Aımaqtar • 16 Qańtar, 2020

Adam ólimine soqtyrǵan jol apaty

102 retkórsetildi

Soltústik Qazaqstan oblysynyń Mamlıýt aýdanyndaǵy Dýbrovnoe selosynda bolǵan jol apaty adam ómirin qııýǵa soqtyrdy.

Osy selonyń úsh turǵyny keshki toǵyz kezinde synyp qalǵan «VAZ 2106» avtokóligin «ZIL» júk mashınasyna tirkep, qalyń qardan shyǵaryp almaq bolyp, áýrelenip jatady. Keshki toǵyzda kóz baılanǵan shaq qoı.

Osy kezde jolda qatty kele jatqan «ÝAZ» avtomobıli «VAZ» mashınasyn soǵady. Sonyń kesirinen rólde otyryp, qatty soqqy alǵan «Vazdyń» ıesi til tartpaı, dúnıeden ótken. Sóıtip, 1986 jyly týǵan azamat aıaq astynan qaza bolyp, jaqyndary zar ılep qaldy.

Sóıtse, ony soqqan «ÝAZ» kóliginiń júrgizýshisi ýdaı mas ekendigi anyqtaldy. Sonymen birge onyń kólik júrgizý kýáligi de joq ekendigi belgili bolyp otyr. Onyń avtomobıldi kýáliksiz júrgizýi búgin ǵana belgili bolmaǵan. Osyǵan deıin ol kýáliksiz kólik júrgizgeni úshin ustalyp, byltyr bir ret ákimshilik jaýapkershilikke tartylǵan eken. Biraq oǵan mise tutpaǵan esersoq kólikti iship alyp, kýáliksiz júrgizýin qoımaǵan.

Endi 35 jasqa jańa kelgen ol uzaq jyl ómirin túrmede ótkizetin boldy. Qazir mas bolyp kólik aıdaǵannyń ózi qylmys dep sanalyp, jeti jylǵa deıin bas bostandyǵynan aırylady. Al mynaý mas bolǵan ǵana emes, kisi óltirgen adam retinde aýyr jaza alary sózsiz. Sonymen birge ol kólik júrgizý quqynan ómir baqıǵa aırylýy múmkin. Ony endi sot sheshedi.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar