Parlament • 16 Qańtar, 2020

Halyq usynysy barynsha eskeriledi

52 retkórsetildi

Májilis Spıkeri Nur­lan Nyǵmatýlınniń tóraǵa­lyǵymen Palatanyń jal­py oty­rysy ótti. Jıyn­da eki zań jobasy maqul­danyp, ja­ńa 16 zań jobasy jumysqa alyndy.

Aıta ketý kerek, depýtattar jańa 2020 jyly alǵash ret jınaldy. Osyǵan nazar aýdarǵan N.Nyǵmatýlın bıylǵy jyl ádettegideı aımaqtardy aralaýdan bastalǵanyna toqtaldy.

«Barlyq úsh fraksııanyń depýtattary jáne Assambleıa atynan saılanǵan depýtattar oblys ortalyqtaryna ǵana emes, aý­dandarǵa, qalalarǵa, alys aýyl­darǵa issaparmen bardy. Árbir depýtat jergilikti tur­ǵyn­dar­ǵa elimizde, Máji­liste atqa­rylyp jatqan ju­mys jónin­de baıan­dap berdi. Aı­maqtarda áleýmet­tik kómektiń jańa formaty, Den­saýlyq saqtaý kodeksi, jumyspen qamtý týraly jáne taǵy da bas­qa máseleler kóterildi. Osy kez­desýlerde aı­tylǵan barlyq usy­nystardy, pikir­lerdi aldaǵy zań shyǵarý jumy­­symyzda eskeremiz», dedi Máji­lis Tóraǵasy.

Palata spıkeriniń sózine qara­ǵanda, qazirgi tańda Májiliste 61 zań jobasy jatyr. Osy sessııanyń aıaǵyna deıin tıisti tapsyrmalardy iske asyrý úshin birqatar mańyzdy zań jobasyn maquldaý kerek.

Jalpy otyrysta Májilis so­ǵys jaǵdaıy máseleleri boıynsha túzetýlerge qatysty zań jobasyn birinshi oqylymda maquldady. Bul qujatty qabyldaý elimizdiń qaýipsizdigine tónetin qaterge jol bermeý úshin qajet.

Zań jobasynyń negizgi maq­saty – memlekettiń soǵys jaǵ­daıynda jumys isteýi, beıbit ýa­qyt­ta oǵan daıyndalý máselesin quqyq­tyq retteý. Sondaı-aq qu­jat­ta Prezıdent ókilettigin to­lyq­tyrý usynylyp otyr.

 «Soǵys jaǵdaıynda jergilikti atqarýshy organnyń ókilettigin qarastyryp, olarǵa «oblystyń, respýblıkalyq mańyzy bar qa­la­nyń, astananyń qorǵanys keńesin» qurýǵa quzyret berý usynylady. Bul rette áskerı basqarý organy retinde qorǵanys keńesteri so­ǵys jaǵdaıynda áreket etpek. Olar tek soǵys jaǵdaıynda qury­lady, sondyqtan Qarýly Kúshter qurylymyna kirmeıdi», dedi osy zań jobasy boıynsha baıandama jasaǵan Qorǵanys mınıstriniń birinshi orynbasary – Qarýly kúshter Bas shtabynyń bastyǵy Murat Bektanov.

Budan bólek, jalpy otyrysta depýtattar «Baıqońyr» keshenin gazben jabdyqtaý týraly Reseımen aradaǵy úkimetaralyq kelisimdi ratıfıkasııalady. Bul ke­lisimniń nátıjesinde Baı­qońyr qalasynyń turǵyndary qolje­timdi, qymbat emes jáne ekologııalyq taza tabıǵı gazben turaqty qamtamasyz etilmek.

«Kelisim «Baıqońyr» keshe­nin gazben qamtamasyz etýdiń quqyqtyq negizderin aıqyn­daýǵa baǵyttalǵan jáne tutyný­shylardy suıytylǵan munaı gazynan tabıǵı gazǵa kóshirýdi kózdeıdi. Buǵan deıin Baıqońyr qalasyn gazben, ıaǵnı suıytylǵan munaı gazy nemese propan-býtanmen jabdyqtaý úshin reseılik «Gazovoe hozıaıstvo» kásiporny jaýapty bolǵan», dedi Energetıka mınıstri Nurlan Noǵaev.

Baıqońyr qalasyna gaz jetkizýdi «QazTransGaz Aımaq» aksıonerlik qoǵamy júzege asyrady. Sondaı-aq jabdyqtaý júıe­leriniń qaýipsizdigine jaýap beredi jáne shart jasasý, ba­ǵa belgileý, ónerkásiptik qaýip­siz­dik máseleleri Qazaqstan Respýb­lıkasynyń zańnamasyna sáıkes júzege asyrylady.

«Úkimetaralyq kelisimge sáı­kes, «QazTransGaz Aımaq» AQ-ǵa qala aýmaǵynda jáne «Baı­qońyr» ǵarysh aılaǵyna tabıǵı gaz jetkizý quqyǵy beriledi. Bul qyz­met reseılik salyq organ­daryn­da tirkelmeı júzege asyryla­dy. Iаǵnı, qosarlanǵan salyq salýǵa jol berilmeıdi. Keli­simde Baıqońyr qalasynyń aýma­ǵynda tabıǵı gazdy bólshek saýda­da ótkizý baǵasy Qyzylorda oblysynyń gaz tutynýshylary úshin Qazaqstannyń monopolııaǵa qarsy organy belgileıtin baǵaǵa sáıkes kelýi tıis dep bekitilgen», dedi vedomstvo basshysy.

Mınıstrdiń sózine qaraǵanda, qazirgi tańda Baıqońyr qalasy jáne Qyzylorda oblysyndaǵy tabıǵı gazdyń bólshek baǵasynyń bir tekshe metri jeke tulǵalar úshin – 18,6 teńgeni, zańdy tulǵalar jáne bıýdjettik uıymdar úshin bir tekshe metri 18,9 teńgeni qurap otyr.

«Baıqońyr qalasy turǵyndary tamaq ázirleý úshin bir páter ortasha eseppen 3-4 tekshe metr suıytylǵan gaz nemese shamamen 6-10 tekshe tabıǵı gaz tutynady. Tabıǵı gazdy qosqan jaǵdaıda, turǵyndar osy kólemdegi gaz tutynǵany úshin 111-186 teńge tóleıdi. Bul – suıytylǵan munaı gazynan 16 ese arzan. «QazTransGaz Aımaq» AQ men «Gazovoe hozıaıstvo» kásipornynyń birlesken jumysynyń nátıjesinde Baıqońyr qalasynyń barlyq kópqabatty sektory, ıaǵnı 328 turǵyn úı, sondaı-aq 150 jeke úıdiń 45-i tabıǵı gazǵa qosylǵan», dedi N.Noǵaev.

Osy kelisim turǵyndar úshin kommýnaldyq qyzmet shyǵyn­da­ryn azaıtýǵa múmkindik beredi. Sebebi suıytylǵan gazǵa qara­ǵanda tabıǵı gazdyń quny aıtar­lyqtaı arzan. Budan basqa, Baı­qońyr qalasynda gazdy bólý ınfra­qurylymy salystyrmaly túrde jańa.

Sonymen qatar jalpy otyrysta Májilis 16 zań jobasyn jumysqa aldy. Onyń ishinde, Ekolo­gııalyq kodeks, asyl tuqym­dy mal sharýashylyǵy, mádenıet máseleleri boıynsha, memlekettik feldegerlik baılanys týraly basqa da óte mańyzdy zań jobalary qamtylǵan.

Jalpy otyrysta Májilis depýtaty Erlan Daýylbaevty Qazaqstan Res­pýblıkasy Ortalyq saılaý komıs­sııasynyń múshesi qyzmetine taǵaıyndady.

  «Erlan Slamhanuly kóp jyldar boıy ádilet salasynda jumys istedi. Ortalyq saılaý komıssııasy júıesinde de qyzmet etti. Sońǵy ýaqytta Shymkent qalalyq aýmaqtyq saılaý komıssııasynyń tóraǵasy boldy», dedi Májilis tóraǵasy N.Nyǵmatýlın.

Májilistiń Zańnama jáne sot-quqyqtyq reforma komıteti tóraǵasy Nurlan Ábdirov óz sózin­de E.Daýylbaev joǵary biliktiligi bar zańger ekenin atqarǵan ju­mys­tarynda dáleldegenin atap ótti.

Jalpy otyrys sońynda bir­qatar depýtattar quzyretti or­gan­darǵa depýtattyq saýaldar jol­dady.

 

Sońǵy jańalyqtar

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Synaqtan saǵy synbaǵan

Aımaqtar • Búgin, 08:11

Býllıng qurbany – jasóspirimder

Qoǵam • Búgin, 08:10

Birneshe sıfrly joba iske qosyldy

Aımaqtar • Búgin, 08:08

Ýaqyty kelgen ıgilik

Tehnologııa • Búgin, 08:05

Sálemde bereke bar

Rýhanııat • Búgin, 08:03

Mysty qalada myltyq nege atyldy?

Aımaqtar • Búgin, 08:02

Uqsas jańalyqtar