Aımaqtar • 17 Qańtar, 2020

Batys Qazaqstanda jańa jobalar maquldandy

14 retkórsetildi

Oral qalasynda óńir basshysy Ǵalı Esqalıevtiń tóraǵalyq etýimen ınvestısııa tartý, ınvestısııalyq klımatty jaqsartý jáne eksportty damytý boıynsha óńirlik keńestiń kezekti otyrysy ótti. Keńeste ınvestorlar tarapynan balyq sharýashylyǵy kesheni, golf alańy, jeke mektep, sport kesheni, saýda úıi sııaqty jańa jobalar usynylyp, qoldaý tapty.

Sońǵy eki jylda óńirde 468 mlrd teńgeniń 15 ınvestısııalyq jobasy maquldanǵan eken. Qazir olar óz kezegimen júzege asyp jatyr. «AQJAIYQ» ÁKK» UK» AQ basqarma tóraǵasynyń orynbasary Tólegen Myrzabekovtiń aıtýynsha, óńirlik keńestiń sońǵy jıynynda talqylanǵan úsh joba da josparǵa sáıkes kele jatyr.

- Búgin talqylaýǵa usynylyp otyrǵan 4 joba – bizdiń óńir, tipti Qazaqstannyń batys aımaǵy úshin múldem jańa, tyń bastamalar. Jobalardyń jalpy quny – 26 mlrd teńgeni quraıdy. Bul bastamalar tolyq qýatyna engen kezde 370 jańa jumys orny ashylady dep kútip otyrmyz. Biz úshin ár ınvestor mańyzdy. О́ńirde týrızm, sport, bilim salasy damýy úshin barlyq qoldaý kórsetetin bolamyz. Investorlarǵa tabys tileımiz, - dedi keńesti júrgizgen Batys Qazaqstan oblysynyń ákimi Ǵalı Esqalıev.

Keńes talqylysyna usynylǵan alǵashqy joba - «Aquazor» JShS usynǵan jabyq sý qoımasynda teńiz balyqtaryn ósirý isi. Bul joba alǵash ret 2019 jyly qyrkúıek aıynda ótken «KazInWest» bıznes forýmynda tanystyrylǵan bolatyn. Odan beri ótken ýaqyt ishinde ınvestorlar Baıterek aýdanynan balyq sharýashylyǵy úshin qajetti jer telimin tańdap úlgergen. Árıne, Batys Qazaqstan oblysynda buǵan deıin bekire tuqymdas balyq ósirýge baǵyttalǵan joba bar bolatyn. Biraq teńiz jándikteri - barramýndı alabuǵasy men kları jaıyny Aq Jaıyq óńirinde tuńǵysh ret ósirilgeli otyr. Sheteldik ınvestorlar óńirdiń kólik logıstıkasyn, ıaǵnı daıyn ónimdi Qazaqstan men Reseı Federasııasyna taratý múmkindigin de joǵary baǵalaǵan. 31 mln evro jumsalatyn joba-keshende jylyna 3 myń tonna ónim shyǵarylmaq. Almaty qalasynan skaıp arqyly tikeleı baılanysqa shyqqan kompanııa aksıoneri Aleksandr Trebýhınniń aıtýynsha, bul joba qaldyqsyz tehnologııa boıynsha jumys istemek. Keshen qalbyrdaǵy ónimder, ystyq jáne sýyq kúıde qaqtalǵan balyq jáne balyq ónimderi, jartylaı daıyn taǵamdar, balyq uny t.b. ónim shyǵarady. Keshenniń qurylysyna 120 adam tartylsa, qoldanysqa berilgennen keıin jańadan 70jumys orny ashylady dep kútilýde. О́nim qýattylyǵy 1500 tonnany quraıtyn birinshi kezeńniń iske qosylýy 2021 jyldyń tórtinshi toqsanyna, al ekinshi kezeńin bastaý 2023 jyldyń birinshi toqsanyna josparlanǵan. Memleket, ıaǵnı Batys Qazaqstan ákimdigi óz tarapynan jobaǵa qoldaý kórsetip, Báıterek aýdany aýmaǵynan jer telimin beredi.

Budan keıin «Golf&Resort «AQJAIYQ» JShS dırektory Batyrbek Seıitbekov sóz alyp, Báıterek aýdany aýmaǵynda golf alańyn salý jobasymen tanystyrdy. Bul jobaǵa 30 mln. AQSh dollary kóleminde sheteldik ınvestısııa quıylmaq. Jalpy aýmaǵy 80 gektardy qamtıtyn aýmaqqa 18 shuńqyrly golf alańy, golf-akademııa, klýb úıi, qonaqúı men meıramhana, basqa da sporttyq alańdar salynady dep jobalanǵan. Nysannyń qurylysyna 50 adam jumylsa, joba iske qosylǵannan keıin de 50 adamǵa jumys berilmek. Jobanyń birinshi kezeńi 2021 jyldyń ekinshi toqsanynda iske qosylady dep kútilýde. Bul jobaǵa da memleket tarapynan qoldaý retinde jer telimi bólinedi.

- Bizdiń óńirde tabysy mol sheteldik munaı-gaz kompanııalary bar, Reseıdiń iri qalalary da alys emes. Oblystyń tranzıttik áleýeti joǵary. Sońǵy jyldary týrızm salasy erekshe damyp keledi. Áýejaıda jańa termınaldyń qurylysy aıaqtalyp, zamanaýı qonaqúıler paıdalanýǵa berilgen soń sheteldik týrıster tasqyny da kóbeıýi tıis. Sondyqtan golf alańy da suranysqa ıe bolady degen oıdamyn, - dedi oblys basshysy Ǵalı Esqalıev.

«H. Qapanov atyndaǵy Oral halyqaralyq gımnazııasy» JShS-nyń dırektor-quryltaıshysy Haıdar Qapanov Oral qalasynan jeke mektep ǵımaratyn salýdy usynyp otyr. Jobanyń ınvestısııa kólemi shamamen 500 mln. teńgeni quraıdy. Bul óńirdegi eń úlken jeke mektep bolmaq. Jańa mektepte 550 oqýshy, al eki aýysymda jumys jasasa, 1100 oqýshy bilim alady.

- Bul jańadan, taqyr jerden bastalyp otyrǵan bıznes emes. Bul salada kópjyldyq tájirıbemiz bar. Qazir balabaqshamyz, bastaýysh mektebimiz jumys istep tur. О́zimizdiń bilikti mamandarymyz bar. Jańa joba «Atameken» odaǵynda da talqylandy, qoldaýǵa ıe boldy. Búgingi keńestiń maquldaýy ózge ınvestorlarǵa da jaqsy belgi boldydep oılaımyn, - deıdi Haıdar Qapanov.

Aıta keteıik, «H. Qapanov atyndaǵy Oral halyqaralyq gımnazııasy» JShS-nyń menshiginde jalpy aýmaǵy 5 myń sh.m. quraıtyn balabaqsha jumys istep tur. Al bıyl qurylysyn bastaǵaly otyrǵan mektep ǵımaratyn 2021 jyldyń birinshi toqsanynda iske qosý josparlanǵan. Qurylys barysynda 50, al mektep iske kiriskennen keıin 85 jańa jumys orny ashylady dep kútilýde. Haıdar Qapanov josparlary sátti júzege assa, bes jyl ishinde óńirde osyndaı 15 mektep ashýdy kózdep otyr.

«Memleket tarapynan ınvestısııany 8 jyl boıyna qaıtarý, sondaı-aq barlyq jumys isteý kezeńinde operasııalyq shyǵyndardy óteý túrinde qoldaý kórsetiledi. Qazirgi tańda ınvestor men QR Bilim jáne ǵylym mınıstrliginiń «Qarjy ortalyǵy» AQ arasynda memlekettik qoldaý týraly kelisimge qol qoıyldy. Atap óterligi, orta bilim berý qyzmetiniń belgilengen kólemi halyq úshin tegin kórsetiledi», – dep atap ótti óńir basshysy.

Batys Qazaqstan oblysyna ınvestısııa tartý, ınvestısııalyq klımatty jaqsartý jáne eksportty damytý boıynsha ótken óńirlik keńeste 600 oryndyq «Báıterek» sporttyq kesheni, «№1 saýda úıi» jobalary da talqyǵa salyndy. Joba avtorlary «BIMS» JShS-nyń atqarýshy dırektory Mahambet Sultanǵalıev pen «Ashyq jol» JShS-nyń quryltaıshysy Venıamın Muqataev ár jobanyń jón-josyǵyn túsindirip, turǵyndarǵa qyzmet kórsetý jaqsaratynyn aıtty.

О́ńir basshysy bul jobalarǵa memleket tarapynan «Bıznestiń jol kartasy – 2025» baǵdarlamasy aıasynda syıaqynyń paıyzdyq mólsherlemesin sýbsıdııalaý boıynsha qoldaý kórsetiletindigin aıtty.

 

Batys Qazaqstan

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar