Qoǵam • 14 Qańtar, 2020

Elordada áleýmettik kómektiń jańa formaty qalaı iske asyrylýda?

99 retkórsetildi

Elimizde osy jyldan bastap ataýly áleýmettik kómek pen mindetti áleýmettik medısınalyq saqtandyrýdyń jańa formaty engizildi. Sol oraıda elorda ákimdiginde ótken baspasóz máslıhatynda baǵdarlamanyń iske asyrý máseleleri talqyǵa salyndy. Bul týraly Nur-Sultan qalasy ákimdiginiń baspasóz qyzmeti habarlady.


Jańa format boıynsha AÁK mólsheri burynǵydaı otbasynyń jan basyna shaqqandaǵy ortasha kirisi men otbasynyń ár múshesi úshin ómir súrý qunynyń 70 paıyzy arasyndaǵy aıyrmashylyqty quraıdy. 2020 jyldyń I toqsanyndaǵy eń tómengi kúnkóris deńgeıi 34 654 teńge, kedeılik shegi – 24 258 teńge.

«Memleket basshysynyń tapsyrmasyn oryndaý maqsatynda Eńbek jáne halyqty áleýmettik qorǵaý mınıstrligi áleýmettik kómek tetigin qarastyryp, keshendi sharalar ázirledi. Bıyldan bastap AÁK-ke jańa format engizildi. 2020 jyldyń 1 qańtarynan bastap 4 jáne odan da kóp balasy bar otbasylarǵa memlekettik jańa járdemaqy qarastyryldy. Kópbalaly otbasylar járdemaqy taǵaıyndalatyn arnaıy topqa engizildi. Qazirgi ýaqytta járdemaqylar Nur-Sultan qalasynda taǵaıyndalyp, tólendi. Al suraqtary bar otbasylar 1411 nómiri boıynsha koll-ortalyqqa habarlasa alady» dedi Nur-Sultan qalasy Jumyspen qamtý jáne áleýmettik qorǵaý basqarmasynyń basshysy Sáýle Nurǵojına.

Memlekettik járdemaqyǵa ótinish berilgen kúnine qaramastan tolyq bir aıǵa taǵaıyndalady. Iаǵnı ótinish 20 qańtar kúni tússe, aıdyń sońǵy kúnderine qaramastan tólem tolyq bir aıǵa tólenedi. AÁK taǵaıyndaý úshin ótinish pen jeke kýálik qajet. Buǵan qosa, turǵylyqty jeri boıynsha keminde 6 aı turaqty nemese ýaqytsha tirkeýden ótý kerek.

«AÁK muqtaj otbasylarǵa mindetti túrde taǵaıyndalady. Olardyń otbasyndaǵy jumysqa qabiletti múshesi bolsa qalalyq Jumyspen qamtý ortalyǵy arqyly kómek qolyn sozýǵa daıyn. Qazirgi ýaqytta jumys berýshiler arasynda ýaqyty yńǵaıly 476 vakansııa bar» dedi ol.

Basqarma basshysynyń aıtýynsha, arnaıy ýchaskelik top AÁK-ke qujat tapsyrǵan otbasynyń materıaldyq jaǵdaıyn tekserýden ótkizedi.

«Bir úıden artyq baspanasy bolmaýy kerek. Baspanasy ár adamǵa 18 sharshy metrden aspaýy qajet. Tabys tabýǵa arnalǵan bólmeleri, jer telimi bolmaýy kerek. AÁK alý úshin bir ǵana avtokóligi bolýy kerek» dep sózin jalǵady Sáýle Nurǵojına.

Jıyn barysynda elordada 15 myńǵa jýyq kópbalaly otbasy járdemaqy alatyny belgili boldy.

Járdemaqy otbasyndaǵy balalar sanyna qaraı saralanǵan mólsherdegi kiristerge qaramastan tólenedi. 4 bala – 42 496 teńge, 5 bala – 53 127 teńge, 6 bala – 63 757 teńge, 7 jáne odan da kóp bala – 74 388 teńge. Kópbalaly otbasylarǵa memlekettik járdemaqy taǵaıyndaý úshin qujattar Esil, Saryarqa, Baıqońyr jáne Almaty aýdandarynyń HQKO-larynda qabyldanady.

Sondaı-aq jańa jyldan bastap Qazaqstanda mindetti áleýmettik medısınalyq saqtandyrý bastaldy.

MÁMS negizgi artyqshylyǵy – emhanany, dárigerdi erkin tańdaý jáne saqtandyrý boıynsha jeke klınıkaǵa tirkelý múmkindigi.  Osy júıeniń kómegimen turǵyndar qymbat dıagnostıkalyq jáne zerthanalyq zertteýlerdi tegin ala alady.

Qazirgi ýaqytta Elordada 32 medısınalyq uıym jumys isteıdi, onyń ishinde 15 bastapqy medısınalyq-sanıtarlyq kómek uıymy, 12 stasıonar, 1 qalalyq jedel medısınalyq kómek stansııasy, 1 medısınalyq kolledj, 1 Arnaıy medısınalyq jabdyqtaý bazasy, 1 Bala úıi, 1 Patologoanatomııalyq bıýro.

Budan basqa, 15 jeke menshik medısınalyq uıym alǵashqy medısınalyq-sanıtarlyq kómek kórsetý úshin memlekettik tapsyrys aldy.

MÁMS júıesi barlyq azamattar úshin mindetti ekenin eskerý mańyzdy. 1 sáýirge deıin qazaqstandyqtar óz mártebesin anyqtaýy tıis. Tegin medısınalyq kómek memleket tóleıtin 15 sanattaǵy tulǵalarǵa qarastyrylǵan.

Sońǵy jańalyqtar

Satıralyq shyǵarmalar baıqaýy bastaldy

Rýhanııat • Búgin, 18:43

Áskerge barý da keıinge qaldyrylǵan

Aımaqtar • Búgin, 18:33

iPhone 12 Pro renderi shyqty

Tehnologııa • Búgin, 18:31

Petropavlda eki ury qolǵa tústi

Aımaqtar • Búgin, 18:07

Epıdemııa jeńipmazy – bulttyq esepteýler

Tehnologııa • Búgin, 17:22

Shymkentte barlyq avtobeketter jabyldy

Aımaqtar • Búgin, 17:17

Búgin: Almatyda 22 indet oshaǵy bar

Aımaqtar • Búgin, 17:05

Almatyda urlyq-qarlyq eki ese azaıdy

Aımaqtar • Búgin, 15:55

Batys Qazaqstanda qozǵalys shekteledi

Aımaqtar • Búgin, 15:34

Shymkenttik joldar qoǵam baqylaýynda

Aımaqtar • Búgin, 14:57

Qyzylorda: Oblys ákimi ortalyqqa bardy

Aımaqtar • Búgin, 14:39

Uqsas jańalyqtar