Kezdesýdiń alǵashqy kezeńinde «Barys» Nıkıta Mıhaılıs pen Korben Naıt soqqan shaıbadan keıin 2:0 esebimen alǵa shyqty. Ekinshi kezeń bastala sala qonaq komanda jyldam shaıba soǵyp, esep aıyrmasyn qysqartýǵa múmkindik aldy. Gol avtory – Anton Lander. Degenmen arada 10 mınýt ótkende Dastın Boıd «Barystyń» úshinshi golyn soqqan edi. Biraq «Lokomotıv» hokkeıshileri bir mınýttan soń esepti 3:2-ge jetkizdi. Úshinshi kezeńde san basymdyǵyna ıe bolǵan qonaqtar úshinshi golyn soǵyp, esepti teńestirip ketti. Bul joly Stefan Da Kosta mergendigimen kózge tústi. Negizgi ýaqyt teń aıaqtalǵan soń báseke overtaımǵa jalǵasty. 62-mınýtta Anton Sagadeev «Lokomotıv» qaqpasynan sańlaý taýyp, «Barysqa» mańyzdy eki upaı áperdi.
Jerlesterimiz kelesi kezdesýin búgin Ýfanyń «Salavat Iýlaev» komandasymen ótkizedi.
