Parlament • 17 Qańtar, 2020

Mańyzy joǵary jaıttar qozǵaldy

19 retkórsetildi

Senator Baqytjan Juma­ǵulov jumys babyndaǵy sapar­men Aqmola oblysynda boldy. Senator Kókshetaý qala­syndaǵy birqatar bilim berý ny­sandaryn aralap, oqytý­shylarmen, oqýshylarmen jáne stýdenttermen kezdesti.

Kezdesýlerde «Pedagog már­tebesi týraly» zań men Qazaqstan Respýblıkasynyń 2020-2025 jyldarǵa arnalǵan bilim berý men ǵylymdy damytýdyń mem­lekettik baǵdarlamasynyń erejeleri jan-jaqty túsin­diril­di.

Depýtat jańa zańdaǵy ádepke qatysty jáne basqa da quqyqtyq, áleýmettik kepildikter týraly erejeler jaıly aıta kelip, pedagogterdiń óz qyzmetine adaldyǵy bárinen de joǵary ekenin erekshe atap ótti.

* * *

Senatorlar Marat Taǵymov pen Muhtar Jumaǵazıev jumys saparymen Aqtóbe oblysy Alǵa aýdanyndaǵy Úshqudyq, Tik­qaıyń, Qaraqobda jáne Saryqoba aýyldaryna bardy.

Olar osy aýyldardaǵy mek­tep­terdiń jaǵdaıymen tanysyp, pedagogtermen jáne oqýshylarmen kezdesti. Kezdesý barysynda pe­dagog mártebesin arttyrýǵa baı­lanysty máse­leler men den­saý­lyq saqtaýdy damytýdyń 2020-2025 jyldar­ǵa arnalǵan memle­kettik baǵdar­lamasy týraly aı­tyldy.

Depýtattar Alǵa aýdanyndaǵy saparynyń sońynda 2017 jyldan bastap jumys istep kele jatqan sharýa qojalyǵynda boldy. Ábdirazaq Jaqannyń sharýa­shylyǵynda 350 jylqy, 270 asyl tuqymdy iri qara jáne 800 qoı bar.

Turǵyndarmen bolǵan barlyq kezdesýlerde medısınalyq qyz­met kórsetý, bilikti mamandardyń jetispeýshiligi, qarapaıym dári-dármektiń joqtyǵy, jedel dári­gerlik kómek kórsetýdiń qoljetim­sizdigi máselesi kóte­rildi.

Senatorlar M.Taǵymov pen M.Jumaǵazıev aýyldyq eldi me­kenderge saparynyń qorytyn­dysy boıynsha Aqtóbe oblysy­nyń ákimi Ońdasyn Orazalınmen kezdesti.

* * *

Senat depýtaty Tóleýbek Mu­qa­shev Ulttyq ulannyń 5574 ás­ke­rı bóliminiń jaýyn­gerlik jáne ádistemelik daı­yn­dyq ortaly­ǵynda boldy.

Depýtat sapar barysynda Ishki ister mınıstrligi men Ult­tyq ulannyń bólimsheleri jáne elimizdiń basqa da áleýetti qury­lymdary is júzinde daıyndyqtan ótetin ortalyqtyń negizgi min­det­terimen, ınfraqurylym bólimi, kazarmalyq-turǵyn úı qory, oqý materıaldyq-tehnıkalyq ba­zasynyń jaı-kúıi jáne damý keleshegimen tanysty.

* * *

Senat depýtaty Lázzat Súleı­­men Taldyqorǵan qala­syn­daǵy birqatar áleýmettik jáne mádenı nysandardy ara­lady jáne qala turǵynda­rymen birneshe kezdesý ótkizdi.

Senator qabyldanǵan jańa zańdar men qoldanystaǵy zań­darǵa túzetýler, quqyq qorǵaý or­gandaryndaǵy reformalar týraly aıtyp, áleýmettik qoldaý jónindegi aımaqta júzege asyp jatqan jumystardy azamattarǵa tanys­tyrdy. Lázzat Súleımen sapar barysynda «Sıfrlyq Qazaqstan» memlekettik baǵdar­lamasy aıasynda ashylǵan «Jetysu Hub» IT-ortalyǵynda stýdentter men balalar jasaǵan jańa jobalardy kórdi. Ortalyq jas IT-mamandardy daıarlaýǵa, halyq arasynda startap-mádenıetti qalyptastyrýǵa jáne el ekonomıkasyn ilgeriletýge arnalǵan joǵary tehnologııalyq jobalardy ázirleýge baǵyttalǵan.

Jumys sapary barysynda senator Qazaqstan halqy oblystyq assambleıasynda bolyp, medıasııa ortalyǵynyń jumysymen tanysty. Kezdesý barysynda Qazaqstandaǵy medıasııa ınstıtýtyn odan ári damytý keleshegi, daýlardy sottan tys jáne sotqa deıingi retteý ınstıtýttaryn memlekettik retteý tetikteri, sondaı-aq medıasııaǵa baılanysty búgingi tańda oryn alǵan ózekti máseleler talqylandy.

* * *

Senat depýtaty Serik Jaq­sy­­bekov Nur-Sultan qala­­lyq máslıhatynyń bıýd­jet, ekonomıka, ónerkásip jáne kásipkerlik máseleleri jó­nin­degi turaqty komıssııasy­nyń múshelerimen kezdesti.

S.Jaqsybekov áńgime bary­synda ózara is-qımyl qalyptas­tyrýdaǵy eń basty ıdeıa – keri baılanys ekenin atap ótti jáne Senattyń zańnamalyq qyzmeti men turǵyn úı-kommýnaldyq sha­rýashylyq salasyndaǵy ózge­risterge qatysty zań jobasyn qaraý barysyndaǵy atqarylǵan jumystarǵa toqtaldy. Sondaı-aq osy zań jobasy boıynsha kelisý rásimderi men densaýlyq saqtaý salasyndaǵy ózgerister boıynsha zań jobalarynyń erejeleri men pedagogterdiń mártebesi týraly aıtyp, olardyń negizgi mindetteri men mańyzy týraly áńgimeledi. S.Jaqsybekov sonymen qatar qabyldanǵan zańdardyń iske asýyn qadaǵalaýdaǵy qıyndyqtardy aıtty.

* * *

Senat depýtaty Sáýle Aıt­paeva jumys sapary barysyn­da Aqmola oblysyndaǵy Jaq­sy aýdanynda boldy.

Senator Jaqsy aýdandyq aýrýhanasy men №1 jáne №2 orta mektepterdiń jumysymen ta­nysty. Aýdandyq aýrýhana dárigerlerimen kezdesýde medısına salasy qyzmetkerlerdiń mártebesin arttyrý jáne olardy qorǵaý, mindetti áleýmettik me­dısınalyq saqtandyrý, aýyl­dyq aýrýhanalarǵa kadrlardy tartýǵa yqpal etetin «Dıplommen – aýylǵa!» memlekettik baǵdar­lamasynyń máseleleri kóterildi.

Aýdan turǵyndary aýyl­darda medısınalyq mekeme­lerdiń, dárigerler men medısına salasynyń basqa da qyzmet­kerleriniń, medısınalyq materıaldar men jabdyqtardyń, dári-dármektiń jetispeýi máselelerin kóterdi. Shalǵaı aýdandarda orna­lasqan turǵyndar sany az eldi mekenderde, aýyldarda kúrdeli jaǵdaı qalyptasyp otyr. Aýyldardaǵy medısınalyq kó­mekke muqtaj egde jastaǵy tur­ǵyndarynyń jaǵdaıy óte qıyn. Odan basqa, halyq sanynyń ósýi­ne jáne pasıentterdi emdeýge, aldyn alýǵa jáne ońal­týǵa jańa tásil­derdi engizý qajet­tigine baılanys­ty densaýlyq saq­taý júıesin jań­ǵyrtý meıirbı­kelerdiń quzy­reti men daıarly­ǵyna jáne meıir­bıke qyzmetterin damytýǵa jańa talaptar qoıady.

 

 

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar