Qoǵam • 14 Qańtar, 2020

Nur-Sultanda Volonterler jyly ıgi isterimen bastaldy

59 retkórsetildi

«Astana jastary» jastar resýrstyq ortalyǵynyń volonterleri qala turǵyndary úshin «Qamqorlyq mekenjaılary» jáne «Birgemiz» aksııalaryn ótkizýde. Bul týraly Nur-Sultan qalasy ákimdiginiń baspasóz qyzmeti habarlady.


«Bul aksııany biz turaqty túrde ótkizemiz. Jyl boıy UOS men tyl ardagerleri, jalǵyz basty zeınetkerler úshin 145 azyq-túlik sebetin úlestirýdi josparlap otyrmyz. Búgin biz 10 kómekke muqtaj turǵynǵa bardyq. Osyndaı sharalardyń arqasynda elordalyq jastar qalanyń áleýmettik ómirine belsendi qatysyp, boıyndaǵy meıirimdilik, adamgershilik qasıetterimen bólisedi» dep atap ótti «Astana jastary» KMM volonterlik qozǵalysty damytý bóliminiń basshysy Elvıra Esmuhanova.

Jastar ádettegideı zeınetkerler men jalǵyz basty qala turǵyndaryna qar tazalaýǵa kómek kórsetýde.

«Men «Astana jastary» jastar resýrstyq ortalyǵynyń volonterimin. Kóptegen qalalyq áleýmettik-mańyzdy jobalar men is-sharalarǵa qatysamyn. Kez kelgen adam muqtaj adamdarǵa kómek kórsete otyryp, álemdi jaqsyraq etedi dep senemin» dep esepteıdi Ádilet Baıbosynov.

Volonterler jyly urpaqtar sabaqtastyǵynyń tyǵyz baılanysyn atap ótýge taǵy bir sebep boldy. Úlkenderge qurmet – rýhanı kemel qoǵamnyń aıryqsha belgisi ekeni belgili.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar