Hokkeı • 15 Qańtar, 2020

Shaıbaly hokkeı: «Barys» «Salavat Iýlaevty» utty

17 retkórsetildi

Qurlyqtyq hokkeı lıgasynyń (QHL) kezekti týr oıynyn Nur-Sultanda ótkizgen jergilikti «Barys» Ýfadan kelgen «Salavat Iýlaev» klýbyna san soqtyrdy.

Birinshi kezeńde kórermender qaqpaǵa soǵylǵan úsh shaıbanyń kýási boldy. 5 mınýtta Dastın Boıd esep ashsa, 9 mınýtta Vladıslav Karataev tarazy basyn teńestirdi. Arada bes mınýttan asa ýaqyt ótkennen soń dál sol kanadalyq legıoner «Barysty» qaıta alǵa shyǵardy.

Úzilisten keıin Arkadıı Shestakov úshinshi goldy qaqpaǵa toǵytsa, Aleksandr Kadeıkın esep aıyrmashylyǵyn qysqartty.

Úshinshi kezeń bastalǵan bette qorǵaýshylarymyzdyń qateligin utymdy paıdalanǵan qonaqtar esepti teńestirip ketti. Desek te bul jaǵdaı bizdiń jigitterdiń jigerin jasyta alǵan joq. Kezdesýdiń sońyna taman bas-aıaǵy bir mınýt aralyǵynda aıdyn ıeleri qatarynan eki márte nysanany dál kózdedi. Bul goldyń avtorlary – Arkadıı Shestakov pen Atte Ohtamaa.

Osylaısha, asa shıelenisti ótken básekede «Barys» 5:3 esebimen jeńiske jetti.

Osy kúnge deıin 48 oıyn ótkizip, 63 upaı jıǵan «Barys» qazirgi kezde turaqty birinshiliktiń jarys kestesinde jetinshi oryndy ıelenýde. Shyǵys konferensııasynda jerlesterimiz úshinshi orynda tur. Endi óziniń kelesi kezdesýin olar Nur-Sultanda Magnıtogorskiniń «Metallýrg» klýbyna qarsy ótkizedi.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar