Qazaqstan • 14 Qańtar, 2020

Pedagogtar mártebesin kóterý mańyzdy

201 retkórsetildi

Qazaqstan Respýblıkasy Parlamenti Senatynyń depýtaty Baqytjan Jumaǵulov jumys saparymen Býrabaı aýdanynyń ortalyǵy – Shýchınsk qalasynda bolyp, birqatar nysandardy aralady. О́ńirge sapar barysynda bilim berý jáne áleýmettik qorǵaý máselelerine qaraýǵa úlken kóńil bóldi.

Shýchınsk qalasyndaǵy №2 orta mektepte bolǵan depýtat mektep ujymymen jáne dırektorlarymen kezdesip, «Pedagog mártebesi týraly» zań bekitilgennen keıin qandaı ózgerister kútetini týraly áńgimelesti, onyń eńbekaqyny kóterý, qosymsha aqy keshenin engizý, muǵalimderdi qaǵazbastylyqtan aryltý, mektep oqýshylarynyń qaýipsizdigin qamtamasyz etý týraly tarmaqtaryn atap ótti.

Ustazdardyń usynystary men ótinishterin tyńdady. Mektep dırektory Inna Melnık mekteptiń hal-jaǵdaıymen tanystyryp, ózekti máseleleri týraly aıtyp ótti.

–Qazirgi kezde mektepterde magıstratýrada oqyp kelgen mamandar sanyn kóbeıtý qolǵa alynyp jatyr, degenmen, bilim ordalarynda ǵylymmen aınalysýǵa jabdyqtalǵan kabınetter az. Osy jaǵy qarastyrylsa eken. Sonymen qatar muǵalim mamandyǵyn  tańdaǵan joǵary synyp oqýshylary úshin muǵalimder úıi ashylsa eken, deıdi  №9 mektep-gımnazııasynyń dırektory Bıbigúl Kúshekova.

Shýchınsk qalasyndaǵy №1 mektep-gımnazııasynyń dırektory Lıýbov Tkachkova muǵalimderdiń qaǵazbastylyqtan áli de bolsa aryla almaı júrgenin aıtyp, másele qozǵady. Sonymen birge kezdesýde mektepterde kúndelikti on baldyq baǵalaý júıesin engizý qajettigi, zańnamadaǵy ózgeristerdiń jekemenshik bala baqshalarǵa áseri qandaı bolatyndyǵy týraly talqylandy. Bir aýysymda oqytatyn mektepterdiń oqýshylarynda tústen keıin ǵylymı jumyspen aınalysýǵa, túrli úıirmelerge barýǵa úlken múmkindik týǵandyǵy da atalyp ótildi.

О́z kezeginde Baqytjan Jumaǵulov bul máselelerdiń qaralyp jatqanyn, bilim salasy árqashan basty nazarda bolatynyn aıta kele, barlyǵyn zańmen sheshý múmkin emestigin de túsindirdi.

–Muǵalimderdiń mártebesin kóterý úshin olardyń ózderi qoǵammen jumys jasap, ózderin jaqsy ustaýy kerek. Pedagogıkalyq joǵary oqý oryndarynyń mártebesin kóterýimiz qajet. Meniń oıymsha ustazdar týraly jaqsy fılmder túsirilse, muǵalim eńbegi nasıhattalyp jatsa, bul da birshama oń  áser etedi, dedi ol.

Sonymen qatar Baqytjan Jumaǵulov Shýchınskidegi joǵary tehnıkalyq jáne joǵary pedagogıkalyq kolledjderine baryp oqý oryndarynyń tehnıkalyq jabdyqtalýymen, jalpy bilim deńgeıimen tanysty.   

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar