Úkimet • 16 Qańtar, 2020

Abaı Qunanbaıulynyń 175 jyldyǵyna arnalǵan is-sharalar týraly baspasóz máslıhaty ótti

810 retkórsetildi

Prezıdent janyndaǵy Ortalyq kommýnıkasııalar qyzmetiniń alańynda Abaı Qunanbaıulynyń 175 jyldyǵyna arnalǵan is-sharalar týraly baspasóz konferensııasy ótti. Baspasóz máslıhatyna Mádenıet jáne sport vıse-mınıstri Nurǵısa Dáýeshov; Akademık, qoǵam qaıratkeri, Abaı Qunanbaıulynyń 175 jyldyq mereıtoıyn ótkizý jónindegi memlekettik komıssııanyń múshesi Ǵarıfolla Esim, Mádenıet jáne óner isteri departamenti dırektorynyń orynbasary Ǵanı Muratov qatysty. Bul týraly Mádenıet jáne sport mınıstrliginiń baspasóz qyzmeti habarlady.

Qazaqstan Respýblıkasy Prezıdenti Q.K. Toqaevtyń tóraǵalyǵymen 2019 jylǵy 26 sáýirde ótken keńestiń hattamasyna sáıkes 2020 jyly uly aqyn, kompozıtor jáne qoǵam qaıratkeri Abaı Qunanbaıulynyń 175 jyldyǵyn merekeleý jóninde tapsyrma berilgen bolatyn.

Sonymen qatar 2020 jyly qazaq halqynyń uly aqyny, aǵartýshy Abaı Qunanbaıulynyń 175 jyldyq mereıtoıyn joǵary uıymdastyrýshylyq jáne mazmundyq deńgeıde merekeleýdi qamtamasyz etý maqsatynda Qazaqstan Respýblıkasy Prezıdentiniń 2019 jylǵy 30 mamyrda «Abaı Qunanbaıulynyń 175 jyldyq mereıtoıyn merekeleý týraly» № 55 Jarlyǵy jáne 2019 jyldyń 26 tamyzynda Qazaqstan Respýblıkasynyń Prezıdenti Q.K. Toqaevtyń Jarlyǵymen Abaı Qunanbaıulynyń 175 jyldyq mereıtoıyn daıyndaý jáne ótkizý jónindegi memlekettik komıssııanyń quramy bekitildi.

2019 jyl 9 qyrkúıekte Qazaqstan Respýblıkasynyń Memlekettik Hatshysy tóraǵalyǵymen Abaı Qunanbaıulynyń 175 jyldyq mereıtoıyn daıyndaý jáne ótkizý jónindegi memlekettik komıssııanyń alǵashqy otyrysynda mereıtoıdy daıyndaý jáne ótkizý jónindegi jalpyrespýblıkalyq josparynyń jobasyn qarastyrǵan.

Jospar 82 tarmaqty qamtıdy, solardyń ishinde iri halyqaralyq jáne respýblıkalyq qoǵamdyq mańyzy bar, ǵylymı, aǵartýshylyq is-sharalar, konferensııalar, sımpozıýmdar, plenerler, dóńgelek ústelder, synyp saǵattar, poetıkalyq jáne ádebı konkýrstar, baspasóz týrlary jáne ózge de is-sharalar bar.

Qazirdiń ózinde oblystar, respýblıkalyq mańyzy bar qalalar men astana ákimdikteri, merekeleýdiń óńirlik josparlary bar.

«Uly Abaı mereıtoıynyń resmı saltanatty ashylý rásimi 2020 jylǵy  21 qańtarda Nur-Sultan qalasynda ótedi» dedi mınıstrdiń orynbasary N. M.Dáýeshov.

Sol sııaqty ol mańyzdy jobalardyń biri – Abaı shyǵarmalarynyń jınaǵyn  sheteldiń 10 tiline aýdarý jáne shyǵarý, Abaıdyń ómiri, shyǵarmashylyǵy, murasy men róli týraly úsh derekti-qoıylymdyq fılmdi shyǵarý ekendigin atap ótti.

2020 jylǵy tamyzda Semeı qalasynda «Abaı murasy jáne álemdik rýhanııat» atty halyqaralyq ǵylymı-praktıkalyq konferensııa ótkiziledi. Konferensııaǵa belgili otandyq jáne sheteldik abaıtanýshy ǵalymdar, ǵylymı-shyǵarmashylyq zııaly qaýym ókilderi shaqyrylady.

Mereıtoı aıasynda Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵyn mýzeefıkasııalandyrý jáne aqyn esimimen baılanysty tarıhı-mádenı mura obektilerine ǵylymı-restavrasııalaý jumystaryn júrgizý qarastyrylǵanyna toqtala kele, Mádenıet jáne sport vıse-mınıstri N.Dáýeshov:

«Barlyq oqý oryndarynda Abaıdyń óleńderin jáne qarasózderin mánerlep oqý jáne mazmundaý boıynsha  ashyq sabaqtar men taqyryptyq shyǵarma baıqaýlary ótkiziledi. Respýblıkanyń barlyq aımaǵynda oqýshylar úshin «Abaı jerine saıahat» atty Abaı jerlerine ekskýrsııalyq týrlar qarastyrylǵan. Joǵary oqý oryndarynda ǵylymı konferensııalar, Abaı oqýlary, sımpozıýmdar, poetıkalyq jáne ádebı festıvalder, poezııa keshteri, Abaı óleńderin úzdik oqý, ánderin oryndaý jáne shyǵarmashylyǵyn bilý boıynsha semınarlar men konkýrstar josparlanýda. L.N. Gýmılev atyndaǵy EUÝ janynan «Abaı akademııasy» ǵylymı-zertteý ınstıtýty quryldy» dedi.

Uly Abaıdyń 175 jyldyq mereıtoıyn atap ótý qarsańynda árbir qazaqstandyq Abaıdyń shyǵarmalary boıynsha jalpyulttyq dıktantqa qatysa alady. Sonymen qatar mereıtoı aıasynda barlyq mádenıet jáne sport uıymdarynda ádebı oqýlar, taqyryptyq is-sharalar, ulttyq sport túrleri boıynsha sporttyq jarystar, shyǵarmashylyq keshter, festıvalder, áskerı bólimderde belgili aqyn-jazýshylar, abaıtanýshy ǵalymdardyń qatysýymen saltanatty is-sharalar jáne t.b. ótkiziledi.

Sońǵy jańalyqtar

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Aqmolada taǵy bir naýqas anyqtaldy

Koronavırýs • Keshe

Uqsas jańalyqtar