«Qalmuhanbet Nurmuhanbetuly Qasymov Qazaqstan Respýblıkasy Memlekettik kúzet qyzmetiniń bastyǵy bolyp taǵaıyndalsyn» delingen habarlamada.
Aıta keteıik, Qalmuhanbet Qasymov 1957 jyly 18 mamyrda Almaty oblysynda dúnıege kelgen. 1979 jyly S.Kırov atyndaǵy Qazaq memlekettik ýnıversıtetiniń zań fakýltetin bitirgen.
Eńbek joly: 1979-2005 jyldary ishki ister organdarynyń jedel-tergeý bólimshelerinde qyzmet atqarǵan (Almaty q., Astana q. jáne Almaty oblysy). 2005-2009 jyldary – Qazaqstan Respýblıkasynyń Ishki ister vıse-mınıstri, birinshi vıse-mınıstri. 2009-2011 jyldary – Shyǵys Qazaqstan oblysynyń Ishki ister departamenti bastyǵy. 2011-2019 jyldary – Qazaqstan Respýblıkasynyń Ishki ister mınıstri. 2019 jylǵy 12 aqpanda Memleket basshysynyń Jarlyǵymen Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy bolyp taǵaıyndaldy.
Sondaı-aq Qalmuhanbet Nurmuhanbetuly Qasymov Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy qyzmetinen;
Ánýar Tóleýhanuly Sadyqulov basqa jumysqa aýysýyna baılanysty Qazaqstan Respýblıkasy Memlekettik kúzet qyzmetiniń bastyǵy qyzmetinen bosatyldy.
Memleket basshysynyń О́kimimen Ázimhan Álıhanuly Júsipov Qazaqstan Respýblıkasy Memlekettik kúzet qyzmeti bastyǵynyń orynbasary qyzmetinen bosatyldy
