Zańsyz satylǵan jer, zar jylaǵan el...

Mysalǵa, jańa jyl Al­maty oblysy, Ile aýdany Boraldaı aýyldyq ok­rýgi­niń aýmaǵynda boı kóter­gen Jaınaq aýylynyń tur­ǵyndary úshin jappaı sotqa shaqyrtý alýmen bastaldy. Aýyl turǵyndarynyń atynan buqaralyq aqparat quraldary ókilderine habarlasqan zańger Nurlan Baıǵazıevtiń aıtýynsha, Almaty oblysynyń jer qatynastary basqarmasy eldi meken aýmaǵyndaǵy 203 jer teliminiń ıesin sotqa berip, qujattarǵa berilgen jeke­menshik quqyǵyn zań­syz dep tanýdy talap etip otyr eken. Turǵyndar resmı mekemeniń bul talabyn túsinbeı, narazylyq bildirýde. О́ıtkeni turǵyn­dar­dyń qolynda jerge zań­dy ıelik etýge berilgen mem­lekettik akti bar, eldi meken aýmaǵynda turǵyn úı salýǵa ruqsat berilgeni jaıynda da qu­jattary túgel. Jáne bas­panaǵa muqtaj adamdar  jer telimderin Boraldaı aýyldyq okrýgi ákiminiń sheshimimen jekemenshikke aınaldyr­ǵan tulǵalardan satyp alǵan. Áýelgide aýmaqtaǵy telim­der úshin turǵyndar 1 mln teń­geden 2 mln 500 myń teń­ge­ge deıin qolma-qol aqshany sanap bergen.

Máselege oraı oblystyq basqarmanyń da óz ýáji bar eken. Mamandar aýmaqtyń bas josparynyń ózgerýine baılanysty, eldi meken ornalasqan jer memleket qajeti úshin qaı­tarylýy kerek dep otyr. Tur­ǵyndar men atqarýshy bı­lik arasyndaǵy teketireske aı­nal­ǵan daýly iske qatysty ádil sheshimdi endi sot aıtýy tıis.

Jalpy, Almaty oblysy­nyń aýmaǵynda zańsyz tur­ǵyn úı qurylysy azaımaı otyr. Bul úrdis jyl saıyn sotqa júgingen jeke adam­dar­dyń qataryn kóbeıte túsý­de. Málim bolǵan derek­terge júginsek, 2018 jyly Almaty oblysynyń maman­dandyrylǵan aýdan­ara­lyq ekonomıkalyq soty ruqsatsyz salynǵan turǵyn úı qurylysyn zańdastyrýǵa qatysty jalpy sany 47 is qarap, 11 is boıynsha oń sheshim shyǵarypty. Qal­ǵan 35 ótinishke oraı zań talap­tarynyń oryndal­maǵ­any anyqtalyp, is keri qaı­tarylǵan. О́ndiriske ji­beril­gen 1 is toqtalyp, zań­syzdyqtyń joly kesilgen. Al ótken 2019 jyldyń  11 aıy aralyǵynda sot tóreshilerine ruqsatsyz salynǵan turǵyn úı qurylysyn zańdastyrýǵa qatysty 33 ótinish túsken. Zerdeleýden ótkennen keıin 3 ótinish qanaǵattandyry­lyp, 30 is boıynsha tirkel­gen qury­lysty zańdastyrý bolmaıdy degen sheshim shyǵarylypty.

Aıtpaqshy, Almaty áýe­jaıynyń mańyńda bolǵan ushaq apatynan keıin Memle­ket basshysy Qasym-Jomart Toqaev aýmaqta salynǵan qurylystardyń zańdylyǵyn tekserýge tapsyrma bergen bolatyn. Qazir Sybaılas jemqorlyqqa qarsy is-qımyl agenttigi Almaty oblysynyń Talǵar aýdanyna qarasty Gúl­dala aýylyndaǵy jer te­lim­derine qatysty tekserý júrgizýde. Jaqynda tergeý jumysynyń alǵashqy nátı­jelerin habarlaǵan Premer-Mınıstrdiń orynbasary Roman Sklıar Talǵar aýdandyq ákimdiginiń qyzmetkerleri óz quzyretin asyra paıdalanyp, halyqaralyq áýejaı mańyna úı salý úshin jer telim­derin jekeshelendirýge ruqsat bergenin aıtqan edi.

– 2015-2019 jyldary Al­maty oblysy, Talǵar aýdany ákimdiginiń laýazymdy tul­ǵalary qyzmetterin asy­ra paı­dalanyp, áýejaı­ǵa ja­qyn  aýmaqtan jeke sharýa­shy­lyq júrgizýge, tur­ǵyn úı qurylysyn salýǵa jer ber­­geni anyqtaldy. Ereje bo­­ıy­nsha sanıtarlyq qor­ǵanys aımaǵyna jaqyn mań­ǵa qandaı da bir qurylys ny­sa­nyn turǵyzýǵa nemese baý-baqsha ósirip, jeke saıajaı salýǵa ruhsat joq, – dedi Premer-Mınıstrdiń orynbasary Roman Sklıar.

Almaty oblysy