Aımaqtar • 16 Qańtar, 2020

«Bızneske arnalǵan Úkimet» júıesiniń paıdasy orasan

58 retkórsetildi

Mańǵystaý oblysynda ótken jyldyń sáýir aıynda iske qosylǵan «Bızneske arnalǵan Úkimet» júıesi kásipkerler jumysyn shırata tústi. Osy ýaqyt aralyǵynda 5700-deı isker jańa qyzmet túrin paıdalanǵan. Kásip ashý, ony sátti júrgizý, kedergilerdi boldyrmaý maqsatynda «bir tereze» qaǵıdaty boıynsha sapaly qyzmet kórsetilip otyr.

«Bızneske arnalǵan Úkimet» jobasy aıasynda jumys istep turǵan: qarjylandyrý; ótkizý; sıfrly qyzmet kórsetý; quqyqtyq súıemeldeý jáne oqytý dep atalatyn 5 aımaq bar. Budan basqa memlekettik qyzmetterdi de osy ortalyqtan alýǵa bolady. Onda sandyq júıe arqyly bir kilttiń kómegimen bızneske qajetti ortalyqtandyrylǵan qyzmettiń barlyǵyn alady.

Marat Begimov Aqtaý qalasynda shashtaraz kásibin qolǵa aldy. Bir jyl buryn «Bastaý bıznes» jobasymen bilim alyp, jeke isin órkendetip otyr. Kásipkerler palatasyna ózin tolǵandyrǵan surpaqtarmen jıi bas suǵady.  Mamandardan ýyzsha keńes alǵan soń, onlaın qyzmet túrine júginýde.

«Men munda jıi kelemin. Bilikti mamandar keńesterin beredi. Bul joly salyq tóleý, esep tapsyrý boıynsha habarlasyp otyrmyn. Zań turǵysynan da keńes aldym. Tegin qyzmet túrin lezde alyp, kabınet aralap, sabylmaı jumysymdy bitirip ketip bara jatyrmyn. Onlaın qyzmet kórsetýdiń utymdy tusy osy» deıdi kásipker.  

Barlyq qyzmetti bir ortalyqtan alýǵa qolaıly júıeni iskerler ózine ózi qyzmet kórsetý aımaǵynda qoldana alady nemese úıden shyqpaı-aq tıisti jumysty júzege asyrýyna múmkindik mol.

«Kásipkerler bıznesin bastap ketken soń, saıt ashý, taýaryn ǵalamtor kómegimen satý syndy ádisterdi qoldanǵysy keledi. Olar bizdiń sıfrly qyzmetterimizdi paıdalanýyna bolady. Jańa jyldan bastap buryn-soń bolmaǵan tyń jobany qolǵa alamyz. Otandyq taýar óndirýshi óz ónimin qaı naryqqa shyǵara alady, qalada qandaı saýda ortalyqtarynda bos oryndar bar, kimderden suranys kóp ekeni týraly aqparatqa jyldam qol jetkize alady. Osy tusta óńirlik kásipkerler palatasy saýda ortalyqtarymen arada jasalǵan memorandým arqyly tıisti súıemeldeý qyzmetin kórsetedi. Barlyq keńes tegin» dep oı qorytty MO kásipkerler palatasynyń qarjylaı emes qyzmet kórsetý bóliminiń basshysy Aqqý Aıtjanova.

2020 jyldan bastap «Bızneske arnalǵan Úkimet» jobasy aıasynda kásipkerlerge taǵy da tyń jobalar qosylatyn bolady. Munyń bári iskerlerdiń ýaqytyn únemdeýge, qaǵazbastylyqtan arylýǵa, qashyqtyqta otyryp ortalyqqa júgirmeı barlyq qyzmetti alýǵa barynsha jaǵdaı jasaý maqsatyn kózdeıdi.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar