Aýstrııa professory – kardıologtarǵa sheberlik dárisin ótkizdi

Osy máselege oraı, Alma­ty­daǵy Kardıologııa jáne ishki aýrýlar ǵylymı-zertteý ınstıtýtynda Almaty, Taldyqorǵan, Atyraý, Taraz, Petropavl qala­larynyń ıntervensııalyq kar­dıologtary men elektrofızıo­logtary, arıtmologtary, son­daı-aq О́zbekstannyń ınter­ven­sııalyq arıtmologtary úshin klınıkalyq elektrofızıologııa jáne ıntervensııalyq arıtmologııa boıynsha oqytý sıkly ótti.

Sheberlik kýrsyn Aýstrııanyń Sankt Pıolten qalasyndaǵy University Heart Center profes­sory, qondyrǵylardy ımplant­taý jáne elektrodtardy endo­vaskýlıarlyq ekstraksııalaý jó­nin­degi jetekshi sarapshy Krıs­tıan Volman júrgizdi. Sondaı-aq, Doktor Krıstıan Volman tyń­daýshylarǵa sınýstyq túıin­niń álsireý sındromy men ony emdeýdiń zamanaýı tásilderi týraly aıtyp berdi.

Sonymen birge Júrek yr­ǵaǵy jáne ótkizgishtiginiń aýyt­qý­lary bólimshesiniń jetek­shi­si, arıtmolog dáriger, jú­rek elektrofızıology Roın Rek­­vava kýrsqa qatysqan dá­riger­­lerdi júrek yrǵaǵynyń buzy­lystaryn emdeýdiń zama­naýı ıntervensııalyq ádis­terimen tanystyrdy. Ol júrek­aldy fıbrıllıasııa barlyq ın­sýlt­tardyń shamamen úshten bir bó­liginiń jáne deneniń bas­qa jerinde paıda bolatyn uıy­ǵan qannyń jarylyp, qan aǵy­sy arqyly mıǵa quıylǵan ke­zin­de týyndaıtyn embolııalyq ınsýlttiń negizgi sebepshisi bolyp tabylatynyn atap ótti.

Oqytý kýrsy kezinde professor Krıstıan Volman men Roın Rekvava ota jasaı otyryp sheberlik saǵatyn ótkizdi.

Sondaı-aq, Daǵdarystardy zertteý ortalyǵynyń (Kaýnas, Lıt­va) kardıolog dárigerleri kýrs tyńdaýshylaryn júrekaldy fıbrıllıasııasyn dıagnostıkalaý men emdeýdiń zamanaýı ádis­terimen tanystyryp, «Jú­­rekaldy fıbrıllıasııasy ke­­zindegi krıoablasııa» taqy­ry­bynda sheberlik dárisin ót­kizdi.

О́z mamandyǵynyń maıtal­many bolǵan osyndaı ma­man­dardyń sheberlik sabaq­tary dá­ri­gerlerimizge bar­lyq jı­nal­ǵan aqparatty júıelen­dirýge jáne ony táji­rıbede utym­dy paıdalanýǵa múmkindik beredi.

Bul kúnde elimizdegi Kar­dıologııa jáne ishki aýrýlar ǴZI – arıtmologııalyq ın­ter­­ven­sııalyq aralasýlardy kór­setý jónindegi jetekshi or­ta­lyqtardyń biri. Tek 2019 jyly 800-den astam, al sońǵy 3 jylda – 2500-den astam sátti operasııa jasaldy.

ALMATY