Aımaqtar • 14 Qańtar, 2020

N. Muqyshev «Jaına» ońaltý ortalyǵynda boldy

42 retkórsetildi

Eńbek jáne halyqty áleýmettik qorǵaý vıse-mınıstri Narıman Muqyshev Aqtóbe oblysyna ataýly áleýmettik kómekti taǵaıyndaýdyń jańa tetikterin (budan ári – AÁK) túsindirý maqsatyndaǵy jumys sapary barysynda oblystaǵy Eńbek jáne halyqty áleýmettik qorǵaý mınıstrliginiń sıfrlyq jobalarynyń júzege asyrylý barysymen tanysty. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

14 qańtarda vıse-mınıstr Aqtóbede erekshe qajettilikteri bar balalarǵa qyzmet kórsetetin «Jaına» ońaltý ortalyǵynda boldy. 2019 jyly ortalyq pılottyq jobany iske asyrý aıasynda áleýmettik qyzmetter portalynda tirkelgen, ol múgedektigi bar adamdarǵa jeke ońaltý josparyna sáıkes ońaltýdyń tehnıkalyq quraldary men qyzmetterdi óz betinshe tańdaýǵa múmkindik beredi.

«Bul ortalyqtyń pılottyq jobaǵa qatysýy óte mańyzdy dep esepteımin, sebebi ol balalarǵa qyzmet kórsetedi. Portalda ońaltý sharalaryn tańdaı otyryp, ata-analar ýaqytty únemdep, óz balalaryna yńǵaıly formatta ońaltýdy uıymdastyra aldy. Qazir biz óz qyzmetterin usynatyn medısınalyq-áleýmettik mekemelerdiń sany únemi ósýi úshin belsendi jumys isteımiz. Búginde elimiz boıynsha osyndaı 253 uıym tirkelgen» dedi Muqyshev.

Aqtóbede pılottyq rejımde «Azamattyń áleýmettik kartasy» jobasy belsendi túrde júzege asyrylýda. Búgingi tańda áleýmettik kartalar 40 myńǵa jýyq qala turǵynyna, onyń ishinde mektep oqýshylaryna berildi. Olar áleýmettik tólemder alýǵa, qoǵamdyq kólikterde jol júrýge jáne mektepte tamaqtanýǵa arnalǵan. Tólem kezinde ıesiniń jeńildik sanaty eskeriledi.

«Aqtóbe oblysy áleýmettik-eńbek salasyn sıfrlandyrýǵa belsendi qatysýda. Mysaly, qazir biz áleýmettik kartamen avtobýsta jol aqysyn tóleýdiń yńǵaılylyǵyn, bári qalaı jumys isteıtinin tekseremiz. Aqtóbe qalasy jobany pılottyq rejımde iske asyra bastaǵan alǵashqy qala boldy. Onyń 30 myńy –mektep oqýshylary, 1,5 myńnan astam tranzaksııa Aqtóbe qalasynda kartalarmen júrgizildi» dedi Narıman Muqyshev.

Jeńildik sanatyndaǵy 2 myńnan astam mektep oqýshysy áleýmettik kartalar aldy.

«Munda biz úshin óte mańyzdy sát bar. Biz mektepterde tegin tamaqtanýǵa tıisti oqýshylarǵa qatysty múmkin bolatyn kemsitýdi boldyrmaýǵa tyrystyq. Sondyqtan da mundaı mehanızmdi oılastyrdyq: balanyń jeńildik sanatyna jatatynyna nemese jatpaǵanyna qaramastan, túski as aqysyn tóleý kezinde barlyǵyna birdeı chek beriledi» dep túıindedi vıse-mınıstr.

Esterińizge sala keteıik, Eńbek jáne halyqty áleýmettik qorǵaý mınıstrligi «Sıfrlyq Qazaqstan» memlekettik baǵdarlamasy aıasynda iri jobalardy júzege asyrýda. Olardyń ishinde elektrondyq eńbek bırjasy, elektrondyq eńbek sharttaryn esepke alýdyń biryńǵaı júıesi, otbasynyń áleýmettik kartasy, azamattyń áleýmettik kartasy, áleýmettik qyzmetter portaly jáne t.b. bar. Budan basqa, mınıstrliktiń 40 qyzmetin elektrondyq jáne proaktıvti formatqa kóshirý boıynsha belsendi jumys júrgizilýde.

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar