Qoǵam • 15 Qańtar, 2020

Jumyssyz retinde tirkeý týraly anyqtamany endi egov.kz-te alýǵa bolady

71 retkórsetildi

Qazaqstan Respýblıkasy Eńbek jáne halyqty áleýmettik qorǵaý mınıstrligi egov.kz elektrondyq úkimet portaly arqyly jumyssyz retinde tirkeý týraly anyqtama berý qyzmetin engizdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

Buryn jumyssyz retinde tirkeý týraly anyqtamany alý úshin halyqty jumyspen qamtý ortalyǵyna mindetti túrde jeke ótinish berý qajet bolǵan. Bul rette anyqtama bir kún ishinde qaǵaz tasyǵyshta berildi. Endi anyqtamany egov.kz-te onlaın tapsyrys berý arqyly lezde alýǵa bolady.

«Biz áleýmettik-eńbek salasyndaǵy memlekettik qyzmetterdi taldaǵan kezde, barlyq múmkin anyqtamalardy elektrondyq formatqa aýdaratyn bolamyz, sebebi qandaı da bir ınstansııada anyqtama berý boıynsha qyzmet kórsetýdiń ózi asa qıyn prosess emes. Olardy alý úshin azamattarǵa, mysaly, jumyspen qamtý ortalyǵyna barýǵa týra keldi. Endi sıfrlandyrý arqasynda jeke baryp ótinish berýdiń qajeti joq. Mundaı formattyń negizgi artyqshylyǵy – bul anyqtamany kez-kelgen jerden alýǵa bolady, eń bastysy ınternetke qoljetimdilik bolý kerek. Bolashaqta memlekettik organdar bazasynda aqparat bar bolsa, anyqtama alýdan bas tartqymyz keledi», – dedi QR Eńbek jáne halyqty áleýmettik qorǵaý vıse-mınıstri Narıman Muqyshev.

Elektrondyq úkimet portalynda anyqtama alý úshin basty bette «Qyzmetter» batyrmasy boıynsha basý kerek, ári qaraı «jumysqa ornalastyrý jáne jumyspen qamtý» bólimine ótý kerek. Qyzmetti tańdaý arqyly avtorızasııalaný, ótinimdi toltyrý, ony elektrondyq sıfrlyq qoltańbamen nemese sms-parolmen kýálandyrý qajet (mobıldi azamattar bazasynda tirkelý qajet). Jumyssyz retinde tirkelý týraly anyqtama birden jeke kabınette «Qyzmetterdi alý tarıhy» bóliminde paıda bolady.

Uqsas jańalyqtar