Qoǵam • 15 Qańtar, 2020

«Sıfrlyq Qazaqstan» baǵdarlamasyn iske asyrý kezinde 8 myń jumys orny quryldy

20 retkórsetildi

Qazirgi ýaqytta qazaqstandyq ekonomıkany sıfrlandyrýdyń artyp kele jatqan ózektiligi álemdik arenada elimizdiń odan ári ekonomıkalyq ósýi men básekege qabilettiligin qamtamasyz etýge múmkindik beredi. Osy maqsatqa jetýdiń negizgi quraly — «Sıfrlyq Qazaqstan» memlekettik baǵdarlamasy. Bul týraly primeminister.kz habarlady. 

Sıfrlandyrý ulttyq ekonomıkanyń qozǵaýshy kúshi jáne turaqty jumys oryndaryn qurýshy bola alady. Sıfrlandyrý jumys oryndaryn qurýdyń jańa tolqynyn bastaýǵa múmkindik beretin Qazaqstan ekonomıkasyna jańa tehnologııalardyń beıimdelýi men olardy ázirleýdiń qozǵaýshy kúshine aınalady. 2019 jyly «Sıfrlyq Qazaqstan» memlekettik baǵdarlamasynyń is-sharalaryn júzege asyrý aıasynda 8 myń jumys orny quryldy.

Baǵdarlamadan túsken jalpy ekonomıkalyq tıimdilik 2018 jáne 2019 jyldary 600 mlrd teńgeden asty. Memlekettik qyzmetterdi usyný, bilim berý, densaýlyq saqtaý, qarjy, kólik jáne taý-ken metallýrgııasy salalarynda sıfrlyq tehnologııalardy engizýde aıtarlyqtaı eleýli jetistikterge qol jetkizildi.

Sıfrlyq tehnologııalardyń odan ári ıntegrasııalanýy Qazaqstannyń álemdegi básekege asa qabiletti 30 eldiń qataryna enýi úshin jáne qazaqstandyqtardyń ál-aýqatyn jaqsartý úshin óte mańyzdy.

 

Elektrondy eńbek bırjasy 

Áleýmettik-eńbek salasyn sıfrlandyrý turǵysynan elektrondy eńbek bırjasy sátti jumys istep tur. Sonyń nátıjesinde jumysqa ornalastyrý prosesi eki esege qysqardy, al jalpy prosedýranyń ózi aıqyndana tústi.

2019 jyly elektrondyq eńbek bırjasy arqyly 488 myńnan astam jumys izdeýshi jumysqa ornalastyryldy, olardyń ishinde 350 myń adam turaqty jumys oryndaryna ornalasty.

Sondaı-aq, elektrondy eńbek sharttary iske qosylyp, búginde 742 myń elektrondyq kelisimshart jasaldy. 2019 jyldyń qorytyndysy boıynsha áleýmettik eńbek salasynda 9,8 mln-nan astam qyzmet kórsetildi, al memlekettik qyzmetterdiń 80%-y elektrondy formatta usynyldy.

Sıfrlyq jobalardy iske asyrýdyń arqasynda jumys berýshiler men jumys izdeýshiler shamamen 862,2 mln teńge únemdedi. Eńbek shartyn esepke alýdyń biryńǵaı júıesin paıdalaný kezindegi shyǵyndardy únemdeý 292,4 mln teńgeni qurady.

 

Indýstrııa 4.0.

«Ekonomıka salalaryn sıfrlandyrý» baǵyty aıasynda ónerkásip salalarynyń kásiporyndaryn tehnologııalyq qaıta jaraqtandyrý Indýstrııa 4.0 elementterin qoldanýmen júzege asyrylatyn otyn-energetıka jáne taý-ken metallýrgııasy keshenderiniń kásiporyndarynda sıfrlyq tehnologııalar engizilýde.

Munaı-gaz salasynda Atyraý men Pavlodar munaı-hımııa zaýyttarynda 3 jyldyq jóndeý aralyq kezeńine ótý júzege asyryldy, bul jóndeý shyǵyndaryn azaıtýǵa jáne óńdeý kólemin jylyna ortasha eseppen 300 myń tonnaǵa arttyrýǵa múmkindik berdi.

Sondaı-aq, «О́zenmunaıgaz» AQ, «Qazgermunaı» BK» JShS, «Qarajanbasmunaı»AQ, «Embimunaıgaz» AQ 4 kásiporny «Zııatkerlik ken orny» aqparattyq júıesin iske asyrýda.

Atalǵan tehnologııany engizý elektr energııasyn tutyný shyǵyndaryn 15%-ǵa deıin ońtaılandyrýǵa, óndirý deńgeıin 2%-ǵa deıin turaqtandyrýǵa múmkindik beredi, sonymen qatar ken oryndaryn ortalyqtandyrylǵan basqarýdy jáne qashyqtan baqylaýdy, uńǵymalar men kásiptik jabdyqtar jumysyn ońtaılandyrýdy qamtamasyz etedi.

Temir joldaǵy aqaýlar men relsterdiń kemshilikterin ýaqytyly anyqtaý esebinen poıyzdar qozǵalysynyń qaýipsizdigin arttyrý úshin «Magıstral» avtomatty basqarý júıesin engizý» jobasy júzege asyrylýda. Qazirgi ýaqytta magıstraldy jelilerdiń ınfraqurylymyn dıagnostıkalaýdy 3 mobıldi dıagnostıkalyq keshender (MDK) júrgizedi. Sonymen qatar, qosymsha 3 MDK qurý josparda bar.

Mobıldi dıagnostıkalyq keshender jumysynyń nátıjeleri boıynsha 2019 jyldyń 4-toqsanynda shamamen 19 000 shaqyrym jol dıagnostıkalandy. Sonymen qatar, 190 shaqyrymnan astamy qanaǵattanarlyqsyz baǵamen anyqtaldy. 85-ke jýyq óte aqaýly relster aıqyndaldy, ıaǵnı relstiń 85 omyrylý jaǵdaıyna jol berilmedi.

 

Zııatkerlik kólik júıesi

Kólik pen logıstıkany sıfrlandyrý turǵysynan «Zııatkerlik kólik júıesi» jobasy iske asyrylyp jatyr, ol avtomobıl joldary, kólik quraldary, aqyly joldar arqyly júrý, qalaaralyq avtobýstardaǵy jolaýshylar, sondaı-aq rásimdelgen bıletter týraly málimetterdi jınaıdy jáne óńdeıdi.

Zııatkerlik kólik júıesiniń quramdas bólikteriniń biri — Aqy alý júıesi, sonymen qatar Jol qozǵalysy qatysýshylaryna joldaǵy jaǵdaı týraly aqparatty jınaý jáne usyný júıesi bolyp tabylady.

Búginde 3 ýchaskede Aqy alý júıesi iske qosyldy: Almaty – Qapshaǵaı (42 km), Almaty – Qorǵas (295 km) jáne Nur-Sultan – Temirtaý (134 km) jalpy uzyndyǵy 471 shaqyrym.

Kóliktik baqylaýdy avtomattandyrý úshin 24 arnaıy avtomattandyrylǵan ólsheý quraly engizildi.

Olardyń kómegimen 2019 jyldyń qyrkúıek aıynan bastap salmaq parametrleri boıynsha 82 buzýshylyq anyqtaldy jáne alymdar men aıyppuldar túrinde shamamen 8,6 mln teńge óndirip alyndy.

О́nerkásipti sıfrlandyrý aıasynda sıfrlandyrýdyń tıimdiligi men áserin kórsetýge, kedergilerdi anyqtaýǵa jáne memlekettik qoldaý quraldaryn ázirleýge múmkindik beretin modeldi sıfrlyq fabrıkalar qurý jobasy júzege asyrylyp jatyr. 51 jobany iske asyrýǵa bastama bildirildi, onyń 16 jobasy aıaqtaldy.

 

Astana Hub

Búgingi tańda Astana Hub-ta salyq, eńbek jáne vızalyq jeńildikter alýǵa jaǵdaı jasalǵan, startaptardy damytý baǵdarlamalary bar.

Jalpy alǵanda, búginde tehnoparkke 163 AT-kompanııa, 700-ge jýyq startap, 17 R&D otandyq jáne sheteldik AT-kompanııalardyń ortalyqtary (CISCO, NOKIA, IBM, Microsoft jáne basqalar), zamanaýı halyqaralyq oqytý ádistemesi boıynsha «alem» baǵdarlamalaý mektebi kiredi. Jergilikti qamtý úlesi 57,7%-dy qurady.

Astana Hub alańynda 2019 jyly 530 is-shara ótkizildi, oǵan 17 myńǵa jýyq adam qatysty.

2019 jyly 25 halyqaralyq uıymmen ınnovasııalyq ózara is-qımyldy damytý sheńberinde yntymaqtastyq týraly memorandýmdar jasaldy.

Bul sharalar startap mádenıetti damytý úshin qolaıly jaǵdaı jasaýǵa jáne 2019 jyly otandyq startap jobalarǵa 18 mlrd teńgeden astam ınvestısııa tartýǵa múmkindik berdi. Qazaqstannyń AT-naryǵyna tartylǵan ınvestısııalardyń jalpy kólemi sońǵy 2 jylda shamamen 32,4 mlrd teńgeni qurady.

«Bizdiń tehnoparkimizdiń baǵdarlamalary Qazaqstannyń startap-jobalarynyń qanshalyqty jaqsy ekenin jáne olar damyǵan halyqaralyq startap-ekojúıeniń deńgeıine qanshalyqty jyldam ilgerilep kele jatqanyn túsinýge múmkindik berdi. Jobalarymyzdyń sapasyn zertteı kele, ınvestısııalarymyzdyń ótelgenin aıtýǵa bolady», — dedi Astana Hub AT-startaptardyń halyqaralyq tehnoparkiniń bas dırektory Djozef Sıgler.

Kelesi kezeńde Memleket basshysynyń alǵa qoıǵan mindetterine sáıkes Astana Hub ekojúıesine ınnovasııalyq ınfraqurylymnyń óńirlik obektilerin – tehnoparkterdi, ınkýbatorlardy, akseleratorlardy, ınnovasııalar ortalyqtaryn, AT-habtardy, akademııanyń startapyn, kommersııalandyrý keńselerin, JOO-lar, ǴZI jáne t. b. belsendi tartý josparlanýda.

Qabyldanyp jatqan sharalar respýblıkalyq deńgeıde Astana Hub baǵdarlamalaryna odan ári qatysý jáne halyqaralyq áriptestermen yntymaqtastyq ornatý úshin óńirlerde pre-seed satysynda ınnovasııalyq jobalardy daıyndaýdy qamtamasyz etýge múmkindik beredi.

 

Memlekettik qyzmetterdi avtomattandyrý

Memlekettik qyzmetterdi avtomattandyrý jumystaryn júrgizý aıasynda Memlekettik qyzmetter tizilimine 723 qyzmet engizilgen, onyń ishinde 580 qyzmet nemese 80,2% elektrondy túrde kórsetý kózdelgen. Memlekettik qyzmetterdi ońtaılandyrý boıynsha jumystar júrgizildi, sonyń nátıjesinde memlekettik qyzmetter sany 17-ge (740-tan 723-ke deıin) qysqardy.

Qazirgi tańda ótinish berýshilerge 17 proaktıvti jáne 21 kompozıtti memlekettik qyzmet kórsetiledi. Júrgizilgen ońtaılandyrý jumystary qujattardyń ortasha paketin 30%-ǵa, sondaı-aq memlekettik qyzmetti usyný merzimin orta eseppen 3 esege qysqartty.

Memlekettik qyzmetterdi avtomattandyrý qaǵaz túrindegi qujat aınalymyn 70,8 mln qujatqa qysqartýǵa múmkindik berip, 8,4 mlrd teńgeden astam janama ekonomıkalyq nátıje beredi.

Densaýlyq saqtaýdy sıfrlandyrý aıasynda uıymdardyń 97,5%-y kompıýterlik tehnıkamen jabdyqtalǵan jáne 100%-y ınternet jelisine qosylǵan. Qazaqstan turǵyndarynyń 17,9 mln-ynda (95,7%) óńirlik elektrondyq densaýlyq pasporttary bar.

Qabyldanǵan sharalar halyqqa densaýlyq saqtaý qyzmetterin kórsetý sapasyn jaqsartýǵa, sondaı-aq dárigerlerdiń eńbegin jeńildetýge múmkindik berdi.

Elektrondyq servıster arqyly aldyn ala jazylý arqyly emhanalardaǵy «jandy» kezekter 30%-ǵa qysqartyldy, bul pasıentterdiń emhanalarda bolý ýaqytyn eki ese qysqartty. Zertteý nátıjelerin alý ýaqyty 1,8 esege (7 saǵattan 4 saǵatqa deıin) qysqartyldy.

Pasıentterge qyzmet kórsetýdiń ortasha ýaqytyn qysqartý esebinen dárigerler men pasıentterdiń ýaqyty 45%-ǵa qysqardy, jedel járdem jumysy ońtaılandyryldy: dıspetcherlik qyzmetke túsetin shaqyrýlardy óńdeý ýaqyty 26%-ǵa qysqartyldy, sonyń nátıjesinde jedel medısınalyq járdemniń kelýin kútý ýaqyty 1,3 ese qysqardy.

Sondaı-aq, medısınalyq aqparattyq júıelerdi aýyldarda engizý jáne elektrondyq densaýlyq pasporttarymen qamtamasyz etý deńgeıin 100%-ǵa deıin jetkizý boıynsha jumystar jalǵastyrylatyn bolady.

Bilim berýdi sıfrlandyrý aıasynda mektepter kompıýterlik tehnıkamen qamtamasyz etildi. Oqýshylar elektrondy kúndelikter men jýrnaldardy paıdalanady (7014 mektepten 6703-i). Mektepterdiń 90%-y (6336 mektep) jyldamdyǵy 4 Mbıt/sek jáne odan joǵary Internetpen qamtamasyz etilgen. 

Mektepke deıingi balalarǵa bilim berý mekemeleriniń 78,5%-ynda qabyldaýǵa kezekti elektrondy qoıý engizilgen, mektepterdiń 70,3%-y oqýshylardy onlaın qabyldaıdy. Memlekettik bilim berý qyzmetteriniń 74%-y avtomattandyrylǵan. 

Jalpy, bilim berý júıesin sıfrlandyrý aýyl men qala mektepteriniń bilim berý sapasynyń arasyndaǵy aıyrmashylyqty 30%-dan astamǵa qysqartýǵa múmkindik berdi. 

Memlekettik baǵdarlama aıasynda ShOB qoldaýǵa jáne shaǵyn jáne orta bıznes úshin qolaıly ahýal jasaýǵa kóp kóńil bólinedi.

Máselen, «ASTANA-1» aqparattyq júıesin iske qosýdyń arqasynda, kedendik deklarasııany toltyrý merzimi birneshe kún men saǵattan 1 mınýtqa deıin qysqardy jáne avtomatty rejımde 1,3 mln deklarasııa óńdeldi. Osynyń arqasynda, SEQ qatysýshylary 56,6 mlrd teńge kóleminde qarjy únemdedi. 

Bıznes úshin saýda júrgizý jaǵdaılaryn jaqsartýǵa jáne «kóleńkeli» ekonomıkany anyqtaýǵa múmkindik beretin «Elektrondyq shot-faktýralar», «Taýarlardy tańbalaý» júıeleri iske asyryldy. 2019 jyldyń 1 qańtarynan bastap barlyq QQS tóleýshiler EShF paıdalanady.

Sondaı-aq, búgingi kúni 540 myń baqylaý-kassalyq mashınalar paıdalanylýda, olardyń 95%-y «onlaın» rejıminde qosylǵan.

Aýyldyq eldi mekenderdi Internet jelisine keńjolaqty qoljetimdilik qyzmetimen qamtamasyz etý maqsatynda, 1250 AEM qamtamasyz etý josparlanǵan, onyń ishinde 2018 jyly – 56 AEM, 2019 jyly – 705 AEM, 2020 jyly – 489 AEM. 

Bul 3 718 memlekettik organ men bıýdjettik uıymǵa jyldamdyǵy joǵary ınternetke qosylýǵa múmkindik beredi. Bul rette, aýyldyq eldi meenderdiń tizimin jasaý kezinde tizim kelisý úshin jergilikti atqarýshy organdarǵa jiberiledi. Salynǵan ınfraqurylym uıaly baılanys operatorlarynyń damýyn yntalandyrady. TOBJ jalpy uzyndyǵy 20 myń shaqyrymnan asady. 

Sonymen qatar, 2019 jyldyń 3 toqsanynyń qorytyndysy boıynsha 299 aýylda ornalasqan 841 memlekettik organ men bıýdjettik uıym qosylǵan. Keńjolaqty ınternetke qoljetimdilikti odan ári qamtamasyz etý MJÁ kelisimsharttaryna sáıkes qosý kestesine oraı júzege asyrylady. 

2018 jyldyń nátıjeleri boıynsha 10 nysanaly ındıkator men 20 kórsetkishti iske asyrý qarastyryldy, onyń ishinde túrli halyqaralyq reıtıngterdegi elimizdiń orny bar. Máselen, 2018 jyly elimizdiń pozısııasy Halyqaralyq elektr baılanysy odaǵynyń Kıberqaýipsizdik jahandyq ındeksi deńgeıi boıynsha jaqsardy. Halyqaralyq elektr baılanysy odaǵynyń (ITU) esebine sáıkes, Qazaqstan 2018/2019 Kıberqaýipsizdik jahandyq ındeksinde 40 oryn alyp, ótken jylǵy reıtıngpen salystyrǵanda 42 pýnktke kóterilgen (82 oryn). 

Reıtıng qurǵanda barlyq bes negizgi krıterıı nazarǵa alynady: zańnamalyq baza, tehnıkalyq jáne uıymdastyrýshylyq is-sharalar, halyqaralyq arenadaǵy qyzmeti men salany damytý úshin áleýet qurýy. 

2018 jyly elimiz «Venchýrlyq kapıtaldyń qoljetimdiligi» ındıkatory boıynsha DEF BJI reıtınginde óziniń pozısııalaryn jaqsartty. Qazaqstan bul ındeks boıynsha 90-shi oryn alyp, ótken jylǵy reıtıngpen salystyrǵanda 12 pýnktke kóterildi (102 oryn). 

Bıyl sıfrlyq saýattylyq boıynsha oqytylǵan turǵyndardyń jalpy sany 532 myń azamatty qurady (josparda 462 846 adam). 

Sonymen qatar, áleýmettik áljýaz toptan 78,3 myń azamat sıfrlyq saýattylyqqa oqytyldy. 

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar