Taraptar 2019 jylǵy 5 jeltoqsanda Qazaqstan Respýblıkasynyń Prezıdenti Qasym-Jomart Toqaevtyń Germanııa kansleri Angela Merkelmen kezdesýi barysynda qol jetkizilgen ýaǵdalastyqtardyń iske asyrylý barysyn, sondaı-aq óńiraralyq deńgeıdegi yntymaqtastyq perspektıvalaryn talqylady. Qazaqstan men Germanııa arasyndaǵy saýda-sattyq jáne ınvestısııalyq yntymaqtastyqty keńeıtýge ózara daıyn ekendigi atap ótildi.
M.Baımuhan Memleket basshysynyń alǵashqy eýropalyq sapary jalpy quny 2,4 mlrd AQSh dollaryn quraıtyn kommersııalyq kelisimder jasaýǵa múmkindik bergenin atap ótti. Qazaqstandyq dıplomat nemis tarapyn EO memleketteri deńgeıinde Qazaqstanǵa vızalyq rejımdi jeńildetý máselesin qoldaýǵa shaqyryp, bul ekonomıkalyq, bilim berý jáne mádenı salalardaǵy ekijaqty qarym-qatynastardy odan ári jandandyra túsýge ózara yqpal etetinin atap ótti.
О́z kezeginde D.Vıze Prezıdent Q.Toqaevtyń resmı sapary qazaqstandyq-nemis áriptestigin tereńdetýge ózara qyzyǵýshylyqtyń bar ekenin kórsetkenin habarlady. Nemis dıplomaty «Biz qazirgi tańda Qazaqstanda iske asyp jatqan reformalardy qoldaımyz jáne olardy júzege asyrýǵa qolǵabys jasaýǵy daıynbyz» dedi.
Talqylaý barysynda ekijaqty qatynastardaǵy mańyzdy suraqtardyń arasynda gýmanıtarlyq máseleler de boldy. Taraptar eki el arasyndaǵy «dostyq kópiri» bolyp tabylatyn Qazaqstandaǵy nemis dıasporasy jáne GFR-daǵy burynǵy qazaqstandyqtardyń úlken qaýymy bolýyna oraı qazaqstandyq-nemis áriptestigi asa mańyzǵa ıe ekendigin rastady. Eki eldiń úkimetteri óz azamattaryna múmkindiginshe qolaıly jaǵdaı jasaý boıynsha jumystar jasaýda.
Taraptar kópqyrly áriptestikti damytýdy jalǵastyrý maqsatynda qalyptasqan baılanystar dınamıkasyn ilgeri jyljytýǵa kelisti.
