Aımaqtar • 16 Qańtar, 2020

Jaǵdaı baqylaýda tur

8 retkórsetildi

Ishki ister mınıstrliginde Ertis jáne Syrdarııa ózenderi sý deńgeıiniń kóterilýine baılanysty brıfıng ótti. Qalyp­tasqan jaǵdaı týraly Ishki ister mınıstrligi Tótenshe jaǵdaılar komıteti tóraǵasynyń orynbasary B. Duzaqbaev aıtyp berdi.

Búginde Ertis ózeninde muz qatýy men muz keptelisiniń oryn alýyna baılanys­ty ózen­­­­degi sýdyń deńgeıi kó­te­­­ri­l­gen. Osynyń saldary­nan­ Vostochnyı, Mırnyı kentteriniń jáne Túıemoınaq aralynyń turǵyn alaptaryn sý basý qaýpi týyndapty. Al Túıemoınaq aralyndaǵy turǵyn úıdiń aýlasyn sý alǵan. Osy úıde turatyn 8 adam, onyń ishinde 3 bala qaýipsiz jerge shyǵaryldy.

Shyǵys Qazaqstan obly­synyń TJD jáne polısııa qyz­metkerleri atalǵan eldi mekenderde turatyn tur­ǵyn­dardy sý basý qaýpi týraly al­dyn ala habardar etip jáne sý tas­qyny jaǵdaıy kezindegi al­ǵash­qy jumystardy júrgizdi. Sony­men qatar qutqarýshylar ózen jaǵasynda táýlik boıy baqylaý beketterin qoıý ar­qyly turaqty monıtorıng ót­kizdi (Vostochnyı kentinde jáne Túıemoınaq aralynda). Azyq-túlikpen qamtamasyz etilgen alty evakýasııalaý pýnk­ti uıymdastyryldy. TJ depar­tamentinde azamattyq qor­ǵaý organdarynyń is-qımyl­daryn úılestirý úshin jedel shtab quryldy.

Qazirgi ýaqytta Ertis ózeni­niń sý deńgeıi tómendeýde. 455 sm­ synı belgidegi sýdyń naqty deń­geıi 445 sm-di quraıdy. Jaǵ­daı baqylaýda.

Al  2019 jylǵy 1-5 jeltoqsan aralyǵynda temperatýranyń joǵarylaýyna (+2-den +10 gradýsqa deıin) jáne muz qat­p­arynyń álsiz bolýyna baıla­nysty Syrdarııa ózeniniń gı­dro­logııalyq beketterinde sý deń­geıiniń kóterilýi oryn al­dy. Qazirgi ýaqytta sý deńgeıi tómendeýde.

Bul rette Syrdarııa gıdro­logııalyq beketi Qarauzaq tar­maǵyndaǵy sýdyń naqty deńgeıi 695 sm 13 qańtarda saǵat 18.00-de sýdyń deńgeıi 2 sm tómendedi, qaýipti belgi – 665 sm, synı belgi – 770 sm dep habarlady. Jaqyn mańdaǵy Josaly eldi mekenine deıingi qashyqtyq – 300 m.

Syrdarııa – Josaly beketin­de sýdyń naqty deńgeıi 678 sm (ózgerissiz) quraıdy. Qaýipti belgi – 680 sm, synı 720 sm. Jo­saly eldi mekenine deıingi qashyqtyq – 200 m. Atalǵan beketterde TJ basqarmasynyń jáne jergilikti atqarýshy organ­dardyń qyzmetkerleri sý deń­geıine monıtorıng júrgizýde.

Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar