

Endeshe júırikterdi jyr máre­sinde kútemiz!

Bas júlde – 2 250 000 teńge

Birinshi oryn – 1 150 000 teńge

Eki ekinshi oryn – 650 000 teńge

Úsh úshinshi oryn – 550 000 teńge

Bes yntalandyrý syılyǵy –          150 000 teńge.

Músháıraǵa esh jerde jaryq kórmegen tolǵaýlar, toptama óleńder 2020 jyldyń maýsym aıynyń 1-ne deıin qabyldanady.

Músháıra qorytyndysy Elorda kúni qarsańynda jarııalanady. Úmit­kerler shyǵarmasyn kompıýterde terip, tómendegi meken-jaıǵa jiberý kerek nemese astanakalamger@mail.ru elektrondy poshtaǵa jol­daýǵa bolady. Avtordyń aty-jóni, meken-jaıy, baılanys telefony, elektrondy poshtasy (bar bolsa) mindetti túrde kórsetilýi kerek. Indeks: 010000, Nur-Sultan qalasy, M.Áýezov kóshesi 20/A úı, Sáken Seıfýllın mýzeıi. Tel. 8 (7172) 32-84-67, 53-34-03. Júl­de­ger­lerdiń kelip-ketý shyǵynyn uıym­das­tyrýshy tarap moınyna almaıdy.

 

Uıymdastyrý alqasy

 

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar