Qoǵam • 16 Qańtar, 2020

Ortaq maqsat – ınnovasııalyq damý

15 retkórsetildi

Jıdda qalasyndaǵy Islam­ yntymaqtastyǵy uıy­mynyń (IYU) shtab-páterinde halyqaralyq ǵylymı qaýymdastyq ókilderin toǵystyrǵan kezdesý ótti. Basqosýda áriptestikti damytý, bilim berý, ǵylym jáne tehnologııa salalarynda Qazaqstannyń bastamalaryn júzege asyrý máseleleri talqylandy.

Is-sharaǵa Qazaqstannyń Saýd Arabııasy Koroldigindegi el­­shi­si Berik Aryn, ál-Farabı atyn­daǵy QazUÝ rektory Ǵalym Mu­tanov jáne QazUAÝ rektory Tilektes Espolov, IYU Bas hat­shy­sy­nyń orynbasary Ahmed Senomo, ǵylym jáne tehnologııalar departamentiniń bas dırektory Irfan Shaýkat bastaǵan ǵalymdar qatysty.

IYU-nyń Ǵylym jáne tehnologııalar jónindegi tuńǵysh sam­mıti 2017 jyly elorda tóri­n­de shymyldyǵyn túrdi. Sam­mıtte Tuńǵysh Prezıdent  – Elbasy  Nursultan Nazarbaev IYU-15 dıalog platformasyn qurý ıdeıa­syn usynǵan bola­tyn. Osy or­taq alań ǵyly­mı-tehnıkalyq pro­gresti jańǵyr­tý jáne odan ári damytý, ıs­lam álem­indegi ma­ńyzdy ekonomı­ka­lyq má­se­lelerdi sheshý maqsatynda 15 jetekshi musylman elin biriktiredi.

Qazaqstandyq delegasııany qur­metpen qarsy alǵan A.Seno­mo ıslam áleminiń jetekshi ýnı­­ver­sıteti QazUÝ byltyr Alma­­tyda ótken mańyzdy oqıǵa – El­basy N. Nazarbaevtyń «IYU-15 dıalog platformasy» basta­masyn iske asyrý jónindegi al­ǵ­ashqy otyrysynyń birlesken uıymdastyrýshylarynyń biri bolǵanyn atap ótti. Bas hatshynyń orynbasary IYU-dyń ǵylym men tehnologııalardy damytý boıynsha seriktes jáne bazalyq ýnıversıtet sanalatyn QazUÝ musylman elderinde ǵylymdy, teh­nıka men ınnovasııalardy damytýǵa kedergi keltiretin máse­le­lerdi eńserý joldaryn iz­des­­tirý, sondaı-aq ǵylymı ın­te­gra­sııalyq máselelerdi sheshýge baǵyt­talǵan bastamalardy ilgeri­le­­tý boıynsha óz mıssııasyn tıim­di júzege asyryp otyrǵanyn jetkizdi.

IYU ókilderi jańa býyn JOO úlgisi ál-Farabıdiń qaıy­rymdy qoǵam azamattaryn qalyp­tastyrý ıdeıalary negizinde QazUÝ-da ázirlenip, BUU shtab-páte­rinde tanystyrylǵan «Ýnıver­sıtet 4.0» modeline úlken qyzyǵý­shy­lyq tanytty. Kezdesý barysyn­da ǵylym jáne ınnovasııa salalarynda yntymaqtastyqty keńeıtý múmkindikteri, sonyń ishin­de QazUÝ-da «Jibek joly ýnı­ver­sıtetteriniń Alıansy» halyq­aralyq IT-klasteri men álem ýnıversıtetteriniń jańa tehnologııalar salasyndaǵy platformasy bolatyn zamanaýı ál-Farabı ǵylymı-tehnologııalyq alqabyn qurý máseleleri tal­qylandy.

Ýnıversıtettiń rektory, akademık Ǵalym Mutanov halyq­ara­lyq kólemde josparlanyp otyrǵan órkenıettiń uly oıshyly Ábý Nasyr ál-Farabıdiń 1150 jyldyǵyna arnalǵan aýqym­dy is-sharalar týraly baıandap, IYU basshylyǵyn ótkiziletin me­reı­­toılyq sharalarǵa qatysýǵa shaqyrdy.

О́z kezeginde akademık Tilektes Espolov QazUAÝ qyzmeti men jetistikteri, aýyl sharýashylyǵy sala­syndaǵy zertteýleri, azyq-túlik qaýipsizdigi men sý resýrs­tary­nyń tapshylyǵy týraly egjeı-tegjeıli baıandap berdi. Ol azyq-túlik qaýipsizdigi jónindegi Islam uıymynyń qyzmeti aıasynda IYU-men yntymaqtastyqqa daıyn ekenin jetkizdi.

Ǵylym jáne tehnologııalar departamentiniń bas dırektory Irfan Shaýkat konstrýktıvti usynystar úshin alǵysyn bildirip, bilim ordalarynyń ǵylymı-zert­teý jáne ınnovasııalyq áleýetiniń joǵary deńgeıin atap ótti. QazUÝ-dyń ozyq tájirı­besin eskere otyryp, ıslam álemi­niń joǵary oqý oryndaryn ha­lyqaralyq reıtıngterde ilgeril­etýdi birlesip úılestirýge erek­she qyzyǵýshylyq bildir­di. Ol QazUÝ-ǵa IYU qam­qoró­ly­ǵyndaǵy Islam álemi ýnıver­sıtet­teriniń ǵylymı-bilim berý yn­tymaqtastyǵy jelisine bas­shy­lyq etýdi usyndy.

Konstrýktıvti dıalog Korol Abdalla atyndaǵy Ǵyly­mı-teh­nologııalyq ýnıver­sı­tetinde de (ǴTÝ) jalǵasyn tap­ty. Ýnıversıtet rektory doktor Tonı Chan qyzmet baǵyttary men júrgizilip jatqan zertteýler­ge tolyǵyraq toqtalyp, qazaq­stan­dyq qonaqtardy zamanaýı jab­dyqtalǵan álemdegi úzdik JOO-nyń biri bolyp tabylatyn ýnıversıtettiń oqý bazasymen tanystyrdy.

Kezdesý barysynda taraptar bilim, ǵylym jáne ınnova­sııa sal­alaryndaǵy eki jaq­ty ózara tıim­di seriktestikti damy­týǵa ázir eken­dikterin bil­dirdi. Rektor T.Chan atap ót­­ken­deı, Korol Ab­dal­la atyn­daǵy ǴTÝ qazaq­stan­dyq jetek­shi JOO-men ynty­­maq­­tas­tyq ornatýǵa, ǵylym men jańa tehnologııalardyń ba­sym baǵyt­­tary boıynsha birles­­ken zert­­teý jumystaryn júze­ge asy­ryp, akademııalyq utqyr­lyq pen qos dıp­lomdy bilim baǵdar­lama­laryn damytýǵa múddeli.

ǴTÝ-ǵa sapary barysynda qazaq­standyq delegasııa atalǵan ýnı­versıtette bilim alyp jat­qan elimizdiń stýdentterimen de kez­desti. Qazirgi tańda bul joǵa­ry oqý ornynda magıstratýra, doktorantýra jáne postdoktorantýra satysynda Qazaqstannan kelgen jalpy 40-qa jýyq bilim alýshy bar.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar