Qoǵam • 16 Qańtar, 2020

Túsindirý jumystary belsendi júrgizilýi tıis

40 retkórsetildi

Eńbek jáne halyqty áleýmettik qorǵaý mınıstri Birjan Nurymbetov azamattardyń ataýly áleýmettik kómek taǵaıyndaý týraly ótinishterin taǵaıyndaý barysymen tanysý maqsatynda Túrkistan oblysyna keldi. Jumys sapary kezinde mınıstr oblys ákiminiń orynbasary Ulan Tájibaevpen birge turǵyndarmen kezdesip, 1 qańtardan bastap engizilgen ataýly áleýmettik kómek kórsetýdiń jańa tásilderin egjeı-tegjeıli túsindirdi. Arnaıy jumys toby Túrkistan, Kentaý qalalarynyń Halyqqa qyzmet kórsetý ortalyǵynyń jumysymen tanysty.

Qalalyq mádenıet úıinde ótken kezdesýde Túrkistan qalasynyń turǵyndary mınıstrden qalalyq jumyspen qamtý ortalyǵynyń mamandaryn jappaı jumystan bosatýdy surady. О́ıtkeni jumyspen qamtý ortalyǵyndaǵylar jurtty kóp áýre-sarsańǵa salatyn kórinedi. Bul oraıda mınıstr kópshilikke usynylǵan jumystan bas tartpaýǵa keńes berdi. «Sizderdi eshkim májbúrlemeıdi. Ol jumys turǵylyqty jerińizden alys bolsa, sizge qolaısyz bolsa, onda biz kináli bolamyz. Qolaıly jumys tabylǵanǵa deıin ataýly áleýmettik kómek toqtatylmaıdy. Memleket muqtaj jandarǵa, balalar men kóp balaly otbasylarǵa kómektesedi. Bul eń basty qaǵıda. Eńbekke qabiletti azamattar jumys isteýi kerek. Bul tusta aıta ketetin jaıt, memleket jumys tabýǵa ne shaǵyn bıznespen aınalysýǵa kómektesedi. Kóp balaly otbasylarǵa respýblıkalyq bıýdjetten memlekettik járdemaqylar engiziledi. Bul úlken otbasylarǵa, ıaǵnı, 4 nemese odan da kóp kámeletke tolmaǵan balalary bar azamattarǵa, olardyń tabysyna qaramastan tólenedi», deı kele B.Nurymbetov AÁK-tiń qalaı jáne kimderge tólenetinin egjeı-tegjeıli túsin­dirdi. Al jaýapty qyzmetkerler AÁK-ke júginetin azamattardan qujattar­dy qabyldaý kezinde áleýmettik kómek kórsetýdiń jańa tetikterin túsindirý jumystaryn júrgizýi qajet ekenin atap ótti. «Birinshiden, siz azamattarǵa AÁK taǵaıyndaý úshin qujattardy qańtar aıynyń sońyna deıin tapsyrýǵa bolatynyn jáne aqpan aıyna deıin barlyq krıterıılerge sáıkes keletinder ataýly áleýmettik kómek alatynyn túsindirýińiz kerek. Azamattarǵa dúrbeleń men jappaı kezek qurýdyń qajeti joq, ótinish berýge taǵy jarty aı bar», dedi mınıstr. Sondaı-aq azamattar HJQO-ǵa jáne halyqty jumyspen qamtý bólimderine jappaı júgingen jaǵdaıda júkti áıelder men balalary bar áıelderdiń qujattaryn qabyldaıtyn jeke qyzmetkerler bólýdi usyndy. Azamattardyń materıaldyq jaǵdaıyn baǵalaý prosesinde ýchaskelik komıssııalardyń rólin kúsheıtýdi eskere otyryp, AÁK taǵaıyndaý kezinde olardyń qalaı jumys isteýi kerektigi týraly naqty túsinik berdi.

Al Kentaý qalasynda mınıstr AÁK arqyly qarjylyq jaǵdaıyn jaqsartyp qana qoımaı, óz isin ashýǵa da múmkindik alǵan otbasyna bardy. «Eńbek» baǵdarla­masymen tiginshi mamandyǵyn oqyp meń­gergen Gúlmıra Iýldasheva 505 myń teńge memlekettik grant alyp, kásibin ashqan. Búginde úıinde otyryp-aq quraq kórpege tapsyrystar qabyldaýda. «Jeti balamen eki bólmeli páterińizde otyryp-aq óz kásibińizdi dóńgeletken sizge alǵysym sheksiz. Jumysyńyz tabysty bolsyn», dep tilektestik bildirgen mınıstr G.Iýldashevanyń isin kópke úlgi etti.

Sondaı-aq B.Nurymbetov Túrkistanda kóp balaly analar men tabysy az azamattarmen kezdesýde ataýly áleýmettik kómek kórsetý men kóp balaly otbasylardy qoldaýdyń jańa tásilderiniń mánin túsindirdi. «Memlekettik kómektiń jańa sharalary keshendi júzege asyrylady jáne oǵan kóp balaly otbasylardy qoldaý, jańǵyrtylǵan ataýly áleýmettik kómek, tabysy az otbasylardaǵy balalarǵa arnalǵan kepildik berilgen áleýmettik toptama kiredi», dedi mınıstr. Ol aǵymdaǵy jylǵy 1 qańtardan bastap Qazaqstanda 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar kóp balaly otbasylarǵa arnalǵan jańa memlekettik járdemaqy engizilgenin atap ótti. Bul memlekettik járdemaqy otbasynyń tabysyna qaramastan 42 496 teńgeden 74 388 teńgege deıin saralanǵan mólsherde tólenedi. Osyndaı tólemdi aǵymdaǵy jylǵy qańtarda jalpy somasy 17,7 mlrd teńgege 367 myń otbasy aldy. «Tabysy az otbasylarǵa ataýly áleýmettik kómek qarastyrylǵan. Munda balalar sany, bir bala nemese tórt bala bolýy mańyzdy emes. AÁK taǵaıyndaý úshin basty krıterıı – bul jan basyna shaqqandaǵy ortasha tabysy otbasynyń árbir múshesine aımaqtyq eń tómengi kúnkóris deńgeıiniń 70%-ynan aspaýy tıis. Otbasynyń barlyq músheleri úshin AÁK mólsheri jan basyna shaqqandaǵy tabys pen kedeılik sheginiń arasyndaǵy aıyrma retinde aıqyndalatyn bolady. AÁK ashyqtyǵyn qamtamasyz etý úshin toqsan saıyn taǵaıyndalady, al otbasynyń materıaldyq jaǵdaıyna tekserý júrgizý merzimi 3 kúnnen 7 kúnge deıin ulǵaıtylady. Eger otbasy AÁK qajet dep eseptese, onda qańtar aıynda áleýmettik kómekti taǵaıyndaý úshin qujattar tapsyra alady. AÁK alatyn barlyq otbasylardyń balalaryna memleket kepildik bergen áleýmettik toptama usynylady», dedi B.Nurymbetov.

Mınıstrdiń málimdeýinshe, nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasyna qajetti ózgerister engizilgen. Kóp balaly jáne tabysy az otbasy múshelerin kásipkerlikke tartý úshin olarǵa mıkrokredıtter jyldyq 4%-dan aspaıtyn paıyzdyq mólsherlememen 7 jylǵa deıingi merzimge jeńildikti sharttarmen beriletin bolady. Budan basqa, halyqtyń barlyq sanattary úshin memlekettik granttardyń biryńǵaı mólsheri – 200 AEK belgilengen. Sonymen qatar kóp balaly jáne tabysy az otbasy músheleri aldyn ala bilim alýsyz grant alýǵa quqyly. Mınıstr jumys saparynyń sońynda tabysy az otbasylardaǵy balalarǵa arnalǵan kepildik berilgen áleýmettik toptama berý sheńberinde satyp alynatyn daıyn azyq-túlik pen gıgıenalyq jıyntyqtardy kórip, oblys qalalary men aýdandary ákimdikteriniń qyzmetkerlerimen jańa formattaǵy AÁK kórsetý máseleleri boıynsha selektorlyq keńes ótkizdi.

 

Túrkistan oblysy

 

Sońǵy jańalyqtar

Almaty jasyl qalaǵa aınalady

Ekologııa • 17 Qańtar, 2020

Elimizde UFC TV telearnasy iske qosyldy

Sport • 17 Qańtar, 2020

Tátti ómirdi tárk etkender (vıdeo)

Vıdeo • 17 Qańtar, 2020

Kókshetaýda beti ashyq qudyq kóp

Aımaqtar • 17 Qańtar, 2020

Shymkentte Poezııa minberi ashyldy

Rýhanııat • 17 Qańtar, 2020

Bulandydaǵy berekeli is

Aımaqtar • 17 Qańtar, 2020

Mal baqqanǵa bitedi...

Aımaqtar • 17 Qańtar, 2020

Batys Qazaqstanda jańa jobalar maquldandy

Aımaqtar • 17 Qańtar, 2020

Kýveıt týrnırinde top jardy

Sport • 17 Qańtar, 2020

Gran-prı jarysyna qatysady

Sport • 17 Qańtar, 2020

Ekinshi qolany qorjynǵa saldy

Sport • 17 Qańtar, 2020

Atqa miný mádenıetin nasıhattady

Qoǵam • 17 Qańtar, 2020

Uqsas jańalyqtar