Aımaqtar • 16 Qańtar, 2020

Kókshetaýlyq oqýshylardyń jetistigi

27 retkórsetildi

Kókshetaýdaǵy fızıka-matematıka baǵytyndaǵy Nazarbaev zııatkerlik mektebi sapaly bilim beretin óńirdegi kóshbasshy oqý ordasy. Mektep oqýshylary robototehnıkadan ótetin dúnıejúzilik jarysta Qazaqstan quramasy sapynda el namysyn laıyqty deńgeıde qorǵap júr.

Al, jýyrda 12-shi synyp oqýshylary Rahat Hamıtov pen Jarken О́tegenov Koreı elinde ótetin dúnıejúzilik «Jas ǵalymdar» baıqaýynda ózderiniń jobalaryn qorǵamaq, al, Sofıa Kokorına men Georgıı Shılıaev Qazaqstan Quramasy sapynda eldiń namysyn qorǵaýda.

–Men úsh jyl qatarynan álemdik olımpıadaǵa qatysýdamyn. Robototehnıka ózimen qatty unaıdy. Olımpıadada zattardy tasymaldaıtyn robot qurastyrý qajet boldy. Biz bul tapsyrmany tap-tuınaqtaı etip oryndap shyqtyq, deıdi Nazarbaev zııatkerlik mektebiniń 6 synyp oqýshysy Sofıa Kokorına.

Kókshetaýlyq oqýshylar álemdik deńgeıdegi robototehnıka jarystaryna osymen úshinshi jyl qatarynan qatysýda.  Nátıjesiz emes.

–2017 jyly dúnıejúzilik jarys Kosta-Rıka elinde ótti. 81 komandanyń ishinde biz 29-shy orynǵa ıe boldyq. 2018 jyly Taılandta ótken jarysqa 63 memleketten 104 komanda qatysty. Bizdiń top 9-shy orynnan kórindi, al byltyr Vengrııada ótti. Bizdiń balalar 8-shi orynǵa kóterildi. Mektebimizde balalardyń robototehnıkamen aınalysýy úshin barlyq jaǵdaı jasalǵan. Oqýshylarymyzdyń qyzyǵýshylyqtary da zor, deıdi Nazarbaev zııatkerlik mektebiniń  muǵalimi, robototehnıkadan jattyqtyrýshy Qýanysh Qanapov.

Kókshetaýdaǵy fızıka-matematıkalyq baǵyttaǵy Nazarbaev zııatkerlik mektebi byltyrǵy jyly halyqaralyq mektepter keńesi akkredıtasııasynan sátti ótti. Bul bilim ordasynyń barlyq standarttar boıynsha álemdik deńgeıdegi eń qatań krıterıılerge saı ekenin dáleldep otyr. Oqýshylardyń ǵylymı jáne shyǵarmashylyq  baǵyttaǵy jetistikteri de mol. Máselen, elimizdegi Nazarbaev zııatkerlik mektepteri arasynda ótken ǵylymı baıqaýlar jarysynda Rahat Hamıtov pen Jarken О́tegenovtyń jobalary úzdik dep tanyldy. Endi olar Koreı elinde ótetin dúnıejúzilik «Jas ǵalymdar» baıqaýynda ózderiniń jobalaryn qorǵamaq.

–Bul saýda úıiniń maketi. Munda 2 kamera ornatylǵan. Ol árbir bólmedegi adamdardyń sany men ornalasýyn anyqtaıdy. Osyǵan qosa PAITN kompıýterlik tili arqyly  «Open sivi»  bıblıotekasyn qoldanyp, kameralar arqyly órtke qarsy júıeni daıyndadyq. Iаǵnı, men qazir sireńkeni jaqyndatyp, edende birden jaryq paıda bolady. Iаǵnı, shyǵatyn baǵyt kórsetiledi, deıdi Nazarbaev zııatkerlik mektebiniń 12-synyp oqýshysy Rahat Hamıtov.

Rahattyń aıtýynsha, Reseıdiń Kemerovo qalasyndaǵy «Zımnıaıa vıshnıa» saýda úıinde bolǵan órt bul jobany ázirleýge túrtki bolǵan. Sebebi, kınoteatrda esikterdiń jabyq bolýy saldarynan qanshama adamdar qaza boldy. Sondyqtan oqýshylar ázirlegen júıe boıynsha órt kezinde qosymsha esikter avtomatty túrde ashylady jáne adamdarǵa odan shyǵý úshin arnaıy shamdarmen baǵyt kórsetiledi. Sonymen qatar órt sóndirýshiler arnaıy baǵdarlama negizinde ǵımaratta qansha adam qalǵany jóninde bile alady.

Sońǵy jańalyqtar

Qazaqy as: dástúr men dám

Rýhanııat • Keshe

Terezeden qarama...

Rýhanııat • Keshe

Qyzmet barysynda qaza tapty

Rýhanııat • Keshe

Bozingendi ıdirgen kúı edi...

Rýhanııat • Keshe

Aǵa men ini

Qoǵam • Keshe

Ysqaq qajy áýlıe

Rýhanııat • Keshe

Qaban, Táńki jáne Bydyq

Rýhanııat • Keshe

Qaıyq kútken kún

Rýhanııat • Keshe

Uqsas jańalyqtar