Úkimet • 16 Qańtar, 2020

A. Mamın mal sharýashylyǵyn damytý máseleleri jóninde keńes ótkizdi

39 retkórsetildi

Premer-Mınıstr Asqar Mamınniń tóraǵalyǵymen mal sharýashylyǵyn damytý jóninde keńes ótti. Bul týraly Premer-Mınıstrdiń baspasóz qyzmeti habarlady.

Iri qara mal basyn kóbeıtý jáne sıyr etiniń óndirisin arttyrý boıynsha qabyldanyp jatqan sharalar, óńirlerdiń etti mal sharýashylyǵyn damytý boıynsha áleýeti týraly QR aýyl sharýashylyǵy mınıstri S. Omarov baıandady. 

Aldyn-ala málimetter boıynsha, 2019 jyly mal sharýashylyǵy ónimderiniń jalpy óndirisi elimiz boıynsha 2306 mlrd teńgeni qurady, bul ótken jyldyń sáıkes kezeńiniń deńgeıinen 12,5%-ǵa artyq. 

Iri qara mal (IQM) basynyń sany 4%-ǵa 7,4 mln basqa, jylqy – 6,8%-ǵa 2,8 mln basqa, qustar – 2%-ǵa 44,3 mln basqa, qoı – 2,7%-ǵa 16,9 mln basqa, túıe – 3,5%-ǵa 214,8 myń basqa, shoshqa – 2,9%-ǵa 822,2 myń basqa kóbeıgen.

Soıylǵan salmaǵyndaǵy qus etiniń óndirisi 16%-ǵa 223 myń tonnaǵa, sıyr eti – 5%-ǵa 501,4 myń tonnaǵa, jylqy eti – 4,3%-ǵa 132 myń tonnaǵa, qoı eti – 0,8%-ǵa 152 myń tonnaǵa, shoshqa eti – 0,3%-ǵa 86 myń tonnaǵa deıin ósti.

2019 jyly asyl tuqymdy mal sharýashylyǵyn damytýdy sýbsıdııalaýǵa jáne salanyń ónimdiligin arttyrýǵa 115,7 mlrd teńge qarjy bólindi. 840 otbasylyq ferma 82,2 myń iri qara mal basyn satyp alýǵa nesıe aldy. 

2019 jyly jeltoqsan aıynda «Tyson Foods» amerıkalyq kompanııasymen qol qoıylǵan Qazaqstandaǵy qazirgi agro-mýltıproteın ındýstrııasyn damytýǵa qatysý qaǵıdalary týraly kelisim etti mal sharýashylyǵyn damytýǵa zor serpin beredi. Birinshi kezeńde Qazaqstanda ónimdiligi táýligine 2 myńǵa jýyq mal basy bolatyn zamanaýı et óńdeý keshenin salý josparlanǵan. Kásiporyn qazaqstandyq naryqtyń qajettilikterin ótep qana qoımaı, ónimderdi shetel naryqtaryna eksporttaıtyn bolady, osylaısha, elimizdegi jyldyq aýyl sharýashylyǵynyń túsimin $1 mlrd-tan astamǵa qamtamasyz etýge yqpalyn tıgizedi. 

Keńeske qatysýshylar mal basynyń sanyn kóbeıtý, onyń ónimdiligin arttyrý sharalaryn, mal bordaqylaý alańdarynyń júktemelenýin qamtamasyz etýdi jáne mal azyǵy bazasyn nyǵaıtýdy talqylady. 

Úkimet basshysy Qazaqstanda mal sharýashylyǵyn damytý jónindegi keshendi jumystardy jalǵastyrýdy tapsyrdy.

Sońǵy jańalyqtar

Elbasy Túrkııa halqyna kóńil aıtty

Qazaqstan • Búgin, 14:17

Elektiń sory – alty valentti hrom

Ekologııa • Búgin, 14:05

BQO polısııasy 440 otbasyn tekserdi

Aımaqtar • Búgin, 13:20

Túrkııada jer silkinisi boldy

Álem • Búgin, 10:14

Qyzylorda: Qazalydaǵy qonys toı

Aımaqtar • Búgin, 09:07

Uqsas jańalyqtar