Qoǵam • 16 Qańtar, 2020

Igilikti istiń úzdigi

29 retkórsetildi

Qolym qysqa demeıtin, qoltyǵynan demeıtin adamdar aramyzda az emes... Solardyń biri — aqtóbelik Gaýhar Jumaǵazıevany kópshilik Ulttyq volonterlik jelisiniń ókili, Aqtóbede qurylǵan «D.A.R.» eriktiler klýbynyń belsendisi retinde tanıdy. Ony ótken jyldyń sońynda el Prezıdenti Qasym-Jomart Toqaevtyń ózi marapattap, eńbegin memlekettik hám respýblıkalyq deńgeıde joǵary baǵalaǵan-dy.

«Aqtóbe qalalyq sal aýrýyna shaldyqqan azamattardy qoldaý ortalyǵy» qoǵamdyq birlestiginiń janynan 2007 jyly ashylǵan, dostyq, adaldyq, raqymshylyq de­gen ádemi uǵymdardyń bas ár­ip­­terinen quralǵan uıym – «D.A.R.» eriktiler klýbyn áý basta Qazaq­stannyń Eńbek Eri Quralaı Baı­me­nova qurǵan. О́ńirdegi belsendi úki­mettik emes uıymnyń qyzmeti negi­zinen múmkindigi shekteýli azamat­tardy qoldaýǵa baǵyttalǵan, áleý­met­tik kómekke basa mańyz beriledi. Qa­zirgi tańda júzden astam múshesi bar ortalyqty qurýdaǵy maqsat ta sol – qolarbada otyratyn qam­kó­ńil jandarǵa demeý bolý. Úlken jú­rekti azamattardyń basyn qosqan klýb­tyń úılestirýshisi Gaýhar Juma­ǵazıeva:

– Bul – zor jaýapkershilikti qajet etetin jumys. Qatarymyzǵa káme­let jasynan asqandardy ǵana qabyl­daıtynymyz sondyqtan. Máselen, ol kisi múmkindigi shekteýli jan­nyń aýlasyndaǵy qaryn arshýǵa nemese dúkennen tamaǵyn alyp ke­lýge jumyldyrylýy múmkin. Tipti, úıinde bala-kelinderi men ne­mereleri bolsa da, shúıirkelesip áń­gime aıtýǵa qushtar, ózine rýhanı serik izdeıtinder ushyrasady. Sol sııaqty biz Uly Otan so­ǵy­synyń ardagerleri men tyl eń­bek­kerlerine de járdemdesemiz. Orta­lyq qoǵamdyq negizde jumys is­tep, eshkimge qarjylaı qol­daý kórsetpeıdi. Maqsat – úıde otyr­ǵan zeınetkerler men ártúrli jas­ta­ǵy múgedek jandarǵa qolǵabys ta­nytý, – deıdi.

Gaýhardyń aıtýynsha, volon­ter­lik qyzmetti tek naýqas balalarǵa qarajat jınaýmen, qarttardyń «qo­lyn uzartýmen» baılanystyra­tyn­dar kóp. Bul – qate túsinik.

Qazaqstannyń ózinde volonterler jumysynyń 15 baǵyty tú­zilgen. Olardyń arasynda me­dı­sı­nalyq (donorlyq), eko­lo­gııa­­lyq, janýarlarǵa arnalǵan, mádenı-kópshilik, ǵalamtor keńis­ti­gindegi, tótenshe jaǵdaı kezindegi vo­lonterlik, t.b. bar. «Qazirgi tań­da qoǵam arasynda volonterlik qoz­ǵa­lys óte qarqyndy damyp keledi. Degenmen, qoǵamdyq qyzmettiń mán-maǵynasyn durys túsinbeıtinder de kezdesedi. Ondaı jaǵdaı, volonter ımıdjiniń tómendeýine ákelip soqtyrady.

Aqtóbede de volonterlik uıym­dar­dyń sany jyldan-jylǵa kóbeıip kele jatyr. Ishteı qýanasyń. Biraq olar­dyń jumysy volonterliktiń negiz­gi qaǵıdalaryna negizdelse, tek el aýzyna iligý úshin jasalmasa eken deısiń... Jalpy, volon­ter­ler qyzmetiniń quqyqtyq negiz­de­ri, maqsat-mindeti memleket tara­pynan belgilenýi kerek dep esep­teımin. Al volonterlerdiń ózi­ne oqý aqysyn tóleý jaǵynan jeńildik jasaý durys pa, bul – úlken suraq. Nege deseńiz, bul vo­lon­­terlerdiń qaǵıdattaryna sáı­kes kelmeıtin sııaqty. Iаǵnı biz­diń jumystyń negizi rııasyz, óteý­siz kómekten turmaı ma? Eger ál­gin­deı jaǵdaı usynylsa, basqa pı­ǵyl­daǵy jas­tar da volonter bo­lý­ǵa um­tyl­ýy múmkin», — dep syr sher­tedi áńgi­me­lesýshimiz.

2019 jyldyń sońynda Nur-Sultan qalasynda Jastar jyly qorytyndylanǵan saltanatty sharada Gaýhar Memleket basshysynyń qolynan Alǵys hat aldy. Mundaı úlken qurmetke ıe bolǵan aqtóbelik volonter atalǵan saladaǵy eńbeginiń elengenine dán rıza.

– Meni usynǵan — Ulttyq vo­lon­terlik jelisi. Shynymdy aıtsam, bul kútpegen jerden alǵan mara­pat boldy. О́te qatty qýandym. El Prezıdenti Qasym-Jomart Toqaev­tyń qolynan Alǵys hat alý men úshin úlken mártebe. Muny jyl­dar boıy sińirgen eńbegimniń baǵa­lan­ǵany dep bilemin.

«Volonter» sózi shetelden engen termın bolǵanymen, qazaq hal­qy atam zamannan kómekke zárý­lerdi eskerýsiz qaldyrmaı, jesi­ri men je­timin jylatpaǵan. Son­dyq­tan erik­tiler qyzmetin Batys­tan úı­re­nip jatyrmyz degenge ke­lis­peı­min. Tek bul uǵymdy qaı­ta jandandyryp jatyrmyz dege­ni­miz durys bolar, – deıdi Gaýhar Qar­shy­ǵaqyzy.

Keıipkerimizden uıymdaǵy eń jas múshe 18-de bolsa, eń úlkeni – 70-ten asqan qart ekenin bildik. Sońǵysy – qurmetti demalystaǵy zańger qolarbada otyrǵandarǵa aqy­syz negizde quqyqtyq keńes beredi. Odan bólek, volonterlerdiń ara­synda qarttar úıi, balalar úıi sııaq­­ty áleýmettik nysandarǵa udaıy ba­ryp, konsert qoıatyn ónerli jas­tar da bar. Osy oraıda «D.A.R.» eriktiler klýbynyń múshesi bolyp júrip tanysqan, keıin tabysqan jastardyń birshama ekenin aıtpaı ketýge bolmaıdy. Olardyń bir­azy bul kúnde jan qalaýyn birlesip oryndap júr. Eń alǵash sy­ńa­ryn atalǵan klýbtyń ótkizgen shara­la­rynda kezdestirip, shańyraq kó­tergen erikti men múmkindigi shek­teý­li jandar da bar.

Ortalyq belsendileri birqatar respýblıkalyq baıqaýlardan da júldemen oralyp júr. Máselen, elordada ótken «Úzdik volonter» saıysynda «Volonterlik boıynsha úzdik joba» atalymy boıynsha «D.A.R.»-dyń jastary ózgelerden oq boıy ozyp shyǵyp, Bilim jáne ǵylym mınıstrligi tarapynan dıp­lom men baǵaly syılyqqa ıe boldy. Sonymen birge uıym kóptegen halyqaralyq, respýblıkalyq qozǵa­lystardan jemisti jumysy úshin Alǵys hattar alǵanyn aıta ket­ke­ni­miz abzal.

Jalpy, Ulttyq volonterlik jelisiniń málimetinshe, Aqtóbeniń ózinde ıgi is jasaýǵa umtylǵan 30-dan astam uıym bar. «D.A.R.» eriktiler klýbynan bólek, qaıyrymdylyqqa den qoıǵan «Qyzyl Aı» qoǵamy oblystyq fılıalynyń janynan qurylǵan volonterler toby, «Júrekten júrekke» jáne «Me­ıi­rim» klýbtarynyń maqsaty bir – qınalǵandarǵa qolushyn sozý. Bilgenimizdeı, ondaǵylardyń 70 paıyzyn jasy 29-ǵa tolmaǵan jas­tar quraıdy.

 

Aıbek TASQALIEV,

jýrnalıst

 

Aqtóbe oblysy

 

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar