Aımaqtar • 14 Qańtar, 2020

Temirjol vokzaly «Saparjaı Pavlodar» JShS-nyń jeke qarajatyna qyzmet kórsetýde

102 retkórsetildi

«Qazaqstan Temirjoly» Ulttyq kompanııasy AQ-qa qarasty ózge óńirlerdegi vokzaldardyń bári memlekettik bıýdjetten sýbsıdııalanady.

Oblys  ortalyǵyndaǵy temirjol, avtobýs vokzaldary ózge óńirlerge qaraǵanda bir ereksheligi-ekeýi  bir jerde ornalasqan. Qala qonaqtary men, jolaýshylarǵa óte tıimdi.

Qos vokzaldyń jumysymen tanysqan oblys ákimi Bolat Baqaýov jolaýshylarǵa jaılylyq jasaýǵa baǵyttalǵan birqatar tapsyrma berdi. Temirjol vokzalynyń ǵımaraty tabıǵı tas – mármármen qaptalǵan. Sondyqtan qaıta jóndeýdiń eskızdik jobasy ákimdikpen kelisilipti.

-Biraq, vokzaldy jóndep, jańalaý ǵana emes,  erekshe taspen kómkerilgen birgeıligin saqtaý mindetimiz, dedi «Saparjaı Pavlodar» JShS dırektory Pavel Braslavskıı.

Al, nysandy qaıta qalpyna keltirý, jóndeý kásiporynnyń óz qarjysyna jasalmaq. P.Braslavskııdiń málimdeýinshe, Pavlodar vokzaly kásiporynnyń jeke qarajatymen qyzmet kórsetýde. Sonymen qatar qos vokzal mańyndaǵy aýmaqty retteý de qolǵa alynbaq. Kásiporyn basshylyǵynyń aıtýynsha, zańsyz kelip turyp alǵan taksı júrgizshileriniń kesirinen  keptelister oryn alyp, jolaýshylarǵa jaısyzdyq týǵyzýda. 

Sondyqtan avtovokzal men temirjol vokzalyna kelýshilerdi jeke kirgizip-shyǵaratyn shlagbaýmdar ornatý usynýda. Zańdy túrde jolaýshylar tasymalymen aınalysatyn lısenzııasy bar taksısterge jeke turaq qarastyrý oılastyrylýda. Qos vokzalda jylytylatyn aıaldama, zamanaýı tamaqtaný orny da ashylady.

Sondaı-aq  90-jyldardyń jaǵdaıynda qalyp qoıǵan, kópshilik «kort» dep atap ketken vokzaldar mańyndaǵy bazar, Chkalov kóshesi, 16-úı mekenjaıyna deıingi aralyqty tolyq jańartýdan ótkiziledi. Buǵan deıin qalanyń kóliktik ınfraqurylymy strategııasyn qurǵan almatylyq ınstıtýtty atalǵan ózgeristerdi engizý isine tartý múmkindigi bar. 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar