Parlament • 14 Qańtar, 2020

Senatorlar Almaty mańyndaǵy ushaq apatynan zardap shekkenderge bardy

80 retkórsetildi

Parlament Senatynyń depýtattary Dınar Nóketaeva men Nurtóre Júsip Almaty qalasy mańynda apatqa ushyraǵan «Bek Air» ushaǵynyń zardap shekken jolaýshylary jatqan №4 qalalyq klınıkalyq aýrýhanada boldy. Bul týraly Parlament Senatynyń baspasóz qyzmeti habarlady.

Qazirgi ýaqytta aýrýhanada ár túrli jaraqat alǵan 4 naýqas bar, áýe apatynan zardap shekken 9 adam Almaty jáne Nur-Sultan qalalary men Almaty oblysynyń stasıonarlyq aýrýhanalarynda em alýda.

Depýtattar aýrýhanada zardap shekkendermen áńgimelesti jáne apatty tekserý jónindegi jaǵdaı depýtattardyń baqylaýynda ekenin atap ótti. Búgingi kúni zardap shekkenderdiń jaǵdaıy orta dárejeden jaqsaryp kele jatqany jóninde baǵalanyp otyr. 

Oqıǵa saldarynan 69 adam zardap shekken bolatyn, aýrýhanaǵa jatqyzylǵan 52 jolaýshynyń 9-y bala ekeni belgili. Alǵashqy medısınalyq kómek kórsetilgennen keıin 7 adam ambýlatorlyq emdelýge jiberildi.

Búgingi kúni dárigerler 22 emdelýshige, onyń ishinde 2 balaǵa operasııa jasady. Jedel áreketterden basqa, medısına qyzmetkerleri zardap shekkender men týystarynyń bárine psıhologııalyq kómek kórsetti. Psıhologııalyq kómek kórsetý jáne túsindirý jumystaryn júrgizýge 223 medısına qyzmetkeri tartyldy, onyń ishinde qalalyq uıymdardan, Respýblıkalyq psıhıatrııa ortalyǵy men Qazaqstan Respýblıkasy psıhologtarynyń qaýymdastyǵynan 110 psıholog boldy.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar