Qoǵam • 16 Qańtar, 2020

Búrkengen ýaǵyzshy men tirkelgen mıssıoner

33 retkórsetildi

Ár adamnyń dinı nanym-senim bostandyǵyna qurmetpen qaraý – paryz. Alaıda, sanany ýlaǵan aǵymdardan saqtandyrý men qorǵaný jumysyn únemi jetildirip otyrý jalpynyń mindeti bolýy kerek. Ásirese jas urpaq ókiliniń jat dinı aǵymdardyń arbaýyna túspeýi úshin memlekettik qatań sharalar qabyl­daýǵa mindetti.

 

Derek boıynsha, sońǵy kez­deri tyıym salynǵan dinı aǵymdar ǵalamtor arqyly belsendi jumys isteı bastaǵan. Iаǵnı, ınternet keńistigindegi astyrtyn árekettiń kúsheıýi jastar arasyndaǵy dinı adasý­ǵa uryný qaýipin de týǵy­zýda. Qýanyshtysy, elimizde bul qaterdiń aldyn alý jumy­sy jolǵa qoıylǵan. Búginde ǵa­lamtor jelisindegi ty­ıym salynǵan dinı ıdeıalardy taratýshylarmen kú­res «Kazdream Media» monıtorıng júıesi arqyly baqylanady eken. Arnaıy júıe boıynsha ınternet keńistigin úzdiksiz zerdelep, jalǵan dinı aǵymdar­dy nasıhattaýshy­lar men ustanýshylardy der kezinde tanyp, qaterli aımaq­tardy da anyqtaýǵa bola­dy. Monıtorıng nátı­jesiz emes. Mysalǵa, osy júıe is­ke qosylǵaly beri Alma­ty ob­­lysynynyń aýma­ǵyn­da dás­túrli emes dinı aǵym­dar­­­dyń ýaǵyzyn tyńdap, ta­ra­­­týǵa áreket jasaǵan 45 141 ǵalamtor qoldanýshy anyq­­­­talǵan. Kúdikti ınternet tuty­ný­shylardyń ID me­ken­jaıy anyqtalyp, sol arqyly kúdik­ke ilingendermen túsindirý jumysyn júrgizý úshin polısııa men aýdan, qala ákim­dikteri jumys isteýde.

Sondaı-aq, oblys aýma­ǵyn­da bir jyl boıy ǵalamtor­ǵa jasalǵan zerdeleý jumys­tary 2477 dinı nasıhat kózin saraptaýǵa múmkindik bergen. Onyń ishinde áleýmettik jelidegi birlestikter, toptar, vıdeokanaldar, messend­jer­ler jáne saıttarǵa jasal­ǵan zertteýden keıin 564 na­sıhat kózi Qazaqstan Respýb­lı­kasynyń zańdaryna sáıkes qaýipti dep tabylyp, buǵat­talǵan eken.

Aıtpaqshy, Almaty oblysy din isteri basqarmasynyń dereginshe aımaqta mıssıo­ner­lik qyzmetpen aınalysý úshin 29 zańdy tulǵaǵa ruqsat berilgen. Olardyń jumysy elimizdiń «Dinı qyzmet jáne dinı bir­les­tikter týraly» Zańy negi­zinde qadaǵalanyp otyr eken. Al shetel azamattarynyń mıssıo­nerlik qyzmeti basqarma tarapynan qatań baqylaýǵa alynǵan.

Derekke súıensek resmı tirkelgen 29 mıssıonerdiń ishinde 19 zańdy tulǵa kato­lık dinin, 4 nysan protestant­tyq ba­ǵytty, 3 dinı birlestik ıslam dinin ýaǵyzdasa, taǵy 3 di­nı qaýymdastyq dástúrli emes dinı nanymdy ustanýshy, ıaǵnı, Krıshna jolyndaǵylar eken.

Onyń ishinde Jetisýdaǵy din taratý isi jolynda 9 memleketten kelgen sheteldik ókil ter tógip júr. Olardyń arasyn­da Ońtústik Koreıadan kel­gen 6 pirádar, polshalyq 6 mıs­sıoner, ıspanııalyq 5 din­dar, ıtalııalyq 2 áýlıe, túr­kııalyq 2 molla, reseılik 2 pop jáne Mysyrdan – 1, Ame­rı­kadan – 1 din taratýshy bar. Taǵy 3 qazaqstandyq ta osy dinı aǵar­týshylyq mıssııa baǵy­tyn­da qyzmet kórsetip júr eken.

 

Almaty oblysy

 

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar