«Aldaǵy úsh táýlikte Qazaqstannyń aýa raıynda kúrt ózgerister kútilmeıdi. Sıklondar jáne olarmen baılanysty atmosferalyq fronttar Atlanttan yǵysyp, respýblıkaǵa jyly jáne ylǵaldy aýa massalaryn alyp keledi. Sondyqtan kóptegen oblystarda keı ýaqyttarda qar, soltústikte burqasyn jáne qatty ekpindi jel, ońtústik oblystarda tuman jáne kóktaıǵaq kútiledi. Aýa temperatýrasy respýblıkanyń soltústik jartysynda normadan 3-8°S-qa joǵary, al ońtústikte normaǵa jýyq saqtalady» delingen Kazgıdromet taratqan aqparatta.