Aımaqtar • 16 Qańtar, 2020

Batys Qazaqstanda bir úıdiń úsh adamyn óltirip ketti

124 retkórsetildi

Batys Qazaqstan oblysy, Báıterek aýdanyna qarasty Iаnaıkın aýylynda 14 qarasha kúni keshte belgisiz bireýler bir úıdiń úsh adamyn óltirip, úıge ot qoıyp ketken.

-Eń áýeli kórshiler úıdiń ishinde jalyn shyǵyp, órtenip jatqanyn baıqap, órt sóndirýshilerdi shaqyrǵan. Polısııa oqıǵa ornyna órt sóndirýshilermen birge jetti. О́rt ishinen eń aldymen úı ıesi, 1953 jylǵy týǵan azamattyń denesi tabyldy. Jedel qutqarý jumystary nátıjesinde úı ıesiniń zaıyby, 1954 jylǵy áıel adamnyń jáne 1977 jylǵy er adamnyń múrdesi dalaǵa shyǵaryldy. О́kinishke qaraı, olardyń úsheýi de dene jaraqatynan qaza tapqan. Qazir «kisi óltirý» baby boıynsha qylmystyq is kóterilip, tergeý júrgizilýde, dedi bolǵan oqıǵa jaıly brıfıng ótkizgen BQO Polısııa departamenti bastyǵynyń orynbasary, polısııa polkovnıgi Serik Súıinbaev.

Úsh adamnyń ólimi týraly Qazaqstan Respýblıkasynyń Ishki ister mınıstrine de aqparat jetkizilgen. Oqıǵa ornynda BQO Polısııa departamenti bastyǵy polısııa general-maıory M.Ablazımov, orynbasary A.Temirjanov, jedel-tergeý bólimderi basshylary barǵan. «Nur-Sultan qalasynan arnaıy tergeý toby ushyp keldi. Qylmysty ashýǵa eń bilikti tergeýshiler, krımınalıster jumyldyryldy. Qylmystyq oqıǵanyń birneshe nusqasyn zerttep jatyrmyz. Múrdeler sot-medısınalyq saraptamaǵa jiberildi. Tergeý múddesi úshin ázirge budan basqa aqparat bere almaımyz» dedi Serik Súıinbaev.

Polısııa qaza tapqan jandardyń kim ekendigin aıtpaǵanymen, marqumdardyń aty-jóni jýrnalısterge belgili: olar – úı ıesi, buryn Iаnaıkın keńsharynyń dırektory bolǵan Aleksandr Zapromıotov jáne áıeli Valentına, úshinshisi – olardyń uly Sergeı. Keıbir derekterge qaraǵanda Sergeı Reseıde turady, ata-anasynyń úıine qydyryp kelip jatqan eken.

Uqsas jańalyqtar