Qazaqstan • 16 Qańtar, 2020

Elbasy Joǵarǵy Sot tóraǵasy Jaqyp Asanovty qabyldady

122 retkórsetildi

Kezdesý barysynda sot júıesindegi reformalardy iske asyrý aıasynda qabyldanǵan is-sharalardyń oryndalý barysy talqylandy.Bul týraly Tuńǵysh Prezıdenttiń baspasóz qyzmeti habarlady.

Qazaqstannyń Tuńǵysh Prezıdenti azamattardyń sottarǵa degen senimin odan ári arttyrý jumystarynyń mańyzdylyǵyn aıta kele, sottardyń memlekettik basqarý júıesinde erekshe oryn alatyndyǵyn atap ótti.

– Azamattardyń quqyqtaryn qorǵaý jáne halyqtyń sot júıesine degen senimin arttyrý máseleleri kún tártibinde árdaıym ózekti bolyp qala beredi. Bul baǵytta biraz jumys isteldi. «100 naqty qadam» Ult josparynda osy salanyń damýyna erekshe kóńil bólingen. Kózdelgen mindetter oryndalyp jatyr, kórsetkishter jaman emes. Sottarǵa degen el senimi artyp keledi, dedi Elbasy.

О́z kezeginde J.Asanov Nursultan Nazarbaevqa sýdıalardy attestattaý nátıjeleri, sot aktileriniń sapasyn jaqsartý jáne sýdıalarǵa júktemeni azaıtý boıynsha qabyldanǵan sharalar týraly aıtyp berdi.

– Biz jańa ádisti qoldana otyryp, sýdıalardy attestattaýdy bastadyq. Attestasııaǵa qatysqan 377 sýdıanyń 11 paıyzy óte almady. Jyl sońyna deıin taǵy 260 sýdıa attestasııadan ótedi. Osylaısha, 2021 jyly sýdıalardyń 84 paıyzy tekseriledi, - dedi Joǵarǵy Sot tóraǵasy.

Kezdesý sońynda Qazaqstannyń Tuńǵysh Prezıdenti sot júıesiniń tıimdiligin arttyrý máselesi kóptegen memleketter úshin ózekti ekendigine nazar aýdardy.

– Sottarǵa degen kózqaras ózgerýde. Degenmen, áli de biraz jumys atqarý kerek. Bul máselemen biz ǵana aınalysyp júrgen joqpyz, basqa da elder oǵan erekshe kóńil bólip otyr, dedi Elbasy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar