Qoǵam • 14 Qańtar, 2020

Memlekettik múddeni aıaq asty etken memlekettik qyzmetkerler

216 retkórsetildi

Petropavl qalasyndaǵy «Ivýshka» bala baqshasyndaǵy qazaq toby jabylady degen áleýmettik jelilerdegi tosyn habar elimizdiń barlyq túkpirin eleń etkizdi. Keshe osy másele oblystyq «Nur Otan» partııasynyń fılıalynda Májilis depýtaty Káribaı Musyrmannyń qatysýymen talqylandy.

Aldymen oblystyq bilim basqarmasy bastyǵynyń orynbasary Vladımır Tkachenko baıandama jasap, byltyr «Ivýshka», «Aq Bota» jáne «Baldáýren» balabaqshalarynyń senimdi basqarýǵa berilgendigin aıtty. Olardy «Bal Arman» JShS alypty. Jarty jylǵa jetpeı «Ivýshka» balabaqshasyn alǵan seriktestik ata-analardyń tólemin 23 myń teńgege deıin kótergen. О́ıtkeni, olar 21 mln. teńgeniń ınvestısııasyn saldy dedi sheshen. Sonymen birge on tórt adamdyq qazaq tobyn jabý týraly sheshim qabyldaǵan.

Osydan biraz buryn «Habar 24» telearnasynyń tilshisi balabaqsha basshylary tórt orys tobyna qazaq tilinde tárbıelenetin on tórt balaly topty bólemiz, sóıtip bárin tek orys tilinde tárbıeleıtin bolamyz, dep aıtqanyn jetkizgen. Al qazaq tobyn alyp qalamyz, olardyń orys tobynyń esebinen toltyrýǵa tyrysamyz degendi senimdi basqarýǵa alǵan orys tildester oıyna da almaıtyn bolsa kerek. Orys toptaryn qazaq balalarymen bir topqa qosaıyq desek, olardyń ata-analary shý shyǵarady jáne ata-analar jańa tólemaqyny kótere almaıtynyn balabaqshanyń meńgerýshisi Zınaıda Tokareva aıtqan.

Al «Habar-24» tilshisiniń aıtýyna qaraǵanda memleket árbir bala úshin senimdi basqarýǵa alǵandarǵa 30 myń teńgeden tóleıdi eken. Qalǵan shyǵyndar kásipkerdiń moınynda. Shaǵyn sıýjetten túsingenimiz – senimdi basqarýǵa alǵan kásipker qazaq tobyn jaýyp, tek qana orys toptaryn qaldyrýdy ǵana aldyna maqsat tutqan. О́ziniń qaı memlekette qyzmet isteıtinin de eskermegen.

Májilis depýtaty Káribaı Musyrmanmen bolǵan kezdesýde atalmysh balabaqshalardyń bári qalypty jumys istep turǵan mekemeler ekendigi belgili boldy. Endeshe olardy senimdi basqarýǵa berýdiń de májbúrligi joq. Alaıda qalalyq Bilim basqarmasynyń bastyǵy Sara Mıronqyzy Ramazanova degen hanym bul balabaqshalardy jamandaýǵa tyrysty. Orys tildes áıel qazaqsha qoıylǵan saýaldarǵa da jaýap bere almaı, tosylyp, turyp aldy. Sonymen birge onyń Mamlıýt aýdanynan kelgendigi, al jap-jaqsy balabaqshalardy senimdi basqarýǵa alǵan kásipker de sol aýdandiki ekeni belgili boldy. Jýrnalısterdiń siz ol kásipkerdi biletin be edińiz degen saýalyna Mıronqyzy jaýap bermedi. Kezdesýge qatysýǵa kelgen Amandyq Jantemirov degen aqsaqal osy kásipkerdi biletinin jáne onyń az ýaqyttyń ishinde balabaqshany kórkeıtýge 21 mln. teńge ınvestısııa salǵanyna shúbáli ekenin aıtyp saldy. «Men onyń eshqandaı artyq aqshasy joq ekenin jaqsy bilemin» dedi aqsaqal.   

Al osy joldar avtorynyń oblystyq bilim basqarmasy bastyǵynyń orynbasary V.Tkachenkoǵa: «senimdi basqarýǵa berilgen kelisimshartta aıtylǵan beıindilikti saqtaý týraly mindetteme» talabyn oryndamaǵany úshin senimdi basqarýdan qaıtadan alyp qoıýǵa bolmady ma jáne osy isti qadaǵalamaǵan jaýapty sheneýnikter qalaı jazalanady degen saýaly da jaýapsyz qaldy. Mundaıdy Tkachenko ómirinde birinshi ret estigendeı ıyǵyn qıqańdatýdy bildi.

Uzyn sózdiń qysqasy, oblystyń demesek te Petropavl qalasy Bilim basqarý salasynda memlekettik múddeni saqtaıtyn jáne onyń buzylmaýyna jol bermeıtin memplekettik sheneýnikter joq pa dep qaldyq. Salany basqaratyn S.Mıronqyzy degen sheneýnik ony kerek qylyp turmaǵany da kórinip tur. Tıisti organdar bul máselege nazar aýdarar degen úmittemiz.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar