Parlament • 16 Qańtar, 2020

Senatorlar ekologııany qorǵaý jáne ormandy kesý máselelerin talqylady

23 retkórsetildi

Parlament Senatynyń depýtaty Olga Perepechına Soltústik Qazaqstan oblysyna jumys babyndaǵy sapar barysynda Qyzyljar aýdanyndaǵy birneshe aýyldyq eldi mekenderde boldy. Bul týraly Parlament Senatynyń baspasóz qyzmeti habarlady.

Senatordyń jumys sapary Qyzyljar aýdanyndaǵy Beskól aýylynda ornalasqan «Radýga» kásipornynan bastaldy. Seriktestikte polıetılen plenkasy túıirshikterge aınalyp, plastmassalyq buıymdarǵa qaıta óńdeledi. Senator óndiris sehtarynda bolyp, seriktestik basshylyǵymen jáne ujymmen kezdesti, olardy tolǵandyrǵan suraqtarǵa jaýap berdi. Depýtat «KIPR» oqý ortalyǵyna bolyp, mekeme ujymymen kezdesti jáne oqý prosesimen tanysty.

Beskól orta mektebiniń hokkeı kortynda bolǵan kezde senator jastar hokkeı komandasyna sertıfıkat tabys etti.

Senator Beskól orta mektebinde Beskól aýylyndaǵy mektep gımnazııanyń ujymdarymen kezdesti. Kezdesýge elýden astam muǵalim qatysty. O.Perepechına júzdesý barysynda Memleket basshysy Q.Toqaevtyń 2019 jylǵy 2 qyrkúıekte «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa Joldaýynda aıtqan tapsyrmalaryn oryndaý týraly, Parlament Senatynyń 2019 jyly atqarǵan jumysynyń qorytyndylary men 2020 jylǵy 1 qańtardan bastap kúshine engen jańa zańdar týraly habardar etti. Pedagogtardyń eńbekaqysyn kóterý, pedagogıkalyq sheberligi úshin qosymsha aqy engizý, pedagogtardy olarǵa tán emes mindetterden bosatý múmkindigin beretin «Ustaz mártebesi týraly» jańa zańǵa erekshe kóńil bólindi.

Parlamentshi sol kúni Arhangelsk aýylyndaǵy «Melnıchýk ı K», «Elim Qyzyljar» jáne «Peterfeld Agro» seriktestikteri men Qyzyljar aýdanynyń Peterfeld orta mektebinde boldy. Depýtat jumysshylardyń usynystary men pikirlerin tyńdady jáne keıbir máseleler boıynsha túsinikteme berdi. Aýyl turǵyndary kóp jaǵdaıda mindetti áleýmettik medısınalyq saqtandyrý, zeınetaqy jáne eńbekaqy máselelerine nazar aýdardy.   

Senator sapar sońynda «Nur Otan» partııasynyń Beskól fılıalynyń qoǵamdyq qabyldaýynda aýdandyq máslıhat depýtattarymen jáne aýyl turǵyndarymen kezdesýler ótkizdi. Onda tazartý qurylysy keshenin jańǵyrtý men salýǵa shekteýlerdi alyp tastaýǵa jáne qarjy bólýge járdemdesý, ekologııany qorǵaý jáne ormandy kesý, dári-dármekke jeńildik berý, bilim berý salasyndaǵy sybaılas jemqorlyq máseleleri qozǵaldy. Senator azamattardy qabyldaý barysynda qoıylǵan barlyq máseleler boıynsha túsinikteme berdi, keıbir suraqtar jeke baqylaýǵa alyndy.

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Uqsas jańalyqtar