Úkimet • 16 Qańtar, 2020

Aqtoty Raıymqulova Qytaı delegattaryn qabyldady

45 retkórsetildi

Mádenıet jáne sport mınıstri Aqtoty Raıymqulova Qytaıdyń «Xinxin Xianguyang film culture Co., Ltd 901» kınokompanııasynyń dırektory, prodıýser Fan Lıksınmen kezdesti. Bul týraly Mádenıet jáne sport mınıstrliginiń baspasóz qyzmeti habarlady.

Basqosý barysynda qos tarap kınematografııa salasyndaǵy ózara yntymaqtastyq jaıyn talqylady. Sonymen qatar Qytaıdan kelgen  delegattar 2020-2021 jyldarǵa arnalǵan kıno salasyndaǵy jobamen tanystyrdy. Onda tanymal akter Djekı Channyń qatysýymen júzege asyrylatyn joba aıasynda eki memleket arasyndaǵy mádenı baılanystardy da kórsetý josparlanǵan. Sonymen qosa qytaılyq kınematograftar qazaq kınorejısserlarymen jumys isteýge daıyn ekendikterin jetkizdi.

Aıta keteıik, 2020 jyly Sháken Aımanov atyndaǵy «Qazaqfılm» kınostýdııasy Beıjiń men Shanhaıdaǵy festıvalge óz týyndylaryn usynǵan. Qazir qazylar alqasynyń sheshimin kútip otyr. Sonymen qatar Makao men Haınandaǵy jáne Fýszıandaǵy «Jibek joly» atty halyqaralyq baıqaýlarǵa qatysý josparda bar.

Qazaqstan men Qytaı Halyq Respýblıkasy 2017 jyly 18 qyrkúıekte qabyldanǵan birlesken kınoóndiris boıynsha memleketaralyq kelisimge saı jumys istep keledi. Máselen, osy baǵdarlama aıasynda «Qazaqfılm» jáne Shinework Pictures kompanııasy birlesip, «Kompozıtor» fılmin túsirdi.

Rejıssser Sábıt Qurmanbaev (Qazaqstan) pen Sherzat Iаkýbtyń (Qytaı) týyndysy ótken jyly 13-20 sáýirde Qytaı astanasynda ótken halyqaralyq IX Beıjiń kınofestıvalinde kórermenge jol tartqan bolatyn. Al Qazaqstandaǵy premerasy 2019 jyldyń 17 mamyrynda Nur-Sultan qalasynda ótti.

2019 jyly 23 maýsymda ótken XXII halyqaralyq Shanhaı kınofestıvalinde 8 jastaǵy qazaq aktrısasy Dilnaz Nurseıit CCTV-6 telearnasy usynǵan «Úzdik jańa akter» nomınasııasyna ıe boldy. Sondaı-aq qoıýshy-rejısser Ermek Tursynovtyń «Shyraqshy» fılminiń tusaýkeseri ótip, «Kompozıtor» fılminiń prodıýsserlik toby da marapattaldy.

Al qoıýshy-rejısser Emır Baıǵazınniń «О́zen» fılmi 18 naýryz ben 1 sáýir aralyǵynda ótken halyqaralyq Gonkong festıvaline,  rejısser Jánibek Jetirýovtyń «Shyńyraý» fılmi 19 qarashada ótken XXVII Golden Rooster and Hundred Flowers baıqaýyna, Farhat Sháripovtyń «Trenıng lıchnostnogo rosta» týyndysy 1-8 jeltoqsanda ótken Hainan Island International Film Festival-ge qatysty.

Al 7-19 mamyr aralyǵynda qazaq kınematografısteri ShYU-ǵa kiretin elderge arnalǵan semınarǵa qatysty. Beıjiń, Shanhaı men Sındaoda ótken jıynda mamandar kınematografııa salasyndaǵy sońǵy jańalyqtarmen tanysyp, pikir almasty.

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar