Aımaqtar • 17 Qańtar, 2020

Almaty oblysy aýmaǵynda energııa quny taǵy da qymbattady

51 retkórsetildi

Almaty qalasy men oblysynyń aýmaǵyna elektr energııasyn taratatyn «AlmatyEnergoSbyt» jaýapkershiligi shekteýli seriktestigi 1 qańtardan bastap qýat qunynyń qymbattaǵanyn habarlady.

Esep boıynsha, endi turǵyndar tutynǵan jaryq úshin belgilengen baǵany 4,6 prosentke artyq  tóleıdi. Qýat qunynyń ósýine energııa tasymaldaý tarıfteriniń ózgerýi áser etken kórinedi. Máselen, megapolıs pen oblysqa qýat kózin jetkizýshi «AJK» kompanııasy qyzmet kórsetý baǵasyn 6 prosentke, «Qalpyna keltiriletin qýat kózderin qoldaý» ortalyǵy seriktestigi tarıfti 30 prosentke, «Qazaqstan temir joly» ulttyq kompanııasy 2 prosentke jáne «Kegok» aksıonerlik qoǵamy da óz qyzmetin 12 prosentke ósirgen eken.  

Endi qala men oblys aýmaǵyndaǵy energııa shyǵynyn esepteýdiń jalpy ekonomıkalyq tıimdi tarıfi 19,17 teńge bolmaq. Buǵan deıin jaryqtyń jalpy quny 18,32 teńge edi. Al turǵyndarǵa tutynǵan energııa úshin aqy tóleý burynǵydaı 3 deńgeıli tarıf boıynsha eseptelmek. Iаǵnı, úıdegi esepteýish kórsetken shyǵyn 1-deńgeıli tarıfpen 0,79 teńgege qymbattap, 17,79 teńge bolsa, 2-deńgeıli tarıf 21,99 teńgeden ósip 23 teńgeni quraıdy. Al buǵan deıin 27,48 teńge bolyp kelgen 3-deńgeıli tarıf quny 28,76 teńgege kóbeıdi.

Aıtpaqshy, «AlmatyEnergoSbyt» seriktestigi araǵa 2 aı salyp energııa qunyn taǵy da ósirip otyr. 2019 jyldyń 1 qarashasynan bastap Almaty qalasy men oblysy aýmaǵyndaǵy tólem tarıfi shamamen 1 teńgege qymbattaǵan bolatyn. Tabıǵı monopolııany retteý komıteti ol kezde energııa bosatýdyń ortasha qunyn, ıaǵnı jalpy ekonomıkalyq tıimdi tarıfti 18,32 teńge mólsherinde belgileýge birden kelisim bergen edi.

 

 

Almaty oblysy

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Halyqaralyq jıynǵa qatysty

Saıasat • Búgin, 08:15

Jańa kodeks jobasyn talqylady

Saıasat • Búgin, 08:12

Shetelge shyqpaýǵa keńes berdi

Qoǵam • Búgin, 08:04

Saýdakenttiń sharýalary saqadaı saı

Ekonomıka • Búgin, 08:02

«Qarjy pıramıdalary» qaıtyp keldi me?

Ekonomıka • Búgin, 08:01

Depýtattar on bir usynys ázirledi

Parlament • Búgin, 07:56

Uqsas jańalyqtar