Qazaqstan • 16 Qańtar, 2020

Prezıdenttik jastar kadr rezervine BQO-dan 3 adam engen

32 retkórsetildi

Prezıdenttik jastar kadr rezervine irikteý jarııalanǵan 4 aı ishinde Batys Qazaqstan oblysynan 200-deı adam baıqaýda baǵyn synap, irikteý kezeńderinen sátti ótken 3 úmitker rezervke engizilgen. Bul jóninde Memlekettik qyzmet isteri agenttigi BQO boıynsha departamentiniń basshysy – Ádep jónindegi keńes tóraǵasy Ǵalym Tursynbaev málimdedi.

Aq Jaıyq óńirinen tańdaýlylar qataryna engen azamattar – Batys Qazaqstan oblystyq onkologııalyq dıspanser dırektorynyń medısınalyq qyzmet sapasyn baqylaý jónindegi orynbasary Ajǵalıev Tımýr Raphatuly, Batys Qazaqstan oblysy Aqparattandyrý, memlekettik kórsetiletin qyzmetter jáne arhıvter basqarmasynyń basshysy Nurtazaev Sáken Rústemuly jáne sheteldik kompanııanyń bas ınjeneri Tájekenov Mırjan Amangeldiuly.

Jalpy, óńirde jastardyń kásibı biliktiligin arttyrý, bilimge umtylysyn qoldaý jaqsy jolǵa qoıylǵan.

- 2019 jyly Jastar jyly aıasynda jastarǵa qoldaý kórsetý maqsatynda «Jańa talap» memlekettik qyzmet mektebi jańa formatta jumysyn jalǵastyrdy. Oblystaǵy árbir joǵary oqý ornynda toptar ashylyp, 80-ge jýyq tyńdaýshy tirkeldi, sonymen qatar mektepke «Jastar praktıkasyn» ótip júrgen túlekter de engizildi. Dárister men trenıngterdi memlekettik jáne quqyq qorǵaý organdary mamandary men fılıal oqytýshylary júrgizdi.Tyńdaýshylar qańtar-mamyr aralyǵynda memlekettik organdarda taǵylymdamadan ótedi. Oqytý sońynda tyńdaýshylarǵa serıtfıkattar beriledi, dedi Ǵalym Sultanuly.

«Prezıdenttik jastar kadr rezervine oblystan úsh-aq adamnyń ótýi – óńirdegi jas kadrlardyń biliktilik deńgeıi tómendigin kórsetpeı me?» degen saýalymyzǵa Ǵalym Tursynbaev halyq sanyna shaqqanda qalypty jaǵdaı ekendigin aıtty. Jalpy, iriktelgen 300 jas mamannyń ishinde 7 adam – Batys Qazaqstan oblysynda týǵan eken. Rezervke óńirler arasynan eń kóp adam Nur-Sultan qalasynan ótken.

Aıta keteıik, Qazaqstan Respýblıkasy Ulttyq ekonomıka mınıstrligi Statıstıka komıtetiniń dereginshe, Batys Qazaqstan oblysynda 2019 jyldyń 1 jeltoqsanynda 656,6 myń halyq turǵan. Bul - respýblıka halqynyń 3,5 paıyzy.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar