–Uly Jeńistiń 75 jyldyǵyna baılanysty is-sharalar josparynyń jobasy daıyndaldy. Dástúr boıynsha 9 mamyr kúni «Máńgilik Alaý» áskerı dańq memorıalynda eske alý mıtıngisi ótedi. Jeńis saıabaǵynda merekelik baǵdarlama uıymdastyrylady. Uly Otan soǵysyna qatysýshylar 1 mıllıon teńge kóleminde bir jolǵy tólem alady, dedi ol.
Sonymen qatar «Ardaǵym – Ardagerim» aksııasy aıasynda erikti jastar tazalaý nemese jóndeý jumystaryn júrgizý, turmystyq máselelerdi sheshýge kómektesý maqsatynda qart adamdardyń úılerine barady.
Aqpan aıynda sovet áskerleriniń Aýǵanstannan shyǵarylǵanyna 31 jyl tolady. Bólim basshysynyń aıtýynsha, jaýynger-ınternasıonalısterge 100 myń teńgeden materıaldyq kómek kórsetilmekshi.
Qazirgi tańda Qaraǵandyda Uly Otan soǵysynyń 38 qatysýshysy men múgedegi bar. Sonymen qatar, oblys ortalyǵynda Aýǵanstanda áskerı boryshyn ótegen 698 ardager turady.
