Qazaqstan • 14 Qańtar, 2020

2019 jyly Qazaqstan arqyly 19,4 mln tonna tranzıttik júk tasymaldandy

148 retkórsetildi

Qazaqstannyń tranzıttik áleýeti jyl ótken saıyn artyp keledi. Jáne ol múmkindikti tıimdi paıdalaný baǵytynda naqty jumystar atqarylýda. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Nátıjesinde 2019 jyldyń qorytyndysynda Qazaqstan arqyly tasymaldanǵan tranzıttik júk kólemi 19,4 mln tonnaǵa jetti. Onyń ishinde temir jol kóligi arqyly tranzıttik tasymaldaý kólemi 17,5 mln tonnany qurady. Kóliktiń bul túrimen elimiz aýmaǵy arqyly ótetin tranzıttik júk aǵynynyń negizgi úlesi, ıaǵnı 75,6% nemese 11,5 mln tonnasy Ortalyq Azııa elderine tıesili. Atap aıtsaq, ol kórsetkishtiń 7,1 mln tonnasy О́zbekstanǵa, 2,26 mln tonnasy Qyrǵyzstanǵa, 1,2 mln tonnasy Tájikstanǵa, 0,26 mln tonnasy Aýǵanstanǵa keledi. Reseıdiń úlesi 2,8% bolsa, tranzıttik júktiń 13,8% Qytaıǵa, 7,1% Eýropa Odaǵy elderine tıesili.  

Temir jol kóligi arqyly Qazaqstan aýmaǵymen qandaı júk tasymaldanady degenge kelsek, 18.5%-pen birinshi orynda munaı tur. Odan keıin qara metaldar - 10,7%, hımıkattar men soda - 6,8%, hımııalyq jáne mıneraldyq tyńaıtqyshtar - 2,2%, astyq - 1,7% quraıdy. О́zge de júkter - 55,6%.

Al avtokólikpen 2019 jyly 1,93 mln tonna tranzıttik júk tasymaldandy. Jáne ol júktiń negizgi baǵyttary mynandaı boldy: Qytaıdan Eýropa Odaǵy elderine – 14 myń tonna, Ortalyq Azııa elderine 779 myń tonna, Reseıge 61,7 myń tonna júk jetkizildi. Ortalyq Azııa elderinen Eýropa Odaǵyna 106,5 myń tonna, Reseıge 396 myń tonna, Qytaıǵa 5,4 myń tonna júk aparyldy. Reseıden Ortalyq Azııa elderine 9,7 myń tonna, Eýropa Odaǵy elderinen Ortalyq Azııaǵa 567 myń tonna, Qytaıǵa 2,7 myń tonna tranzıttik júk jetkizildi.           

Avtokólikter arqyly negizinen mashınalar, mehanızmder, qural-jabdyqtar men apparatýralar tasymaldandy. Onyń ishinde elektrondyq jabdyqtar - 20,1%, ósimdik ónimderi - 17,3%, halyq tutynatyn taýarlar - 15%, bastapqy materıaldar, matalar, toqyma materıaldary men buıymdar - 11,5% jáne t.b. taýarlar qurady. 

Sondaı-aq 2019 jyldyń qorytyndysynda Qazaqstan aýmaǵy arqyly konteınerlerdiń tranzıttik tasymalynyń jalpy kólemi 23% artyp, 664 myń konteınerge jetti. Onyń ishinde Qytaı–Eýropa–Qytaı baǵytyndaǵy konteınerler sany 11% artyp, 347 myń konteınerdi qurady.

Osylaısha Qazaqstan 2019 jyly tranzıttik tasymaldaýlardan 450 mlrd teńgeden astam tabys tapty. 

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar