Aımaqtar • 16 Qańtar, 2020

Aqtaýda «Qaýipsiz qala» aksııasy ótkizildi

447 ret

kórsetildi

1 mın

oqý úshin

Mańǵystaý oblysynyń Tótenshe jaǵdaılar departamenti, «Jas Otan» JQ MOF eriktilerimen jáne «KazTransGazAımaq» AQ Mańǵystaý fılıaly jáne «RSKÝ-Aqtaý» JShS qyzmetkerlerimen birlesip Aqtaý qalasy boıynsha ashyq turǵan lıýkterge jáne ýly gaz datchıkteri qurylǵylarynyń jaǵdaıyna monıtorıng júrgizý boıynsha «Qaýipsiz qala» atty aksııasyn uıymdastyrdy. Bul týraly Mańǵystaý oblystyq Tótenshe jaǵdaılar departamenti baspasóz qyzmeti habarlady.

Gúlaıym DÁÝITBAI

Aqtaýda «Qaýipsiz qala» aksııasy ótkizildi

Aksııa barysynda qala aýmaǵyndaǵy ashyq turǵan lıýkterdi anyqtaý maqsatynda oblystyq «Mangistau» telearnasynda jáne «Lada», «Týmba», «In.Aktau» saıttary men mesendjerinde habarlama jarııalanyp, ashyq turǵan lıýkter boıynsha aqparattar men fotomaterıaldary jınaqtalýda.

-Qazirgi tańda qala aýmaǵynda 17 dana ashyq lıýkter týraly aqparat jınaldy. Aksııa qorytyndysy boıynsha tıisti organdarǵa kemshilikterdi joıý boıynsha usynys joldanylatyn bolady.

Sonymen qatar qala aýmaǵynda qondyrylǵan ýly gaz datchıkteriniń jaǵdaıyna «KazTransGazAımaq» AQ Mańǵystaý fılıaly men «RSKÝ-Aqtaý» JShS qyzmetkerlerimen baqylaý jasalyndy. Aqtaý qalasynyń aýmaǵynda qazirgi tańda 1897 dana ýly gaz datchıkteri qondyrylǵan. Monıtorıng júrgizý barysynda turǵyndarǵa órt qaýipsizdigin saqtaý boıynsha úgit-nasıhat jumystary ótkizildi, dedi Mańǵystaý oblysy TJD Zilzalalar qaýip-qaterin azaıtý jáne azamattyq qorǵaý salasyndaǵy baqylaý basqarmasynyń qyzmetkerleri.