Parlament • 15 Qańtar, 2020

Aqmola oblysynyń turǵyndary aýyl qarttarynyń jaǵdaıyna alańdap otyr

78 retkórsetildi

Senat depýtaty Sáýle Aıtpaeva jumys sapary barysynda Aqmola oblysyndaǵy Jaqsy aýdanynda boldy. Bul týraly Parlament Senatynyń baspasóz qyzmeti habarlady. 

Senator áleýmettik mańyzy bar nysandardyń qyzmetimen, onyń ishinde Jaqsy aýdandyq aýrýhanasy men №1 jáne №2 orta mektepterdiń jumysymen tanysty, Qazaqstan Prezıdentiniń halyqqa Joldaýynda aıtylǵan tapsyrmalaryn oryndaý  barysy týraly turǵyndarǵa aıtyp berdi. 

Aýdandyq aýrýhana dárigerlerimen kezdesýde medısına salasy qyzmetkerlerdiń mártebesin arttyrý jáne olardy qorǵaý, mindetti áleýmettik medısınalyq saqtandyrý, aýyldyq aýrýhanalarǵa kadrlardy tartýǵa yqpal etetin «Dıplommen – aýylǵa» memlekettik baǵdarlamasynyń máseleleri kóterildi.

Aýdan turǵyndary aýyldarda medısınalyq mekemelerdiń, dárigerler men medısına salasynyń basqa da qyzmetkerleriniń, medısınalyq materıaldar men jabdyqtardyń, dári-dármektiń jetispeýi máselelerin kóterdi. Shalǵaı jáne jetý qıyn aýdandarda ornalasqan turǵyndar sany az eldi mekenderde, aýyldar men aýyldarda kúrdeli jaǵdaı qalyptasyp otyr. Aýyldardaǵy medısınalyq kómekke muqtaj egde jastaǵy turǵyndarynyń jaǵdaıy óte qıyn. Odan basqa, halyq sanynyń ósýine jáne pasıentterdi emdeýge, aldyn alýǵa jáne ońaltýǵa jańa tásilderdi engizý qajettigine baılanysty densaýlyq saqtaý júıesin jańǵyrtý meıirbıkelerdiń quzyreti men daıarlyǵyna jáne meıirbıke qyzmetterin damytýǵa jańa talaptar qoıady.

Senator Jaqsydaǵy №2 orta mektepte qabyldanǵan «Pedagog mártebesi týraly» zańnyń erejelerin egjeı-tegjeıli túsindirip, oqytýshylardyń suraqtaryna jaýap berdi.

Depýtat aýdandyq prokýratýra qyzmetkerlerimen kezdesý barysynda qylmystyq, qylmystyq is júrgizý, qylmystyq-atqarý zańnamasyna engizilgen keıingi ózgerister men tolyqtyrýlar týraly habardar etti.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar