Parlament • 14 Qańtar, 2020

Senator Serik Jaqsybekov elordalyq máslıhatta boldy

59 retkórsetildi

Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Serik Jaqsybekov Parlament Senatynyń Tóraǵasy D.N.Nazarbaevanyń Senat turaqty komıtetteriniń máslıhattar janyndaǵy salalyq komıssııalarmen ózara is-qımylyn óristetý týraly tapsyrmasy jáne depýtattardyń aımaqtarǵa shyǵýy aıasynda Nur-Sultan qalalyq máslıhatynyń bıýdjet, ekonomıka, ónerkásip jáne kásipkerlik máseleleri jónindegi turaqty komıssııasynyń múshelerimen kezdesti. Bul týraly Parlament Senatynyń baspasóz qyzmeti habarlady.

S.Jaqsybekov áńgime barysynda ózara is-qımyl qalyptastyrýdaǵy eń basty ıdeıa – keri baılanys ekenin atap ótti jáne Senattyń zańnamalyq qyzmeti men turǵyn úı-kommýnaldyq sharýashylyq salasyndaǵy ózgeristerge qatysty zań jobasyn qaraý barysyndaǵy atqarylǵan jumystarǵa toqtaldy. Sondaı-aq osy zań jobasy boıynsha kelisý rásimderi men densaýlyq saqtaý salasyndaǵy ózgerister boıynsha zań jobalarynyń erejeleri men pedagogtardyń mártebesi týraly aıtyp, olardyń negizgi mindetteri men mańyzy týraly áńgimeledi. S.Jaqsybekov sonymen qatar qabyldanǵan zańdardyń iske asýyn qadaǵalaýdaǵy qıyndyqtardy aıtty.

Senator máslıhat depýtattarymen bıýdjetti qalyptastyrý prosesin reformalaý máselesin talqylady jáne bıýdjet zańnamasyn ózgertý jóninde Úkimette birqatar túzetýler ázirlengenin atap ótti.

Ǵylymı-tehnıkalyq qyzmetti kommersııalandyrý máseleleri talqylandy.

S.Jaqsybekov kezdesýdiń qorytyndysy boıynsha ózara is-qımyl jáne «Máslıhattar» veb-portaly arqyly ýaǵdalastyq jaıynda aıtty. Senatta jaqyn arada qaralatyn zań jobalary týraly aıta kelip, olardy qaraýǵa komıssııa músheleriniń qatysýyn usyndy. Sondaı-aq máslıhat depýtattary jeńil ónerkásip boıynsha bıylǵy birinshi toqsanǵa josparlanǵan parlamenttik tyńdaýlarǵa qatysýǵa shaqyryldy.

A.Kúrishbaev osy kezdesý men ózara is-qımylǵa shaqyrǵany úshin depýtat S.Jaqsybekovke alǵysyn jetkizdi. Sondaı-aq memlekettik organdarda strategııalyq josparlaýdyń joqtyǵy, bıýdjetti ıgerilýindegi, atqarýshy bıliktiń júıelik problemalardy sheshe almaı otyrǵanyna jáne elimizdegi basqa da problemalyq máselelerge alańdaýshylyq bildirdi.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar