Qoǵam • 16 Qańtar, 2020

Elordanyń 10 myń turǵyny qonys toıyn toılady

38 retkórsetildi

Byltyr Nur-Sultan qalasynyń 10 125 turǵyny Turǵyn úı qurylys jınaq bankinde jalpy somasy 148,9 mlrd teńgege turǵyn úı nesıelerin rásimdedi. 

Byltyrǵy kórsetkish boıynsha elimizdegi ıpotekalyq nesıeleýdiń 62% - y Turǵyn úı qurylys jınaq bankine tıesili. «Qazaqstannyń turǵyn úı qurylys jınaq banki» AQ Ortalyq fılıalynyń dırektory Jansultan Mataevtyń aıtýynsha, 16 jyl ishinde árbir besinshi Nur-Sultan qalasynyń turǵyny bank salymshysy retinde tirkelgen. Sońǵy bes jylda TQJB Ortalyq fılıalynyń kredıttik portfeli 4 esege artyp, 2015 jyly 60,8 mlrd teńgeden 2019 jyly 283,9 mlrd teńgege deıin ósti. Jyl saıyn beriletin nesıelerdiń kólemi 2015 jyly 33,9 mlrd-tan 2019 jyly 148,9 mlrd-qa deıin ósip, bes jyl ishinde tórt esege artty.

Nur-Sultan qalasynda jeńildetilgen ıpotekaǵa suranys ósýde. Bul úderis ıpotekaǵa turǵyn úı satyp alǵysy keletinderdiń artýymen jáne jergilikti atqarýshy organda kezekte turǵandar sanynyń ósýimen baılanysty. Bes jyl ishinde kezekte turǵandar sany eki esege ósti.

Eki jyl ishinde «Nurly jer» baǵdarlamasy boıynsha elimizdiń bas qalasynda 984 otbasy baspanaǵa ıe boldy. Taǵy 403 salymshy jańa jyl qarsańynda qonys toıyn toılady. Bıyl turǵyn úı qurylys jınaq banki 10 turǵyn úı (2 nysan) boıynsha ótinishter qabyldaýdy bastaýdy josparlap otyr. Sonymen qatar, «Baqytty otbasy» memlekettik baǵdarlamasy boıynsha áleýmettik jaǵynan osal otbasylar birinshi jáne ekinshi naryqta turǵyn úı ala alady, dedi J.Mataev.

Onyń aıtýynsha, Nur-Sultan qalasynda «Jergilikti ókiletti organdardyń sheshimi boıynsha muqtaj azamattardyń jekelegen sanattaryna áleýmettik kómek» bıýdjettik baǵdarlamasy boıynsha turǵyn úı sertıfıkattaryn berý jumystary júıeli túrde qolǵa alynǵan. Sertıfıkat alýshylar arasynda áleýmettik sala qyzmetkerleri muǵalimder, dárigerler jáne polıseıler bar. Olarǵa 1 mln teńgege qaıtarymsyz turǵyn úı sertıfıkaty berilip, bastapqy jarna 20%, nesıe mólsherlemesi 7%-dyq nesıe beriledi.

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Uqsas jańalyqtar