Qazaqstan • 15 Qańtar, 2020

Elbasy Parlament Májilisiniń Tóraǵasy Nurlan Nyǵmatýlındi qabyldady

67 retkórsetildi

Kezdesý barysynda Nursultan Nazarbaevqa byltyr kúzde ótken keńes barysynda berilgen tapsyrmalardyń Nur Otan partııasy fraksııasynyń oryndaýy jóninde málimet berildi. Bul týraly elbasy.kz habarlady.

Elbasy depýtattardyń azamattardyń suranystaryna ýaqytyly jaýap berý  jumystaryn jalǵastyrýdyń mańyzdylyǵyn atap ótti.

– Halyqtyń muń-muqtajyna qulaq asyp, etene jumys jasaý qajet. Bul – partııanyń, sondaı-aq barlyq deńgeıdegi depýtattardyń mindeti. Bizdiń ortaq paryzymyz, - dedi Qazaqstannyń Tuńǵysh Prezıdenti.

Sonymen qatar, Nursultan Nazarbaev ekonomıkalyq ósimge qol jetkizý, halyqtyń ál-aýqatyn arttyrý úshin atqarýshy jáne zań shyǵarýshy bılik tarmaqtarynyń úılesimdi jumysyn qamtamasyz etýdiń mańyzdylyǵyna toqtaldy.

– Aldymyzda el ekonomıkasynyń ósimin qamatamasyz etý mindeti tur. Osy oraıda Parlament pen partııa birlese jumys atqarýǵa tıis, - dedi Elbasy.

Sonymen birge, Nursultan Nazarbaev Parlamenttiń rólin arttyrý máselesine nazar aýdarý qajettigin atap ótti.

– Úkimetti qalyptastyrýda Parlament negizgi ról atqarýǵa tıis. Zańdar men baǵdarlamalardy birge qabyldap, halyqqa birlese esep bergeni abzal, - dedi Qazaqstannyń Tuńǵysh Prezıdenti.

Kezdesý barysynda Nurlan Nyǵmatýlın Elbasyna Májilis depýtattarynyń óńirlerge saparlarynyń qorytyndylary jáne Parlamenttiń tómengi palatasynyń zań shyǵarý qyzmeti týraly aqparat usyndy.

– Osy jyldyń besinshi qańtarynan bastap depýtattar, onyń ishinde fraksııa depýtattary elimizdiń barlyq óńirlerin, shalǵaıda jatqan eldi mekenderdi aralap shyqty. Bul kúnderi depýttar jurtshylyqpen shamamen bir jarym myń kezdesý ótkizdi. Onda kóptegen máseleler kóterildi. Sonyń ishinde, áleýmettik kómektiń jańa formaty, jańa densaýlyq saqtaý Kodeksi,  halyqty jumyspen qamtý máseleleri qozǵaldy. Aldaǵy zań shyǵarý isinde turǵyndardyń barlyq pikirleri men usynystary eskeriledi. Jalpy ótken jyldyń qyrkúıek aıynan beri Májilis qaraýyna 97 zań jobasy engizildi. Onyń 37-si qoldaý taýyp Parlament Senatyna joldandy, - dedi Májilis Tóraǵasy.

Sońǵy jańalyqtar

Tiri maldy satý - tıimsiz

Aımaqtar • Keshe

Uly Abaı murasy Kereký elinde

Rýhanııat • Keshe

Abaıdy taný – asyl paryz

Rýhanııat • Keshe

Uqsas jańalyqtar