Sport • 14 Qańtar, 2020

UOK prezıdenti qazaqstandyq sportshylarmen kezdesti

63 retkórsetildi

Qazaqstan UOK prezıdenti Tımýr Qulybaev Shveısarııanyń Lozanna qalasynda ótip jatqan úshinshi qysqy Jasóspirimder Olımpıadasy aıasynda Halyqaralyq Olımpıada komıtetiniń resmı is-sharalaryna qatysty dep habarlaıdy Olympic.kz.

Qazaqstan UOK basshysy álemdegi olımpıadalyq qozǵalystyń asa mańyzdy máselelerin talqylap, sheshim qabyldaǵan Halyqaralyq Olımpıadalyq komıtettiń (HOK) 135-shi sessııasyna qatysty. Otyrysta HOK prezıdentiniń esebi tyńdalyp, 2020 jylǵy Tokıo Olımpıadasyn, 2020 jylǵy Lozannadaǵy qysqy jasóspirimder Olımpıadasyn jáne 2022 jylǵy Dakardaǵy jazǵy jasóspirimder Olımpıadasyn uıymdastyrý komıtetteri esep berdi.

Sessııa jumysy barysynda 2024 jylǵy qysqy jasóspirimder Olımpıadasyn Azııa aımaǵynda – Kannyn men Phenchhan qalasynda ótkizý týraly sheshim qabyldandy. Bul eki qala 2018 jylǵy qysqy Olımpıada oıyndaryn qabyldaǵan bolatyn. Sol sebepti, olardyń usynysy 2020 jylǵy Olımpıada kún tártibiniń talaptaryna tolyǵymen saı keldi.

Odan bólek, Tımýr Qulybaev HOK-tyń qoǵammen baılanys jáne sport arqyly áleýmettik damý Komıssııasynyń otyrysyna qatysty. Sondaı-aq sessııa kezinde HOK prezıdenti Tomas Bahpen kezdesti. HOK jáne Qazaqstan UOK basshylary 2020 jylǵy Tokıo Olımpıadasyna daıyndyq barysyn talqylady. Qyzmettik issapar aıasynda UOK prezıdenti Lozannadaǵy úshinshi jasóspirimder oıyndarynyń olımpıadalyq qalashyǵyna at basyn tirep, qazaqstandyq sportshylarmen kezdesti.

Bul kúnderi Lozannada 15-18 jas aralyǵyndaǵy sportshylardyń basyn qosqan jasóspirimder Olımpıadasy ótýde. Olardyń qatarynda 26 qazaqstandyq sportshy bar.

«Eń aldymen barshańyzǵa jasóspirimder Olımpıadasyna qosh keldińizder degim keledi. Lozannadaǵy doda sizderdiń tabysty ári jarqyn bolashaqtaryńyzdyń bastaýy bolady dep senemin. Jasóspirimder Olımpıadasy - úlken sporttyq merekeniń atmosferasy men rýhyn sezinýge berilgen taptyrmas múmkindik. Munda jınaǵan tájirıbelerińiz bolashaqta kádege jaraıdy dep esepteımin. Sizder Qazaqstan ulttyq qurama komandalarynyń rezervi sanalasyzdar, elimizdiń bolashaqtaǵy iri jeńisteri sizdermen tikeleı baılanysty. Sport degenimiz tek qana júldege talasý emes. Onyń aýqymy keń. Elder arasyndaǵy dostyqty nyǵaıtýda da sporttyń róli erekshe. Al jasóspirimder Olımpıadasy halyqtar dostyǵynyń sımvoly sanalady. Munyń jarqyn mysaly – osy Olımpıadadaǵy ártúrli el ókilderinen jasaqtalǵan komandalar arasyndaǵy hokkeı jarysy. Olımpıada oıyndary óz áleýetterińizdi anyqtap, múmkindikterińizdi júzege asyrýǵa arnalǵan alań. Sizderge tabys, tózim jáne iri jeńister tileımin», dep atap ótti Tımýr Qulybaev.

Issapar Ulttyq Olımpıadalyq komıtetter Qaýymdasyǵy atqarýshy komıtetteriniń otyrysymen jalǵasady. Aıta ketelik, Qazaqstan UOK prezıdenti Tımýr Qulybaev 2018 jyldyń qarasha aıynan beri atalǵan uıymǵa múshe 24 adamnyń qataryna endi.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar